Qysh nga zbatimi i reformës dhe i hapjes në Kinë, tregtia e jashtme e Kinës është zhvilluar shumë shpejt. Tani, vëllimi vjetor i tregtisë së jashtme zë vendin e 3-të në botë. Por, produktet me marka autonome kanë zënë vetëm 10% të produkteve të eksportit të Kinës. Kjo formë e tregtisë së jashtme jo vetëm ka konsumuar burime, por edhe ka hasur gjithnjë e më shumë mosmarrëveshje tregtare. Për të ndryshuar këtë formë të rritjes tregtare, qeveria kineze po punon për krijimin e markave autonome.

Qysh nga mesi i këtij viti, Ministria e Tregtisë e Kinës organizoi një aktivitet madhështor propagandues për popullarizimin e markave autonome. Një grup i përbërë nga mediat dhe vullnetarët shoqërorë shkoi në 100 qytete kryesore për të propaganduar markat autonome të Kinës. Ky grup u bëri thirrje konsumatorëve të konsumojnë më shumë produkte me marka autonome dhe u kërkoi ndërmarrjeve kineze të krijojnë më shumë produkte me marka të njohura.

Zv/ministri i Tregtisë i Kinës, z. Liao Xiaoqi është i mendimit se ky aktivitet propagandues ka për qëllim forcimin e konceptit të konsumatorëve për markën autonome.

"Marka autonome është tregues i potencialit kompleks të një vendi ose rajoni dhe i zhvillimit shoqëror. Aktiviteti propagandues për krijimin e markave autonome i organizuar nga Ministria e Tregtisë e Kinës, është një masë e rëndësishme për shpejtimin e krijimit të markave autonome të vendit tonë".

Siç mësohet, gjatë aktivitetit propagandues, njohuri për produktet me marka autonome të krahinave të ndryshme është ngritur shumë. Ministria e Tregtisë e Kinës do të krijojë një sërë sistemesh për vlerësimin, për nxitjen dhe për popullarizimin e markave autonome dhe do të zbatojë një sistem inkurajues për markat autonome që kanë potencial konkurrues në treg dhe perspektivë të mirë zhvillimi.

Zv/drejtori i degës së ndërtimit pranë Ministrisë së Tregtisë të Kinës, z. Cao Dërong tha se organizimi i një aktiviteti të tillë i shërben zhvillimit të markave autonome.

"Ekonomia e tanishme kineze ka arritur në një periudhë të re zhvillimi. Me rritjen e shpejtë të tregtisë, mosmarrëveshjet tregtare ndërkombëtare janë acaruar. Prandaj forma e rritjes ekonomike dhe forma e rritjes tregtare të Kinës kanë nevojë për ndryshime. Nëpërmjet ndryshimit të formës së rritjes tregtare, do të ngrihet potenciali kompleks shtetëror, do të ulet konsumi i burimeve dhe i energjisë dhe do të ngrihet efektiviteti ekonomik. Për të arritur ngritjen e potencialit konkurrues të vendit, një rrugë shumë e rëndësishme është krijimi i markave autonome, shpejtimi i aftësisë së krijimit dhe ngritja e ptencialit konkurrues të ndërmarrjeve".

Ai tha, gjithashtu, se krijimi i produkteve me marka të njohura është një proces afatgjatë dhe ai ka nevojë për përpjekjet jetike të ndërmarrjeve dhe përkrahjen e konsumatorëve për markat autonome, e sidomos për politikën e përkrahjes të qeverisë.

Në fakt, markat autonome të Kinës janë shumë të pakta. Sipas të dhënave statistikore, ndër produktet e eksportit të Kinës, vetëm 10 % prej tyre janë marka autonome. Duke folur për këtë gjendje, zoti Cao tha: "Ekonomia e tregut është zhvilluar vonë në Kinë. Ndërmarrjet kineze nuk kanë koncept të zhvilluar për krijimin e markave autonome. Markat e disa produkteve kineze nuk janë të regjistruara. Prandaj, produktet e ndërmarrjeve duhet të shpejtojnë krijimin dhe transformimin e teknologjisë, për t'iu përshtatur kërkesës së tregut. Ndërmarrjet kineze duhet të shtojnë gjithashtu investimet në studimin dhe shfrytëzimin e produkteve".

Zoti Cao vuri në dukje se koncepti i konsumatorëve për të drejtat e pronësisë intelektuale është i dobët, produktet false kanë treg të madh, dhe disa ndërmarrjeve u mungon koncepti për krijimin e teknologjisë dhe vetëm synojnë për leverdinë ekonomike. Këto shkaqe kanë penguar zhvillimin e markave autonome.

Duke iu përgjigjur pyetjeve të gazetarëve, drejtori i përgjishëm i grupit të makinerive të mëdha "Taiyuan", z. Gao Zhizun tha se konsumatorët e shumë vendeve përdorin produktet e vendit të vet, ndërsa konsumatorët kinezë nuk e kanë këtë koncept. Qeveria duhet të marrë masa konkrete për t'i drejtuar konsumatorët kinezë nga përdorimi i produkteve vendëse.

Kryeredaktori i "Revistës së markave kineze", z. Gu Huanyu tha se në të kaluarën, qeveria kineze kishte politika relativisht të gjithanshme për tërheqjen e investimeve të huaja, ndërsa politika për daljen e produkteve kineze jashtë vendit nuk është përmirësuar.

Zoti Gu tha, gjithashtu, se qeveria dhe mediat duhet të marrin masa të domosdoshme për përkrahjen e krijimit të markave kineze, për të krijuar kështu një mjedis shumë të mirë shoqëror.

(Sihai)