Të dashur lexues, unë jam Pina, po takohemi përsëri në programin e sotëm muzikor. Në këtë program do të vazhdoj t'ju flas për veglën muzikore të lashtë kineze xiao. Së pari ju ftoj të dëgjoni melodinë e interpretuar solo në xiao me titull "Lulja Mei". Kjo melodi i këndon virtytit të lartë e fisnik të kësaj luleje që nuk i trembet ftohtësisë.

 Në një program tjetër ju fola për historinë dhe strukturën e Xiao-s, e cila është një vegël muzikore frymore e bërë prej bambuje dhe ka shumë lloje, si zizhu dongxiao prej bambuje të kuqe, yupingxiao, jiujiexiao etj. Në një panair ndërkombëtar të organizuar në Londër në vitin 1896 yupingxiao-ja fitoi një medalje të artë, duke u bërë vegla e parë muzikore kineze që u nderua në arenë ndërkombëtare.

Tani do të shijojmë bashkë melodinë "Kënga e bariut", interpretuar në dongxiao të bërë prej bambuje të kuqe. Kjo melodi e bukur dhe elegante përshkruan panoramën e stepës së gjerë të Mongolisë së Brendshme dhe shpreh dashurinë e njerëzve për vendlindjen.

Timbri i xiao-s është i butë dhe elegant, interpretimi i saj është njëlloj si luajtje e fyellit. Ajo është e përshtatshme për interpretimin e melodive të hollësishme, të qeta dhe lirike për të përshkruar peizazhin e bukur të natyrës dhe shprehur ndjenjat e njerzëve.

Në fund të programit të sotëm do të dëgjojmë melodinë me titull "Liang dhe Zhu", interpretuar në xiao. Nëpërmjet kësaj melodie melakolike përshkruhet një tregim i bukur prekës i dashurisë që ndodhi në kohët e lashta të Kinës.

Ju flet Radio e Jashtme e Kinës. Të dashur dëgjues, ndoqët disa melodi të interpretuar në veglën muzikore tradicionale kineze xiao. Mirudëgjofshim të shtunën tjetër, në mikrofon për ju Pina.