Kredia me sasi të vogël është një formë e kredisë për grupet e masave popullore me të ardhura të ulëta. Qysh nga viti 1993, Kina filloi zbatimin e kredisë me sasi të vogël për ndihmën e të varfërve në në pjesë zonash.

Distrikti Pan i provincës Guizhou të Kinës jugperëndimore filloi në vitin 1998 punën eksperimentale të kredisë me sasi të vogël për ndihmën e të varfërve. Deri në fund të vitit 2003, gjithë distrikti ka shpërndarë fonde të kredisë për ndihmën e të varfërve prej 260 milionë juanësh. Numri i të varfërve në të gjithë distriktin u ul në 100 mijë nga 200 mijë që ishin më parë.

Fshati Hishengdi i këtij distrikti është një shëmbull i suksesshëm vendor i shkëputjes nga varfëria nëpërmjet kredisë me sasi të vogël. Ky fshat ka qenë shumë i varfër. Një përgjegjës i këtij fshati, z. Wang Guohua i tha gazetarit se kredia me sasi të vogël ndihmoi fshatarët të shkëputeshin nga varfëria nëpërmjet rritjes së lopëve.

"Qysh nga viti 2001, fshatarët e këtij fshati filluan rritjen e lopëve. Në atë kohë, disa familje nuk kishin ende para të mbanin lopë. Përgjegjësit e këtij fshati mobilizuan 24 familje të shfrytëzonin kredi për rritjen e lopëve. Në atë kohë, të ardhurat mesatare për frymë ishin vetëm 1000 juanë. Me zhvillimin 5 vjeçar të rritjes së lopëve, të ardhurat e tanishme mesatare për frymë arritën në 1800 juanë".

Fshatari Hu Wenzheng mori një kredi prej 5000 juanësh, duke blerë 3 lopë qumështore. Gjatë disa vjetëve, numri i lopëve të familjes së tij u shtua në 15. Tani, të ardhurat vjetore të familjes së tij nga rritja e lopëve arritën në 8000 juanë. Ai i tha me gëzim gazetarit se familja e tij ka blerë disa pajisje elektro-shtëpiake dhe po planifikon të ndërtojë një shtëpi të re.

"Wang Wenzheng tha se ai po përgatitet të ndërtojë një banesë dykatëshe me një sipërfaqe prej 210 metrash katrore. Ai tha, gjithashtu, se politika e kredisë me sasi të vogël është shumë e mirë, jo vetëm ka zgjidhur problemin e ushqimit dhe të veshmbathjes, por edhe ka shtuar të ardhurat e fshatarëve".

Pas ngritjes së përgjithshme të të ardhurave të fshatarëve, fshati Pan ka ndërtuar rrugën automobilistike dhe ka zgjidhur problemet e energjisë dhe të ndriçimit, si dhe të mjedisit. Kredia me sasi të vogël ka nxitur ngritjen e konceptit dhe të aftësisë së administrimit të administratave vendore. Kredia me sasi të vogël e distriktit është shpërndarë nga banka tregtare dhe ka politikën e favorshme. Por banka tregtare ka një kusht paraprak që çdo familje duhet të kthejë kredi sipas kontratës. Duke folur për këtë. Zv/drejtori i sektorit të propagandës të distriktit Pan, z. Chen Chuntao tha: "Përmasat e kredisë me sasi të vogël të gjithë distriktit janë relativisht të mëdha me një vlerë prej mbi 100 milionë juanësh. Sipas të dhënave statistikore, administrimi i këtij distrikti është i mirë. Fshatarët e gjithë distriktit kanë fituar interesat e kënaqëshme".

Sipas njoftimeve, distrikti Pan ka krijuar një "grup të posaçëm drejtues të administrimit të kredisë me sasi të vogël për ndihmën e të varfërve. Çdo fshat ka pikë të administrimit për ndihmën e të varfërve dhe ka përgjegjës të posaçëm për kredinë me sasi të vogël.

Me administrimin serioz, distrikti Pan është bërë distrikt shëmbullor i provincës Huizhou në kredinë me sasi të vogël për ndihmën e të varfërve. Në vitin 2003, distrikti Pan si një i vetmi-përfaqësues i provincës Guizhou mori pjesë në "simpoziumin ndërkombëtar të kredisë me sasi të vogël për ndihmën e të varfërve" të organizuar në Pekin. Përvoja e suksesshme e distriktit Pan ka fituar pohimin e plotë të pjesëmarrësve. Ai u emërua si "formë e distriktit Pan për kredinë me sasi të vogël".

Kjo formë e kredisë jo vetëm u ka sjellë fshatarëve të varfër një rrugë të shkëputjes nga varfëria në pasuri, por edhe ka zgjeruar mendimin e fshatarëve. Duke folur për këtë, kryetari i këtij distrikti, z. Luo Zixiang tha: "Kredia me sasi të vogël ka ushtruar disa ndikime mbi konceptin e banorëve të thjeshtë. Po të punosh me zell dhe po të kesh besim, ti mund të fitosh kredi për zhvillim. Në fakt, mendimet e banorëve të thjeshtë kanë pasur ngritjen e madhe. Ata kuptojnë se si të përdorin kapitale për zhvillim. Në qoftë se ai nuk mund të ruajë besimin e vet, nuk mund të fitojë kredinë e ardhshme". (Sihai)