"I dashuruari erdhi në shtëpinë e vajzës së tij, e mori dhe nisi t'i bjerë pipa (një lloj vegël muzikore kineze), vajza filloi të këndojë. Ajo u këndon zogjve që fluturojnë çifte dhe rosave që luajnë në ujë."

Kënga "Lule jasemin" është një këngë popullore shumë e preferuar nga të gjithë dhe është e përhapur gjerësisht në krahina të ndryshme të Kinës. Melodia e kësaj kënge është melodia tipike e këngëve popullore të provincës Hebei.

Provinca Hebei ndodhet në fushën e madhe të Kinës veriore dhe ka traditë dhe histori të gjatë të këngëve popullore. Këto këngë kanë tema të gjera dhe përmbajtje të pasur, kryesore janë këngë pune, këngë malore, këngë për fëmijë, këngë fetare, këngë dasme dhe këngë zie. Këto këngë të shëndetshme, të bukura, të thjeshta dhe të gjalla pasqyrojnë jetën, luftën, mendimet, dëshirat e zemrës të masave të gjera popullore. Më poshtë do të shijmë bashkë këngën popullore "Lakëra e vogël".

Kënga "Lakra e vogël" është një këngë tradicionale e përhapur në provincën Hebei, e cila pëshkruan pikëllimin dhe mallin e një vajze të mitur për të ëmën që ka vdekur. Melodia e saj e thejshtë dhe melankolike dhe thirrja e saj për nënën shpreh më tepër hidhërimin e vajzës mallin e saj për nënën e vdekur.

Tani le të dëgjojmë këngën "Lëshoj balonën". Në këngët popullore të provincës Hebei ka shumë këngë popullore lirike me melodi të bukur e të dashur, që u këndojnë thjeshtësisë, ndjenjave të përzemërta dhe ëndrrave të popullit punonjës për lirinë, lulturinë dhe për jetën e mirë. Kënga "Lëshoj balonën" është një prej tyre. Kënga përshkruan gëzimin e 3 vajzave, të cilat shëtisin në pranverë duke lëshuar balonat e përgatitura vetë. Në këgë thuhet: Në mars të pranverës, shkojmë në fushë për të shëtitur duke lëshuar balonën. Motra e madhe lëshoi një fluturë, unë lëshova një dyzetkëmbësh, balonat fluturojnë në qiell." (Pina)