Këngëtarja Dai Rao është e njohur nga këngët e dramave televiziv për shkak të karakterit femëror klasik të saj. Megjithëse nuk është e vlefshme të përmendet teknika muzikore e Dai Rao-s, zëri i bukur i saj mund të rrëmbejë zemrat e adhuruesve. Do të dëgjoni tani këngën me titull "Mbajnë mend gjërat e popullit".  dëgjoni

Në korrik të këtij viti, Dai Rao nxori albumin me titull "Hapet", në të cilën ajo ka provuar disa stile muzikore shumë të mirëpritura, si Brit-Pop, R&B, melodi filmi etj. Ajo i këndon mirë këngët e stileve të ndryshme. Nga ndryshimi i zërit të Dai Rao-s mund të zbulohen ndjenjat e holla të saj që forcohen dita ditës. Le të admirojmë tani këngën "Hapet".

Kënga "Hapet" është e thjeshtë për t'u kënduar dhe teksti i bukur përshkruan një histori dashurie të ndodhur në verë. Në këtë këngë thuhet "Ajri është plot me aromë orizi. Sytë e mi mbyllen ndërsa ndijej këtë aromë. Baret flenë gjumë para meje. Buzëqeshja jote mund të më njomë. Ndoshta nuk jam i përshtatshëm për të, por do të lulëzohem afër teje."  dëgjoni

Chen Kun është një yll i tanishëm filmi në Kinë. Ai ka luajtur shumë role të suksesshme në disa drama televiziv si "Ngjan si mjegull, shi dhe erë", "Familja luksoze" dhe "I dashuri në dashuri" etj. Të gjitha këto role janë mirëpritur gjerësisht nga shikuesit. Para se të niste jetën si aktor, Chen Kuni ishte një këngëtar solo i Korit të Këndimit dhe të Vallëzimit të Lindjes të Kinës. Në fund të vitit 2004 Chen Kun nxori albumin e ri "Depërtim", ku ai u bë i njohur nga adhuruesit si këngëtar.  dëgjoni

Albumi "Depërtim" është prodhuar me hollësi. Do të dëgjoni tani këngën me titull "Drita e fishekzjarrit", në të cilën thuhet "Më the që dëshiron të qëndrosh në kulm. Shkund me gisht cigaren në qiell, duke stërpikur pikë pikë petarde. Kjo është piktura më e bukur që kam parë..."

Emrin ky album nuk e ka marrë nga ndonjë këngë e tij. Chen Kuni u shpreh se ky emër ka dy domethënie. Së pari është për të deklaruar se ai do të lëvrojë zyrtarisht fushën e muzikës, së dyti është për të prekur zemrat e dëgjuesve me zërin e tij. Do të dëgjoni tani këngën me titull "Hëna e ngrënë", të kënduar nga Chen Kuni me zë të butë.  dëgjoni

Në fillim të këtij viti, këngëtarja A Duo nxori këngën e re "Mijëra fytyra", e cila është konsideruar si deklarata e dashurisë e femrave moderne. Ato duan të çlirojnë nga arresti, të ndryshojnë dhe të kërkojnë dashurinë e tyre. Në videon muzikore të kësaj kënge A Duo shfrytëzon një kapelë druri dhe rroba të arta për të krijuar një ikonë seksi që tërheq shumë adhurues. Në fund të programit të sotëm do të dëgjoni këngën me titull "Mijëra fytyra".  dëgjoni

Në këtë këngë thuhet "Le të luajmë një lojë të re. Nuk nevojitet biznesi por nevojitet dashuria. Bukuria është mjeti im që më ka dhënë fuqi magjike..." (U Sen)