Yu Jing lindi në një familje fshatare malore dhe i pëlqente këndimi qysh në moshë të re. Pas mbarimit të mësimeve në shkollën e mesme, Yu Jing zgjodhi një universitet muzikor për të studiuar sistematikisht mjeshtërinë vokale. Yu Jing ka kushte shumë të mira vokale dhe zë të ëmbël. Nëpërmjet studimeve të zellshme 4-vjeçare, këndimi i saj arriti në një nivel të lartë.

Pas diplomimit, Yu Jing u bë një mësuese muzikore e shkollës së mesme. Pikërisht në atë kohë, asaj filloi t'i pëlqente kënga popullore. Në vitin 1993, Yu Jing dha dorëheqjen nga funksioni i mësueses dhe erdhi në Pekin për të kërkuar raste të zhvillimit. Kur sapo erdhi në këtë qytet të madh, ajo hasi shumë vështirësi, por për të realizuar idealin e vet, Yu Jing ende nuk e humbi shpresën.

"Në atë kohë, këngëtarë të rinj dhe të panjohur nuk kishin shumë raste për shfaqje ose për regjistrimin e albumit të këngëve. Unë punoja në Pekin duke pritur raste. Në fakt vetmia ishte vështirësia më e madhe, sepse nuk kisha disa miq."

Përpjekjet patën sukses. Më në fund Yu Jing fitoi një rast për regjistrimin e këngëve. Prodhuesi i muzikës Fu Lin ishte shumë i kënaqur për këndimin e shkëlqyer të saj dhe e propozoi të marrë pjesë në konkursin e këngëtarëve të rinj të mbarë vendit. Pas përfundimit të këtij konkursi, Yu Jing u bë e famshme në mbarë vendin. Ajo nënshkroi marrëveshjen me shoqërinë e muzikës dhe publikoi albumin e parë të këngëve "Fatmirë" duke fituar përshëndetjen e gjerë.

Pas kësaj, Yu Jing botoi disa albume të këngëve dhe këndoi shumë motive të dramave televizive tërheqëse. Veçanërisht në vitin 1997 kur u kthye Hongkongu në gjirin e atdheut, kënga e Yu Jingut "Tungjatjeta Hongkongu" ishte përhapur në mbarë vendin.

Por pas vitit 1997, çështja e këndimit të Yu Jingut hasi pengesa pasi ajo nuk kishte botuar vepra të reja tërheqëse:

"Nga viti 1997 deri në vitin 2000 ishte një periudhë e vështirë për çështjen time. Këndova shumë këngë, por nuk përshëndeteshin nga dëgjuesit. Prandaj vendosa të pushoj për një kohë të caktuar."

Në vitin 2001, Yu Jing filloi pushime të gjata. Ajo shkoi në krahina të ndryshme për turizëm duke përgatitur albumin e ri të këngëve. Yu Jing vendosi të botojë një album me stilin e veçantë. Në vitin 2004, u publikua albumi i ri i këngëve "Qetësia". Të gjitha këngët e albumit kishin atmosferë të qetë dhe pasqyruan gjendjen jetësore të Yu Jingut në atë kohë. Yu Jing u shpreh se asaj i pëlqen shumë ky album:

"Jam shumë e kënaqur për këtë album sepse më pëlqen shumë jeta e qetë pa presion. Shpresoj se këngët e albumit mund t'u sjellin dëgjuesve lehtësinë."

Pas publikimit të albumit të këngëve "Qetësia", Yu Jing banon në Kanada për pushime duke krijuar këngë të reja. Në këtë vend me popullsi të paktë, Yu Jing gëzon gjendjen e qetë të jetës dhe të krijimit. Yu Jing u shpreh se tani këngët e saj kanë stil të ndryshëm nga këngët e kaluara:

"Më pëlqen shumë muzika. Muzika është pjesë e rëndësishme e jetës sime. Tani nuk përballem me presionin e madh si vitet e kaluara, vetëm shpresoj se këngët e mia do të pasqyrojnë përshtypje për jetën." (Fani)