dëgjoni

Në fund të gushtit të këtij viti filloi puna e pranimit të vullnetarëve për Lojërat Olimpike të Pekinit si një pjesë e rëndësishme përbërëse e punës përgatitore të Lojërave Olimpike të Pekinit të vitit 2008 dhe për Lojrat Olimpike të njerëzve me të meta fizike. Gjatë më se dy muajve, puna e pranimit të vullnetarëve ka gjetur përkrahje të zjarrtë nga banorët kinezë. Çdonjëri ka shumë dëshirë t'u shërbejë në tokën e tij miqve që do të vijnë nga rajonet e ndryshme të botës. Deri tani, numri i vullnetarëve të regjistruar ka arritur në mbi 220 mijë.

Sipas planit të Komitetit Organizator të Lojërave Olimpike të Pekinit, gjatë Lojërave Olimpike të Pekinit të vitit 2008 dhe Lojërave Olimpike të njerëzve me të meta fizike, do të nevojiten afro 100 mijë vullnetarë. Që nga gushti i këtij viti, puna e pranimit të një numri aq të madh vullnetarësh filloi të zhvillohet me radhë. Komiteti Organizator i Lojërave Olimpike të Pekinit e filloi në radhë të parë në Pekin këtë punë. Gjatë mbi dy muajve, numri i vullnetarëve të regjistruar arriti në mbi 220 mijë.

Mes vullnetarëve të regjistruar, studentët e shkollave të larta të Pekinit janë forca kryesore e armatës së vullnetarëve. Deri tani, afro 160 mijë studentë janë regjistruar për t'u bërë vullnetarë për këto dy lojëra. Shkollat e larta janë gjithashtu burimi kryesor i vullnetarëve të të dy lojërave sipas planit të këtij komiteti. Këta studentë me nivelin relativisht të lartë të njohjes së gjuhëve të huaja dhe me aftësinë e shkëmbimeve, janë shumë entuziastë për t'u bërë vullnetarë. Vu Loci e ardhur nga Hongkongu, tani po studion psikologjinë në Universitetin e Pekinit. Ajo tha se ëndrra e saj është që të presë në tokën e atdheut miqtë që do të vijnë nga rajonet e ndryshme të botës.

"Unë mendoj se ky do të jetë një rast shumë i mirë. Lojërat Olimpike organizohen një herë në 4 vjet dhe kësaj here, Kina do ti organizojë për herë të parë këto lojëra. Prandaj, unë jam shumë e interesuar dhe kam dëshirë të regjistrohem si vullnetare".

Përveç masës së gjerë të studentëve që kanë këtë ëndërr, mbi 60 mijë të regjistruar të zakonshëm tregojnë se pekinasit e përkrahin nga zemra këto lojëra që do të organizohen në vendlindjen e tyre. Po atë ditë kur filloi puna e pranimit të vullnetarëve për këto dy lojëra, zonja Men Xiaoyan , llogaritare u regjistrua e para për t'u bërë vullnetare.

"Kur në vitin 2001, Pekini fitoi të drejtën për kërkimin e organizimit të Lojërave Olimpike të vitit 2008, unë shpresova të bëj diçka për këto lojëra. Pjesëmarrja në armatën e vullnetarëve është një mënyrë shumë e mirë. Prandaj, kur sapo u hap faqja e vaipsaitit të pranimit, unë u regjistrova menjëherë."

Ajo u shpreh se di mirë anglisht dhe shpreson të bëhet një përkthyese gjatë Lojërave Olimpike të Pekinit.

Ideali "Pjesëmarrje e barabartë në Lojërat Olimpike" emocionon jo vetëm njerëzit e shendetshëm, por nxit edhe njerëzit me të meta fizike për të marrë pjesë në mënyrë të ndryshme në këto lojëra. Lojërat Olimpike të Pekinit dhe Lojërat Olimpike të njerëzve me të meta fizike u kanë dhënë atyre një arenë për të treguar aftësinë e tyre. Shumë prej tyre janë regjistruar për t'u bërë vullnetarë. Zonja Wang tha se ajo dhe miqtë e saj me të meta fizike kanë shumë dëshirë të bëhen vullnetarë. Ata po mësojnë gjuhën e shurdhmemecëve dhe shpresojnë t'u shërbejnë sportistëve shurdhmemecë.

"Zakonisht të tjerët na shërbejnë neve. Kurse në Lojërat Olimpike të njerëzve me të meta fizike, ne dëshirojmë t'u shërbejmë me forcat tona njerëzve të tjerë me të meta fizike".

Zonja Wang Yue që është një nga përgjegjëset e punës së pranimit të vullnetarëve të të dy lojërave, shprehet :

"Prandaj, ne e kemi filluar më herët këtë punë , në mënyrë që të përhapen kultura olimpike dhe fryma e shërbimit vullnetar në tokën kineze. "