dëgjoni

Besimi fetar dhe investimet në biznes janë dy gjëra pa lidhje, ndërsa biznesmeni tajvanez Hë Shanxi ka ardhur në pjesën kontinentale për investime, duke u nisur nga besimi i tij budist. Për besimin e tij, ai e ka përcaktuar qytetin Xian të provincës Shanxi të Kinës perëndimore si vend të krijimit të ndërmarrjes.

Zoti Hë Shanxi lindi në vitin 1958 në Tajpei. Deri në vitin 1988, ai kishte përshtypje të drejtpërdrejta për pjesën kontinentale. Në atë kohë, autoritetet e Tajvanit lejuan për herë të parë banorët tajvanezë të vinin në pjesën kontinentale për të vizituar të afërmit e tyre. Zoti Hë si gazetar ka ardhur së bashku me një delegacion për vizitë në Pekin. Më pas, çdo vit ai vinte në Pekin. Zhvillimi i shpejtë ekonomik e shoqëror i pjesës kontinentale e ka tërhequr mjaft atë.

Megjithëse zoti Hë ka shkuar në shumë qytete të pjesës kontinentale, më në fund qyteti Xian ka tërhequr vëmendjen e madhe të tij për investime. Duke folur për këtë, Hë Shanxi tha se arsyeja për zgjedhjen e Xianit si vend tëkrijimit të ndërmarrjes është "Fat budist".

"Para 3 vjetëve, ai mori pjesë në një aktivitet që të çonte sarirën (mbeturinat e trupit të murgjve budiste) të tempullit "Famensi në Xian në Tajvan për të nderuar. Në atë kohë, ai ka qenë shefi i grupit të propagandës. Nëpërmjet organizimit të këtij aktiviteti, ai ka krijuar fatin fetar me Xianin. Pastaj ai vendosi të vinte këtu për zhvillim".

Hë Shanxi është një budist besnik. Ai është i bindur se pjesëmarrja në aktivitetet e shkëmbimeve fetare midis dy brigjeve ka thelluar përshtypjen e tij për Xianin. Para se të vinte në Xian, ai ka shkuar së bashku me disa partnerë tregtarë në Pekin, Shangai dhe në disa qytete të mëdha për inspektime. Pastaj ai vendosi të vinte në Xian për zhvillim.

"Në konceptin tradicional të tajvanezëve, Xiani është një vend relativisht i prapambetur, në të cilin kudo rafshnalta me dhe të verdhë. Në fakt, niveli i këtushëm i studimeve shkencore është shumë i lartë".

Zoti Hë është i mendimit se aftësia e fortë e studimeve shkencore është epërsi e Xianit, ndërsa biznesmenët tajvanezë kanë përvojën e pasur të administrimit dhe aftësi relativisht e fortë e zgjerimit të tregut. Prandaj, në vitin 2003, ai krijoi një Shoqëri për shkencën dhe teknologjinë e lartë për prodhimin dhe shfrytëzimin e produkteve të kursimit të energjisë në Xian. Me zhvillimin 3 vjeçar, produktet e saj janë shitur në mbi 10 vende ose rajone të botës. Tani shoqëria po prodhon dhe shfrytëzon xhamin e kursimit të energjisë, duke hyrë në fazën e fundit të provës.

"Ky xham i kursimit të energjisë si një material i rëndësishëm dhe i ardhshëm ndërtimi është prodhuar sipas kërkesës së Ministrisë së Ndërtimit të Kinës".

Krahas zgjerimit të kësaj shoqërie, zoti Hë dëshiron të krijojë një zonë industriale me shkencë dhe me teknologji të lartë. Mendimi i tij ka fituar menjëherë përkrahjen e administratave të qytetit Xian dhe të provincës Shanxi. Kjo zonë industriale do të inaugurohet në dhjetor të këtij viti. Sipërfaqja e saj është 70 hektarë, vëllimi i investimeve të përgjithshme arriti në 1 miliardë e 200 milionë juanë.

Kryetari i bashkisë së qytetit Xian, z. Chen Baogen është i mendimit se zona industriale e shkencës dhe e teknologjisë së lartë mund të kombinojë epërsitë e Xianit dhe të Tajvanit për të realizuar përfitimet e dyfishta.

"Xiani ka energji dhe burime intelektuale të pasura. Ai ndodhet në një periudhë të rritjes së shpejtë ekonomike. Atij i duhen shumë fonde. Por fondet e Tajvanit janë reletivisht të pasura. Industria e softeve e Tajvanit është shumë e zhvilluar, ndërsa industria e softeve është edhe fushë e zhvillimit strategjik të Xianit".

Për të zgjidhur problemet e ndryshme të ndërmarrjeve me investime të Tajvanit, u krijua një Shoqatë e ndërmarrjeve të biznesmenëve të Tajvanit. Në forumin e 2-të të zhvillimit dhe të bashkëpunimit midis ndërmarrjeve të dy brigjeve të ngushticës të organizuar pak kohë më parë në Xian, Zoti Hë si përfaqësues i biznesmenëve tajvanezë i paraqiti nënkryetarit të provincës Shanxi, z. Yuan Chunqing problemin e vështirë të kredive të biznesmenëve tajvanezë dhe shpresoi se administrata vendore do të zgjidhë këtë problem. Për këtë zoti Yuan Chunqing bëri përgjegjen e qartë.

"Problemi i paraqitur nga zoti Yuan ka treguar zërin e biznesmenëve tajvanezë. Administrata e provincës vendosi të shtojë fondet e qeverisë që përdoren në kredinë e ndërmarrjeve të mesme dhe të vogla. Administratat e provincës dhe të qytetit duhet të bëjnë më shumë puinë për kredinë e biznesmenëve tajvanezë për zhvillimin e Xianit, në mënyrë që ata të marrin pjesë në konkurrencën e drejtë".

Me zbatimin e strategjisë së qeverisë kineze për zhvillimin e krahinave perëndimore, gjatë disa vjetëve të fundit, provinca Shanxi ka pritur hovin e investimeve të biznesmenëve tajvanezë. Shumë biznesmenë prej tyre në Shanxi janë të mendimit se Shanxi ka shumë raste tregtare dhe përshtatet për zhvillimin e ndërmarrjeve të Tajvanit. (Sihai)