Në vitin 2006 këngëtarja e famshme tajvaneze Jolin u regjistrua nga kompania EMI dhe u bë zyrtarisht ylli i vërtetë i qarqeve muzikore. Kompania EMI shpenzoi miliona yuanë për zhvillimin e një konference shtypi luksoze për ta mirëpritur atë dhe premtoi t'i ofrojë asaj një mjedis të ri, burime muzikore të bollshme dhe hapësirë për krijim. Pas kësaj konference shtypi Jolini nxori albumin e parë në gjuhën kineze "Gruaja e vallëzimit" i mirëpritur shumë nga adhuruesit.

Po dëgjoni tani këngën me titull "Prolog", e cila është plot me hidhërim. Teksti i kësaj kënge na tregon ndjenjën për ish-të dashurin: "Pas takimit jemi miq të vërtetë. Nuk jemi më të thjeshtë dhe do të shkojmë drejt së ardhmes me buzëqeshje. Koha ka kaluar, gëzimi i asokohshëm është ende në kujtimin tim..."

Jolini ka lindur në vitin 1980 në Tajvan. Në vitin 1999 ajo nxori albumin e parë. Ndër këngëtaret e tjera si Stefani, Liang Jingru, Eva etj, Jolin është këngëtarja që ka debutuar më herët. Në fillim, puna e Jolinit nuk shkonte mirë. Ajo, e ashtuquajtura "Vrasësja e djemve," nuk ishte aq e suksesshme sa këngëtaret e tjera. Në vitin 2001 Jolini nxori albumin e 4-t dhe pastaj për shkak të studimeve, u tërhoq nga qarqet muzikore.

Në vitin 2003, Jolini u shfaq përsëri në qarqet muzikore me albumin "72 ndryshimet". Këtë herë Jolini ndryshoi jo vetëm paraqitjen e vet, por edhe stilin e muzikës, duke korrur sukses të madh dhe duke u renditur në krye të qarqeve muzikore. Pastaj ajo nxori dy albume, "Kallaja" dhe "J-Game".

Kur kishte arritur në kulmin e jetës artistike, Jolini befas u largua nga kompania "Sony". Shumë njerëz dyshojnë në se zgjedhja e Jolinit është e drejtë. Në këtë gjendje, Jolini nxori albumin e ri "Gruaja e vallëzimit", i cili është shitur mirë. Ndërkohë fuqia e të kënduarit të saj është rritur. Kështu adhuruesit besojnë që idhulli i tyre (Jolin) po bën progres.

Po dëgjoni tani këngën "Luaj bukurinë". Në këtë këngë thuhet "Moda rigjallërohet. Shfrytëzoj përsosjen të përkufizoj femrat. Në trupin e kujt është rezervuar shpirti i ndriçuar?..." Kjo është një këngë për vajzat moderne me qëllim që ato të tregojnë dashurinë e tyre. Ato nuk duhet të ndjekin rrjedhën e modës dhe duhet të dinë të përvetësojnë të gjitha gjërat.

Jolini këndon mirë këngët me melodi të shpejta. Kënga "Gruaja e vallëzimit", me stilin e huaj dhe me vallëzimin e stilit japonez, na krijon tronditje në shikim dhe dëgjim.

Në këtë album ka disa këngë me melodi të ngadalta. Në këto këngë si "Prologu" dhe "Shtirem" mund të ndiejmë potencialin e zërit të Jolinit. Le të dëgjojmë këngën "Shtirem".

Kënga "Fantazia e Madridit" është një këngë e karakterit evropian. Jolini shkoi në Budapest për të bërë videon muzikore të kësaj kënge. Paraqitja e ëmbël e Jolinit është përzier në lagjet evropiane të bukura si piktura.

Në këtë këngë thuhet "Drita e qiellit lëviz në baret e hotelit. Lopa e detit i bie harpës në mur. Rrobat e kuqe të vallëzimit rrotullohen në lagjet e gjelbra. Fantazia e Madridit, më kam marrë shumë malli për ty..."

Ju flet Radio e Jashtme e Kinës. Të dashur dëgjues, programi i sotëm "Muzika Pop" mbaroi. Mirudëgjofshim! (U Sen)