Në fund të viteve 80 të shekullit të kaluar, duke marrë përvojën e përparuar ndërkombëtare Kina filloi krijimin e zonave të shfrytëzimit të industrisë me teknologji të lartë dhe të re, të cilat janë bërë forca të rëndësishme për nxitjen e zhvillimit të ekonomisë kineze. Nga të dhënat statistikore të publikuara ditët e fundit nga Ministria e Shkencës dhe e Teknologjisë e Kinës, del se Kina ka krijuar mbi 50 zona të shfrytëzimit të industrisë me teknologji të lartë dhe të re, të cilat krijuan 5 % të vëllimit të prodhimit të përgjithshëm të vendit. Në të ardhmen, Kina do të shtojë më tej përkrahjen ndaj tyre për të nxitur rolin e tyre nxitës për rritjen ekonomike.

Një funksionar i kësaj ministrie, z. Lian Gui tha se zonat e shfrytëzimit të industrisë me teknologji të lartë dhe të re të përhapura në krahinat e ndryshme të Kinës, janë baza të rëndësishme të krijimit shkencor teknologjik të Kinës dhe të zhvillimit të industrisë me teknologji të lartë dhe të re. Tani ato janë bërë forcat e rëndësishme për nxitjen e rritjes ekonomike të Kinës.

"Zonat e shfrytëzimit të industrisë me teknologji të lartë dhe të re në nivel kombëtar janë bërë baza të rëndësishme të industrisë me teknologji të lartë dhe të re të Kinës dhe shtylla të rëndësishme për zhvillimin e forcave të përparuara prodhuese".

Gjatë shumë vjetëve të fundit, Kina ka zbatuar një politikë të privilegjuar të taksave të formave të ndryshme për këto zona. Njëkohësisht këto zona kanë marrë masa për tërheqjen e biznesmenëve dhe të investimeve etj, duke krijuar kushte të mira për transferimin e rezultateve tekniko-shkencore. Një prej këtyre masave ka luajtur një rol për zhvillimin e ndërmarrjeve, duke dhënë pajisjet e ndryshme e të duhura dhe shërbime përkatëse për ndërmarrjet që kanë perspektivë zhvillimi. Drejtorja e përgjithshme me përgjegjësi të kufizuar e inkubatorit biologjik të zonës së shfrytëzimit të industrisë me teknologji të lartë dhe të re të Shenzhenit të Kinës jugore, zj. Qiu Xuan tha: "Nga krijimi i inkubatorit del se kyçi është ulja e kërkesës për krijimin e ndërmarrjeve".

Me zbatimin e politikave dhe masave të privilegjuara dhe të ndryshme, vitet e fundit, industritë me teknologji të lartë dhe të re të këtyre zonave kanë pasur një zhvillim të shpejtë, duke përbërë grupe industriale të telekomunikacionit të lëvizshëm, të kompjuterit, të softeve etj. Janë krijuar pandërprerë një sërë ndërmarrjesh të mëdha dhe të mesme të industrisë me teknologji të larta dhe të reja me një vlerë prodhimi prej 10 miliardë juanësh. Sipas njoftimeve, në 41 mijë ndërmarrjet e mbi 50 zonave të shfrytëzimit të industrisë me teknologji të lartë dhe të re, të ardhurat e përgjithshme të biznesit të 10 % të ndërmarrjeve i kaluan 1 trilion juanët. Gjatë 5 vjetëve të fundit, përqindja e rritjes mesatare dhe vjetore të treguesve të ekonomisë së këtyre zonave i kaloi 50 %. Këto zona janë bërë forca të rëndësishme për nxitjen e zhvillimit të industrisë me teknologji të lartë dhe të re dhe për përmirësimin e strukturës ekonomike.

Funksionari i Ministrisë së Shkencës dhe të Teknologjisë të Kinës, z. Lian Gui tha se gjatë 5 vjetëve të ardhshëm, zonat e shfrytëzimit të industrisë me teknologji të lartë dhe të re të nivelit kombëtar në Kinë do të forcojnë më tej epërsitë e krijimit dhe të konkurrencës të tyre dhe do të inkurajojnë krijimin teknologjik të ndërmarrjeve të mesme dhe të vogla për t'i shndërruar zonat e shfrytëzimit të industrisë me teknologji të lartë dhe të re të nivelit kombëtar në Kinë në qendra rajonale dhe urbane të krijimit teknologjik.

"Gjatë 5 vjetëve të ardhshëm, këto zona duhet të ngrenë më tej aftësinë e krijimit autonom dhe të forcojnë mbrojtjen e mjedisit për të luajtur rolin e tyre nxitës. (Sihai)