Në vitin 1966, Zhu Mingying u diplomua në Universitetin e Valleve të Pekinit dhe u pranua në Ansamblin Oriental të Këngëve dhe të Valleve të Kinës. Në një shfaqje të vitit 1979, Zhu Mingying e leu lëkurën me të zezë dhe veshi kostume afrikane. Ajo këndoi disa këngë afrikane duke kërcyer. Kjo mënyrë e re interpretimi ngjalli jehonë të madhe në mbarë vendin. Zhu Mingying kujtoi:

"Atë kohë në Kinë nuk kishte shfaqje të tillë. Zbulova se shikuesve u pëlqente shumë stili i këndimit me valle."

Kur Zhu Mingying sapo kishte ardhur në Ansamblin Oriental të Këngëve dhe të Valleve, ish-kryeministri kinez Zhou Enlai e vizitoi këtë ansambël dhe u takua me anëtarët e tij. Gjatë takimit, Zhou Enlai u propozoi këngëtarëve të mësojnë gjuhë të huaja sepse ata janë jo vetëm artistë, por edhe diplomatë që mund të nxitin shkëmbimet kulturore midis popullit kinez dhe popujve të vendeve të ndryshme duke forcuar miqësinë midis tyre. Pas takimit, Zhu Mingying vendosi të mësojë këndimin e këngëve të huaja. Radio e Jashtme e Kinës ka shumë redaksi të gjuhëve të huaja, prandaj në atë kohë Zhu Mingying vinte shpesh në radion tone për të mësuar gjuhë të huaja, veçanërisht gjuhë afrikane.

Shfaqja e suksesshme ngjalli një entuziazëm më të madh te Zhu Mingyingu për mësimin e gjuhëve të huaja. Gjatë 5 vjetëve, ajo mësoi mbi 100 këngë në mbi 20 gjuhë të huaja. Me këto këngë, Zhu Mingying u bë shumë e famshme në Kinë e njëkohësisht ajo ka qenë në shumë vende për shfaqje. Gjatë shfaqjeve në vende të huaja, këngët e saj në gjuhët vendëse përshëndeten shumë nga shikuesit. Një herë ajo dha shfaqje në Egjipt dhe këndoi këngën popullore vendëse "Baisbusa". Shikuesit egjiptianë kënduan së bashku me Zhu Mingyingun dhe i kërkuan të këndojë përsëri e përsëri. Zhu Mingying e këndoi shumë herë këtë këngë duke ndier entuziazmin e shikuesve të huaj.

Zhu Mingying këndoi shumë këngë afrikane dhe fitoi famë të madhe ndër shikuesit afrikanë. Për të zhvilluar më tej çështjen e këndimit, ajo shpresoi të mësojë sistematikisht muzikën dhe vallet afrikane. Por në atë kohë në Afrikë nuk kishte shkollë të tillë. Kur mori vesh se në SHBA kishte kurs të muzikës afrikane, ajo hoqi dorë nga puna dhe shkoi në SHBA për studime.

Në vitin 1985, Zhu Mingying hyri në Institutin Berkli të Muzikës të SHBA-së për të studiuar historinë e muzikës afrikane dhe muzikën zezake. Nëpërmjet studimeve, Zhu Mingzing thelloi njohjen për muzikën afrikane. Ajo tha:

"Jam e mendimit se Afrika është vatra e artit. Muzika afrikane ka magji të veçantë. Shpresoj që një ditë mund të lidh muzikën kineze me atë afrikane."

Pas mbarimit të studimeve, Zhu Mingying u kthye në atdhe dhe krijoi shoqërinë Mingying të zhvillimit të Pekinit që merret me shkëmbimet kulturore me vendet e huaja. Tani ajo po përgatitet të krijojë një institut ndërkombëtar të artit dhe të kulturës për të studiuar artin afrikan. Zhu Mingying shpreson se ky institut do t'u shfaqë njerëzve magjinë e artit afrikan.

Zhu Mingying ka qenë shumë herë në Afrikë. Ajo u shpreh se tani në Afrikë ka shumë kinezë dhe restorante të kuzhinës kineze. Marrëdhëniet kino-afrikane gjenden në periudhën më të mirë në histori. Duke folur për Samitin e Pekinit të Forumit të Bashkëpunimit Kino-Afrikan që sapo u mbyll, Zhu Mingying tha:

"Tani personat e qarqeve të ndryshme kineze kanë filluar t'i kushtojnë vëmendje Afrikës. Jam e bindur se bashkëpunimi kino-afrikan do të zgjerohet më tej." (Fani)