Ditët e fundit, në një intervistë për korrespondentin e radios sonë, kryepërfaqësuesi i Bankës Aziatike të Zhvillimit, z. Toru Shibuichi tha se tani, Kina ka arritur një progres të rëndësishëm në zhdukjen e varfërisë, por përsëri para Kinës ekzistojnë shumë probleme në këtë fushë. Në të ardhmen, Banka Aziatike e Zhvillimit do të forcojë më tej bashkëpunimin me Kinën dhe do të përkrahë zonat e varfra të saj të zhvillojnë ndërtimin e infrastrukturës, kursimin e energjisë, mbrojtjen e mjedisit dhe në punë të tjera.

Kryepërfaqësuesi i kësaj banke, z. Toru Shibuichi i tha korrespondentit të radios sonë se vitet e fundit, ekonomia kineze është zhvilluar shumë shpejt. Numri i të varfërve u pakësua në përmasa të mëdha. Por, sfidat që ndodhen para Kinës në fushën e ndihmës ndaj të varfërve, janë ende të shumta.

"Gjatë 20 vjetëve të kaluar, puna e ndihmës ndaj të varfërve në Kinë ka arritur suksese të mëdha. Në mes të viteve 90 të shekullit të kaluar, Kina kishte një numër prej 300 milionë banorësh që jetonin nën nivelin ndërkombëtar të varfërisë. Sipas të dhënave statistikore të vitit të kaluar, numri i të varfërve në Kinë u ul në 135 milionë nga 300 milionë që ishin më parë. Nga kjo shifër del se puna e ndihmës ndaj të varfërve në Kinë është ende një detyrë serioze".

Zoti Toru Shibuichi tha se përveç vazhdimit të ndihmës për të varfërit, para Kinës ndodhen edhe shumë probleme, si mungesa e energjisë, problemi i mjedisit, problemi i mosbaraspeshës së zhvillimit midis krahinave bregdetare dhe atyre të brendshme etj. Ai tha, gjithashtu, se gjatë 2 vjetëve të ardhshëm, Banka Aziatike e Zhvillimit do t'i japë Kinës një kredi prej 3 miliardë dollarësh amerikanë dhe do të forcojë bashkëpunimin me qeverinë kineze për të përkrahur kryesisht zhvillimin e fshatit kinez, mbrojtjen e mjedisit, kursimin e energjisë, zhvillimin urbanistik bashkëpunimin rajonal etj.

50 % e kredive në 2 vjetët e ardhshëm do të investohen në objektet e ndërtimit të infrastrukturës, si autostradat dhe rrugët vendore. 20 % e kredive do të investohen në bujqësi dhe në zhvillimin e burimeve natyrore, ndërsa kreditë e tjera do të përdoren në çështjet publike, si trajtimi i ujit të ndotur, infrastruktura tjetër urbanistike dhe objekte të tjera për ngritjen e efektivitetit të përdorimit të energjisë".

Në vitin 2000, qeveria kineze filloi zbatimin e strategjisë për zhvillimin e krahinave perëndimore. Qysh nga ajo kohë, Banka Aziatike e Zhvillimit e ka ndryshuar dhënien e kredive të saj nga zonat bregdetare në krahinat qendrore e perëndimore. Gjatë 2 vjetëve të ardhshëm, 80 % e kredive të Bankës Aziatike të Zhvillimit për Kinën do të investohen në krahinat qendrore dhe perëndimore. Zoti Toru tha se sipas planifikimit të qeverisë kineze, gjatë 5 vjetëve të ardhshëm, Kina do të forcojë ndërtimin ekonomik të fshatit. Banka Aziatike e Zhvillimit do të forcojë bashkëpunimin me qeverinë kineze për të shpejtuar përkrahjen për zhvillimin e fshatit kinez.

Sipas të dhënave statistikore të Bankës Aziatike të Zhvillimit, deri në fund të vitit të kaluar, vëllimi i përgjithshëm i kredive të kësaj banke për Kinën arriti në 16 miliardë e 200 milionë dollarë amerikanë, të shpërndara në mbi 20 provinca të Kinës, duke luajtur rol të rëndësishëm për punën e ndihmës ndaj të varfërve në Kinë. Drejtori i Drejtorisë së Bashkëpunimit Ndërkombëtar pranë zyrës drejtuese të shfrytëzimit për ndihmën ndaj të varfërve të Këshillit të Shtetit të Kinës, z. Tan Weiping tha se bashkëpunimi midis Kinës dhe Bankës Aziatike të Zhvillimit në fushën e ndihmës ndaj të varfërve, sidomos në fushën e ndihmës teknologjike është shumë i suksesshëm.

"Gjatë shumë vjetëve të fundit, ne dhe Banka Aziatike e Zhvillimit kemi bërë punë të shumta dhe frytdhënëse dhe bashkëpunimi dypalësh është zhvilluar shumë mirë. Zbatimi i objekteve të ndihmës teknologjike ka luajtur një rol shumë të rëndësishëm për zhvillimin e sistemit të ndihmës ndaj të varfërve në Kinë".

Zoti Tian Weiping tha se ata do të forcojnë më tej bashkëpunimin me Bankën Aziatike të Zhvillimit dhe do të zhvillojnë disa objekte komplekse të kredive për ndihmën ndaj të varfërve. (Sihai)