Gjatë festivalit njëjavor, u shfaqën 7 filma kinezë si "Nusja", "Dashuria" etj. dhe u zhvillua Forumi i Bashkëpunimit të Filmit midis Kinës dhe SHBA-së.

Në ceremoninë e hapjes së festivalit, prodhuesi i famshëm amerikan i filmit dhe kryetar nderi i këtij festivali Andre Morgan u shpreh se vitet e fundit, shumë kineastë të shquar kinezë kanë xhiruar shumë filma të shkëlqyeshëm. Zhvillimi i festivalit të filmave kinezë do të thellojë njohjen e qarqeve kinematografike të SHBA-së ndaj filmave kinezë duke nxitur shkëmbimet midis qarqeve kinematografike të të dyja vendeve.

Kina zhvillon ekspozitën e pikturave me temën e fshatarëve 

Korrespondentja e Radios së Jashtme të Kinës njoftoi se më 1 nëntor, u hap në Galerinë e Arteve të Kinës në Pekin ekspozita e pikturave me temën e fshatarëve kinezë.

Në ekspozitë janë paraqitur 260 vepra duke përfshirë piktura në bojë vaji, piktura kombëtare kineze etj. Shumë prej tyre janë krijuar nga piktorë të famshëm kinezë. Veprat e ekspozitës shfaqin gjendjen e jetesës, atë shpirtërore dhe prodhuese të fshatarëve kinezë në etapa të ndryshme historike.

Vitet e fundit, me shtimin e pandërprerë të vëmendjes së shoqërisë kineze ndaj fshatarëve, veprat artistike me temën e fshatarëve janë bërë një degë e rëndësishme në historinë moderne të arteve kineze.

Do të zhvillohet në Pekin Java Ndërkombëtare e Kostumeve të Modës

Gazeta kineze "Beijingwanbao" njoftoi se më 15 nëntor, do të hapet në Pekin Java Ndërkombëtare e Kostumeve të Modës e Kinës. Më se 3000 kostume të modës do të shfaqin prirjen e modës së kostumeve në pranverën dhe në verën e vitit të ardhshëm.

Gjatë Javës së Kostumeve të Modës do të zhvillohen më se 60 aktivitete të posaçme. 35 stilistë të kostumeve të modës të ardhur nga Kina, Japonia, Italia, Franca, Rusia etj. do të shfaqin veprat e tyre të fundit.

Do të hapet në Pekin Festivali i Dramës Italiane

Gazeta kineze "Xinjingbao" njoftoi se si një nga aktivitetet e "Vitit të Kulturës Italiane", më 9 nëntor, do të hapet në Pekin Festivali i Dramës Italiane. Gjatë festivalit do të shfaqen 4 drama si "Tetë" etj.

Njëkohësisht, Festivali i Dramës Italiane do të shënojë hapjen e Stinës së Shfaqjes së Dramave Moderne Ndërkombëtare të Pekinit. Gjatë këtij aktiviteti do të shfaqen shumë drama kineze dhe të huaja. (Fani)