Kombi kinez ka krijuar një kulturë të ndritur 5 mijëvjeçare dhe arti folklorik është si një lule plot ngjyrë në këtë kulturë të ndritur. Folklori kinez paraqitet shumë jetësor. Ai ka gjalluar prej mijëra vjetësh në trojet kineze.

Arti folklorik kinez ka histori të lashtë, ai është i shumëllojshëm nga forma dhe ka shpërndarje të gjerë. Vetëm numri i sendeve të artit folklorik, të koleksionuara në Muzeun e Arteve Figurative të Kinës, ka arritur në më se 50 mijë. Eksponantet e kësaj ekspozite janë të zgjedhura nga këto sende të koleksionuara, në të cilat bëjnë pjesë vepra të letrës së prerë në figura të ndryshme, vepra të qëndisura, vizatime për Vitin e Ri sipas kalendarit hënor kinez dhe figura të vizatuara ose të gdhendura të operave ose të përrallave popullore të dekorit muror.

Vepra kineze e letrës së prerë në figura të ndryshme ka një histori të gjatë, që fillon nga gdhendja e luleve në fleta ari ose argjendi dhe në lëkura, në dinastinë Shang ( shekulli l7 -- para erës sonë ) dhe vazhdon pas shpikjes së letrës, me krijimin e veprave të letrës së prerë në figura të ndryshme. Duke i trashëguar brez pas brezi këto krijime, lindën vazhdimisht edhe krijime të reja në këtë lloj arti që ka një histori rreth 2000 vjeçare. Prerja e letrës është një art figurativ që realizohet me anën e prerjes në mes të letrës.

Teknologjia e këtij arti ndahet në prerjen me gërshërë dhe në prerjen me thikë. Letra e prerë është njëngjyrëshe dhe shumëngjyrëshe. Letra e prerë njëngjyrëshe shpesh përdoret edhe si model i qëndisjeve të grave. Ashtu si arte të tjera folklorike edhe vepra folklorike kineze e letrës së prerë ka dallime të mëdha rajonale. Vepra e letrës së prerë të Kinës jugore paraqet figura artistike të bukura e të larmishme, kurse ajo e Kinës veriore figura të thjeshta klasike. Tematika e figurave është e gjerë dhe prek simbole të fatmirësisë, tregime historike, personazhe të pjesëve operistike e teatrale dhe të përrallave popullore, persona të ndryshëm historikë, male e lumenj, lule, zogj, peshq, shpendë, kafshë, l2 kafshët horoskopike, tempuj e pagoda, urime jetësore, mite dhe besime fetare e të tjera fakte që lidhen ngushtë me stinët, kohën, ceremonitë e festat në jetën e njeriut, me zakonet e doket e lashta të Kinës, që përfshijnë të gjitha fushat e jetës. Për arsye se arti i prerjes së letrës është i lehtë për t'u mësuar, i bukur, me kosto të ulët dhe me përmbajtje të thellë folklorike, ai u bë arti folklorik më popullor, me historinë më të gjatë, me përhapjen më të gjerë dhe me përmbajtjen më të pasur.

Autorët e këtyre veprave janë kryesisht gra fshatare. Ka një numër të madh grash me duar të arta, që shprehin me anën e letrës së prerë, këtij arti të vjetër folkrorik, dëshirat dhe prirjet e tyre të shumta.

Ndër veprat e prerjes së letrës janë " Trendafil në shenje jetëgjatë " , " kukull me flokë kulaç ", " Vallja e luaneve ", " Feniks dhe dragoi ", " Tigër nene e fëmijë ", " Tigri i fluturuar me trupin zogu", " Modeli për qëndisje në mëngë ", " Gragoi me trupin glisteri" ? "dragoi i fluturuar " " Tregim i zotit hanëang " " Vizatim për ditëlindje ", " Vajza zhenshen " " Seria e zakoneve të martesës "(Zhai)