dëgjoni

Korrespondentja e Radios së Jashtme të Kinës njoftoi se më 30 tetor, Drejtoria Shtetërore e Të Drejtave të Autorit të Kinës zhvilloi mbledhjen e goditjes kundër softeve pirate në internet të mbarë vendit për të përcaktuar masat konkrete.

Drejtori i Drejtorisë Shtetërore të Të Drejtave të Autorit të Kinës Long Xinming tha se nga tetori deri në dhjetor, Kina do të forcojë goditjen kundër softeve pirate në internet për të mbrojtur mjedisin e shëndetshëm të këtij shërbimi.

Siç bëhet e ditur, deri tani, Drejtoria Shtetërore e Të Drejtave të Autorit ka hetuar 302 çështje në shkelje të të drejtave të autorit në internet.

U mbyll Festivali i 9-të Ndërkombëtar i Muzikës i Pekinit

Gazeta kineze "Beijingyulexinbao" njoftoi se më 29 tetor, u shfaq në Pekin opera klasike italiane "Traviata", e cila shënoi përfundimin me sukses të Festivalit të 9-të Ndërkombëtar të Muzikës të Pekinit.

Gjatë 27 ditëve të festivalit, artistët e ardhur nga Kina, SHBA-ja, Anglia, Franca, Gjermania, Rusia, Italia, Autria etj. dhanë 25 shfaqje të shkëlqyera për shikuesit kinezë. Ndër artistët përfshihen shumë muzikantë të famshëm ndërkombëtar, si dirigjenti Valeri Gergiev, violinisti Dumei, pianisti Polini etj.

Pekini përgatit mësues të gjuhës kineze

Gazeta kineze "Rinia e Pekinit" njoftoi se më 29 tetor, u hap kursi i parë i kualifikimit për mësues të gjuhës kineze në Pekin. Më se 200 mësues të 76 shkollave fillore dhe të mesme të Pekinit do të studiojnë teorinë e mësimdhënies së gjuhës kineze jashtë vendit, shkëmbimet kulturore me botën e jashtme etj. Sipas planit, deri në fund të vitit 2007, 500 mësues të Pekinit do të marrin përgatitjen e mësimdhënies së gjuhës kineze jashtë vendit.

Sipas të dhënave përkatëse del se tani në botë ka 30 milionë njerëz që po mësojnë gjuhën kineze. Parashikohet se deri në vitin 2010, nevojiten 4 milionë mësues të gjuhës kineze në mbarë botën.

Provinca Yunnan ka zhvilluar bashkëpunimin e gjerë arsimor me vendet e ASEAN-it

Korrespondentja e Radios së Jashtme të Kinës njoftoi se provinca Yunnan e Kinës jugperëndimore ka zhvilluar bashkëpunimin e gjerë arsimor me vendet e ASEAN-it.

Për shkak të kushteve të mira mësimore, shkollat e larta të provincës Yunnan kanë tërhequr shumë studentë të vendeve të ASEAN-it. Njëkohësisht shumë shkolla të larta të Yunnanit kanë zhvilluar bashkëpunimin me vendet e ASEAN-it duke krijuar qendra të gjuhës kineze në Birmani, Tajlandë, Vietnam, Malajzi etj. (Fani)