Gjatë 27 vjetëve të zbatimit të reformës dhe hapjes në Kinë, ekonomia ka ruajtur një prirje të rritjes së shpejtë. Përqindja e rritjes vjetore dhe mesatare të vëllimit të prodhimit të përgjithshëm të vendit arriti në 9.6 %. Zgjerimi i vazhdueshëm i përmasës ekonomike u ka sjellë shoqërive shumëkombëshe dhe ndërmarrjeve private kërkesën e madhe të tregut, duke krijuar shumë raste të mira të zhvillimit. Kryetari i Shoqërisë së ndërmarrjeve me investime të biznesmenëve të huaj të Kinës, z. Shi Guangsheng tha se ndërmarrjet me investime të huaja dhe ekonomia private janë forcat e rëndësishme për nxitjen e zhvillimit të ekonomisë kineze.

"Deri në shtator të vitit 2006, 200 vende dhe rajone të botës kanë bërë investime në Kinë. Vëllimi i investimeve të tyre në Kinë i kaloi të 660 miliardë dollarët amerikanë. Përqindja e vëllimit të eksportit të ndërmarrjeve me investime të biznesmenëve të huaj ka zënë mbi 50 % e vëllimit të përgjithshëm të eksportit të Kinës. Deri në fund të vitit 2005, ekonomia e ndërmarrjeve private me investime të brendshme ka zënë 50 % e vëllimit të prodhimit të përgjithshëm të vendit. Vëllimi i përgjithshëm i investimeve të ndërmarrjeve private me investime të brendshme u shtua 30 % gjatë 5 vjetëve të fundit".

Sipas njoftimeve, gjatë periudhës së fillimit të reformës dhe të hapjes, ndërmarrjet private të Kinës kanë qenë ndërmarrje të mesme dhe të vogla, të cilat kishin probleme pasi u munguan fondet dhe teknologjia. Megjithëse shoqëritë shumëkombëshe që sapo hynë në Kinë, kishin fonde dhe teknologji të mjaftueshme, ato nuk kanë njohur gjendjen e tregut kinez. Gjatë procesit të zhvillimit të shpejtë të ekonomisë kineze, bashkëpunimi midis ndërmarrjeve private të Kinës dhe shoqërive shumëkombëshe është bërë i domosdoshëm. ZV/drejtori i përgjithshëmi i shoqërisë amerikane "Xhonsan"që është një nga 500 shoqëritë e fuqishme të botës, z. Ton Garrie është i mendimit se forcimi i bashkëpunimit dypalësh mund të fitojë përfitime të dyfishta me leverdi reciproke.

"Zhvillimi i bashkëpunimit midis shoqërive shumëkombëshe dhe ndërmarrjeve private të kinës mund t'u japë ndërmarrjeve private të Kinës përkrahjen e fondeve dhe të teknologjive dhe mund të ndihmojë këto ndërmarrje private të ngrejnë aftësinë e tyre të administrimit e të përmirësojnë mjedisin e biznesit të tyre. Me zhvillimin e biznesit të shoqërive shumëkombëshe në Kinë, ndërmarrjet private mund t'u sjellin shoqërive shumëkombëshe shumë raste për krijimin e pasurive. Shoqëritë shumëkombëshe duhet të përshtaten me prirjen e zhvillimit të ekonomisë kineze dhe të krijojnë lidhjet e ngushta me ndërmarrjet private të Kinës".

Në fillim, forma e bashkëpunimit midis ndërmarrjeve private të Kinës dhe shoqërive shumëkombëshe ishte realtivisht e thjeshtë. Ndërmarrjet private të Kinës prodhonin vetëm produktet komplekse për shoqëritë shumëkombëshe. Shoqëria e Koka Kolës ka qenë një nga shoqëritë shumëkombëshe që ka zhvilluar më herët bashkëpunimin me ndërmarrjet private të Kinës. Qysh nga fundit i viteve 80 të shekullit të kaluar, ambalazhi i produkteve të Koka Kolas është furnizuar nga ndërmarrjet private të Kinës.

"Si rezultati i transferimit afatgjatë të teknologjisë, më në fund, tregtarët e furnizimit të ndërmarrjeve private u bënë tregtarë prodhimi më të mirë të shisheve të lëngjeve të pijshme në botë. Me përkrahjen e Shoqërisë së Koka Kolas, këto ndërmarrje kanë zgjeruar më tej biznesin e tyre dhe u bënë ndërmarrje private me potencial të fortë në Kinë, duke shfrytëzuar epërsinë dhe aftësinë e tyre".

Tani mbi 90 % ndërmarrje private të Kinës kanë vendosur marrëdhëniet e bashkëpunimit me shoqëritë shumëkombëshe. Krahas shtimit të ndërmarrjeve private për zhvillimin e bashkëpunimit me shoqëritë shumëkombëshe, forma e bashkëpunimit dypalësh po shkon drejt zhvillimit të niveleve të ndryshme. Kryetari i Shoqatës së studimit për ekonominë private të Kinës, z. Bao Yujun tha se ndërmarrjet private të Kinës duhet të ndryshojnë më tej formën e administrimit të ndërmarrjeve për të nxitur zhvillimin e mëtejshëm të bashkëpunimit të ardhshëm.

"Në ndërmarrjet e tanishme private tona, 70 % prej tyre janë ndërmarrje familjare dhe 30 % e tjera janë ndërmarrje private që kanë qenë ndërmarrje shtetërore dhe kolektive. Me ndikimin e kulturës tradicionale të Kinës, koncepti i tyre është i vjetër dhe nuk favorizon bashkëpunim. Prandaj këto ndërmarrje private duhet të njohin rregullat e njohura ndërkombëtare, të mësojnë nga ligjet dhe rregulloret përkatëse, si dhe zakonet e kulturës. Kështu, bashkëpunimi do të zhvillohet më tej".

Në bashkëpunimin e ardhshëm midis tyre, ndërmarrjet private të Kinës dhe shoqëritë shumëkombëshe do t'u sjellin partnerëve të bashkëpunimit efektivitet dhe vlerë, duke shfrytëzuar epërsitë e veta. Të dyja palët e bashkëpunimit do të realizojnë përfitime të dyfishta. (Sihai)