dgëjoni

Ditët e fundit Federata Kineze e Futbollit shpalli zyrtarisht se serbi Ratomir Dujkoviç do të jetë trajneri kryesor i ekipit olimpik kinez të futbollit të meshkujve. Nën drejtimin e tij, ky ekip do të luftojë të përpiqet të përfshihet në 4 vendet e para në Lojërat Olimpike të Pekinit. Në minirubrikën "Sporti kinez" do të dëgjoni një reportazh lidhur me këtë.

Më 21 tetor Federata Kineze e Futbolli zhvilloi një konferencë shtypi në Pekin, ku publikoi të emëruarin si trajner kryesor të ekipit olimpik kinez të futbollit, serbin Dujkoviç. Sipas kontratës me Federatën Kineze të Futbollit, Dujkoviçi do ta drejtojë këtë ekip në ndeshjet e futbollit të Lojërave Olimpike të Pekinit, duke u përpjekur ta përfshijë atë në 4 vendet e para. Kjo kontratë do të zgjatë deri në shtator të vitit 2008.

Sipas marrëveshjes midis Komitetit Olimpik Ndërkombëtar dhe Federatës Ndërkombëtare të Futbollit, futbollistët pjesëmarrës në Lojërat Olimpike duhet të jenë nën 23 vjeç. Megjithëse niveli i ndeshjeve të futbollit në Olimpiadë nuk mund të krahasohet me atë të Kupës së Botës, prapëseprapë medalja e artë olimpike përbën një nder të madh. Prandaj federatat e futbollit të shumë vendeve e rajoneve të botës i kushtojnë rëndësi të madhe kësaj veprimtarie. Si sportdashës të vendit organizator të Lojërave Olimpike 2008, tifozët kinezë shpresojnë se edhe ekipi kinez i futbollit do të arrijë rezultat të mirë në vendin e vet. Në këto rrethana, Federata Kineze e Futbollit vendosi të ftojë një trajner të huaj për ekipin olimpik kinez të futbollit dhe shpenzoi gjysmë viti në vëzhgimin dhe zgjedhjen e trajnerëve. Më në fund, Kina zgjodhi Dujkoviçin, që pati sukses të madh në Kupën e Botës në futboll në këtë verë në Gjermani, ku Gana e kryesuar nga ai u përfshi në 16 ekipet më të forta dhe u bë i vetmi ekip afrikan ndër këto 16 ekipe. Në saje të këtij rezultati të shkëlqyeshëm, Dujkoviçi gëzon prestigj të madh. Pas Kupës së Botës, kontrata e tij me Federatëb e Futbollit të Ganës përfundoi.

Në konferencën e shtypit të 21 tetorit, Dujkoviçi u shpreh se do të përpiqet të përmbushë pikat e kontratës me Federatën Kineze të Futbollit.

Në daljen për herë të parë përpara mediave kineze, Dujkoviçi ishte veshur shumë thjeshtë: një xhup i vjetër lëkure, një këmishë në ngjyrë blu të çelët dhe një kravatë me vija. Dukej si një sllav i thjeshtë. Edhe në fytyrën e tij nuk kishte shumë shprehje. Kur fliste, përveç buzëqeshjes spontane për ndonjë shaka ose gjë interesante, ai nuk kishte lëvizje të tepruara.

Por Dujkoviçi u kushtonte shumë rëndësi hollësive dhe mirësjelljes. P.sh. ai nuk pinte ujë në asnjë mënyrë drejtpërdrejt nga shishja, por e mbante shishen në dorë, hapte me kujdes tapën e saj, derdhte ujin në gotën që kishte përpara dhe pinte gllënjkë pas gllënnjke. Në thjeshtësinë përmbahet saktësia, kjo është karakteristika e trajnerit të ri kryesor të ekipit olimpik të futbollit të Kinës Dujkoviç.

Në fjalët e tij të para përpara gazetarëve kinezë, dukej modest, por nuk mungonte vetëbesimi.

"Në radhë të parë dua t'ju tregoj të pranishmëve se nuk jam i aftë në shprehje, por paraqitja ime në fushën e futbollit është më e mirë se në tribunat e fjalimeve. Jam shumë i gëzuar që m'u dha mundësia të marr detyrën si trajner kryesor i ekipit olimpik kinez të futbollit."

Futbolli i Kinës ka disnivel të madh me atë të ekipeve të forta të botës, prandaj përfshirja e ekipit kinez në 4 ekipet më të mira në ndeshjet e futbollit të Lojërat Olimpike 2008 konsiderohet si një detyrë mjaft e vështirë. Por Dujkoviçi u shpreh se ka besim në realizimin e këtij objektivi.

"Të gjithë kinezët shpresojnë se ekipi kinez do të ketë rezultate të mira në Lojërat Olimpike. Në të vërtetë ka vështirësi që ekipi kinez të renditet ndër 4 ekipet më të forta, sepse ky ekip klasifikohet tani në vendin e 103-të në botë, ndërsa ekipi i Ganës radhitet në 30 vendet e para. Megjithatë, besoj se ekipi olimpik kinez do të arrijë rezultat të mirë në Lojërat Olimpike të Pekinit, sepse të gjitha ekipet kombëtare, të drejtuara nga unë në të kaluarën, kanë pasur prirje ngritjeje."

Dujkoviçi paraqiti edhe konceptin e tij si trajner. Ai tha se "vënia e sulmit në plan në parë dhe synimi për shpejtësi" do të jetë taktika e re e ekipit olimpik kinez.

"Ideja ime taktike është luajtja e futbollit sulmues. Shpresoj se ekipi im do të jetë me natyrë agresive dhe me ritëm të shpejtë. Anëtarët e ekpit duhet të jenë më të shpejtë në dhënien e topit."

Sipas funksionarit të Federatës Kineze të Futbollit, zgjedhja e Dujkoviçit ndër më shumë se dhjetë trajnerë kandidatë, u bë duke marrë parasysh përvojën e tij si trajner, që përshtatet me gjendjen aktuale të futbollit të Kinës. Dujkoviçi ka drejtuar për një kohë të gjatë ekipin kombëtar të Venezuelës, atë të Ruandës dhe atë të Ganës. Këto ekipe nuk janë të një niveli shumë të lartë, por nën drejtimin e Dujkoviçit kanë pasur përparime të dukshme. Federata Kineze e Futbolli shpreson se përsëri në një periudhë të shkurtër, Dujkoviçi do ta drejtojë ekipin olimpik kinez të futbollit të drejt një hapi cilësor.

A do të ketë sukses Dujkoviçi? Le të shohim rezultatet pas 600 ditëve. (Wang Lei)