dëgjoni

Sivjet është 70-vjetori i fitores së Marshimit të Madh të Ushtrisë së Kuqe të punëtorëvë dhe fshatarëve kineze. Qarqet e ndryshme shoqërore të Kinës kremtuan në forma të ndryshme këtë ngjarje me rëndësi të madhe historike për popullin kinez dhe për gjithë procesin e histosië së njerëzimit.

Me këtë rast ju ftoj të dëgjoni reportazhin me titull: "Kina kremtoi në forma të ndryshnme 70-vjetorin e fitores së Marshimit të Madh të Ushtrisë së Kuqe".

Për t'i rezistuar agresionit të imperializmit japonez, nga gushti i vitit 1934 deri në tetor të vitit 1936, Ushtria e Kuqe e Punëtorëve dhe Fshatarëve Kinezë të udhëhequr nga Partia Komuniste e Kinës bëri një marshim të madh. Kjo ushtri me vullnet të jashtëzakonshëm, bëri një rrugë me këmbë më se l0 mijë kilometra të gjatë duke kaluar male me dëborë e këneta, si dhe duke përshkuar ll provinca të Kinës, ku arriti më në fund në veri të provincës Shensi. Gjatë këtij marshimi, Ushtria e Kuqe u përqëndrua një kohë më të gjatë në provincën Guizhou, ku Partia Komuniste e Kinës organizoi një mbledhje shumë të rëndësishme që quhet "Mbledhja e Zunyisë". Gjatë rrugës për marshim në provincën Guizhou, më se l0 mijë veta u pranuan në radhët e Ushtrisë së Kuqe. Për këtë arsye, para pak kohësh, provinca Guizhou organizoi në Muzeun Ushtarak të Revolucionit Popullor Kinez të Pekinit një ekspozitë kushtuar Marshimit të Madh, ekspozitë tëcilën e vizituan më se 100 mijë spektatorë.

Zonja Zuo Taibei është e bija e gjeneralit të njohur Zuo Quan, e cila pasi pa këtë ekspozitë, u frymëzua nga "fryma e Marshimit të Madh" dhe u shpreh se fryma e këtij marshimi është një pasuri e çmuar e kombit kinez. "Rruga për të kaluar këneta të shumta vazhdoi faktikisht një muaj. Atëhere ushtarët e Ushtrisë së Kuqe kishin përgatitur vetëm ushqimet për 6 - 7 ditë. Për këtë arsye shumë njerëz vdiqën nga uria. Pastaj, gjatë kalimit në malin me dëborë 4000 metra mbi nivelin e detit, shumë ushtarë nuk mund të vazhdonin rrugë për arsye të urisë. Në ato kushte shumë të vështira, ata që kaluan kënetën dhe malin me dëborë, kanë qenë njerëz me vullnet shumë të fortë. Prandaj, sa të armatosem me frymën e Marshimit të Madh, nuk ka vështirësi që nuk mund të kapërcehen."

Përveç këtyre, muzeu ushtarak organizoi më l6 tetor edhe një ekspozitë me përpjesëtimet më të mëdha që ripasqyroi gjithë historinë e Marshimit të Madh, ku janë ekspozuar edhe më se 400 objekte të cmuara si dhe tabela dizhitale, dhe salla e provave etj. Njëkohësisht, Muzeu Shtetëror i Kinës dhe muze të tjera të mëdha të Pekinit organizuan ekspozita me temë nga marshimi i madh. Edhe krahinat e tjera të mbarë vendit, kanë organizuar aktivitete të ndryshme si rikalimi i rrugës së Marshimit të Madh dhe simpoziume mbi frymën e Marshimit të Madh. Pra, botimi i librave me temën nga Marshimi i Madh, organizimi i ekspozitave dhe shfaqja e filmave artistikë e televizivë përkatëse, janë bërë një përmbajtje kryesore e aktiviteteve të qarqeve të kulturës dhe të artit të Kinës.

Kënga që po dëgjoni është një fragment nga kënga "l0 përcjellje të Ushtrisë së Kuqe", interpretuar nga Ansambli i këngëve dhe valleve "Bashkëluftëtarë" të zonës ushtarake të Pekinit. Kjo është një këngë klasike që pasqyroi miqësinë e thellë midis komandantëve e luftëtarëve të Ushtrisë së Kuqe dhe banorëve vendas.

Nga librat e botuar me rastin e 70-vjetorit të fitores së Marshimit të Madh të Ushtrisë, dy prej tyre janë më tërheqëse. Njeri titullohet "Ushtria e Kuqe 1934-1936 ", që është si një shpjegim i historisë dhe është vlerësuar si një " histori e jetës së përditshme të Ushtrisë së Kuqe", ndërsa tjetri është romani i mbështetur tek realiteti "Marshimi i Madh", me 600 mijë hieroglife që shkroi shkrimtari ushtarak Wang Shuzeng për 6 vjet.

Në një intervistë me korrespondentin e Radios sonë, shkrimtari Wang Shuzeng tha se në vitin 2000 një shtëpi botuese amerikane botoi një libër, ku janë shënuar l00 ngjarje të rëndësishme të zgjedhur nga specialistët përkatës perëndimorë nga viti 1000 deri në vitin 2000 pas erës sonë. Ndër to, njera ishte pikërisht Marshimi i Madh i Ushtrisë së Kuqe të Punëtorëve dhe Fshatarëve Kinezë. Wang Shuzeng ishte prekur edhe nga rikalimi për dy vjet i dy të rinjve suedeze në rrugën e Marshimit të Madh. "Jam i bindur se duke ecur në rrugën e Marshimit të Madh të Ushtrisë së Kuqe, ata po synonin për një frymë. Specialistët perëndimorë e zgjodhën Marshimin e Madh në listën e l00 ngjarjeve të rëndësishme, për arsye se nga ky marshim gjendet një frymë këmbëngulëse e njerëzimit. Kjo frymë mishëroi përparimin dhe zhvillimin e vazhdueshëm të njerëzimit drejt fitores. "

Më 20 tetor, Ministria e Kulturës e Kinës dhe sektorë përkatës organizuan edhe në pallatin e madh të popullit në Pekin spektaklin madhështor "Hymni për Marshimin e Madh ? kushtuar 70-vjetorit të fitores së Marshimit të Madh të Ushtrisë së Kuqe", ku janë shfaqur këngë të zgjedhura klasike me temë nga ky marshim i madh. ( Zhai)