dëgjoni

Wang Shuzeng është shkrimtari i famshëm ushtarak kinez. Veprat letrare me temën historike të krijuara nga ai janë përshëndetur shumë nga lexuesit. Me rastin e 70-vjetorit të fitores së Marshimit të Madh të Ushtrisë së Kuqe të Kinës, Wang Shuzeng botoi reportazhin letrar "Marshimi i Madh" duke tërhequr një vëmendje të gjerë të masës.

54-vjeçari Wang Shuzeng është një ushtarak. Në moshën mbi 20-vjeçare, ai filloi të krijojë vepra letrare duke botuar shumë novela. Njëra prej dramave të tij fitoi çmimin më të lartë për dramat kineze ? Çmimin "Cao Yu". Vitet e fundit, Wang Shuzeng ka krijuar kryesisht reportazhe letrare dhe ka botuar vepra si "Viti 1901", "Lufta Koreane" etj. Për të krijuar reportazhin "Marshimi i Madh", Wang Shuzeng dha dorëheqjen nga funksioni i oficerit dhe lexoi shumë të dhëna me dhjetra milionë fjalë. Ai harxhoi 6 vjet dhe mbaroi më në fund krijimin e kësaj vepre letrare nëpërmjet përpjekjeve të palodhshme.

Wang Shuzeng ka folur për marrëdhëniet midis ushtarakut dhe shkrimtarit:

"Jeta në ushtri më ka ndihmuar të krijoj kontakte me njerëz të rajoneve të ndryshme dhe të përgatis vullnetin e fortë. Këto janë në favor të shkrimeve."

Tani Wang Shuzeng po bën përgatitje për të shkruar dy seri veprash të historisë moderne kineze. Ai shpreson se këta libra do t'i ndihmojnë të rinjtë kinezë të njohin historinë e vendit tyre.

"Tani shumë të rinj nuk njohin shumë qartë historinë kineze. Në kohën e sotme me zhvillimin e shpejtë shoqëror, të rinjtë duhet të njohin historinë e vendit për të forcuar besimin për të ardhmen."

Në fund të vitit 2000, Wang Shuzeng pa një libër të botuar në SHBA ku ishin zgjodhur nga specialistët e qarqeve të ndryshme perëndimore 100 ngjarje të rëndësishme në historinë e njerëzimit nga viti 1000 deri në vitin 2000 duke përfshirë edhe Marshimin e Madh të Ushtrisë së Kuqe të Kinës. Wang Shuzeng ishte i mendimit se tani shumë të rinj kinezë nuk njohin këtë ngjarje të rëndësishme në historinë moderne kineze, njëkohësisht midis kinezëve dhe të huajve ka kuptime të ndryshme për Marshimin e Madh, prandaj ai vendosi të shkruajë një libër për të pasqyruar të vërtetën historike.

Marshimi i Madh ka ngjallur edhe interesin e shumë të huajve. Vitet e fundit, shumë të huaj kanë ardhur posaçërisht në Kinë për të udhëtuar sipas marshimit të atëkohshëm të Ushtrisë së Kuqe. Wang Shuzeng është i mendimit se Marshimi i Madh shfaq plotësisht vullnetin e fortë të njerëzimit për kapërcimin e vështirësive dhe për të realizuar idealin e tij. Ky është shkaku kryesor që tërheq shumë njerëz t'i kushtojnë vëmendje kësaj ngjarjeje historike.

Libri "Marshimi i Madh" regjistroi shumë fakte historike që nuk njihen nga njerëzit. Wang Shuzeng u shpreh se gjatë shkrimeve, ai ishte prekur nga durimi dhe këmbëngulja e ushtarëve të Ushtrisë së Kuqe. Ushtria e Kuqe përbëhej kryesisht nga politikanë dhe fshatarë, ata kishin idealin e njëjtë atë të realizimit të çlirimit të njerëzimit.

"Para 70 vjetëve, fshatarët kinezë jetonin në varfëri. Për të zhdukur varfërinë dhe për të jetuar në lumturi, shumë fshatarë morën pjesë në Ushtrinë e Kuqe. Gjatë Marshimit të Madh, shumë ushtarë u sakrifikuan, por Ushtria e Kuqe nuk e humbi besimin dhe shpresën. Nëpërmjet përpjekjeve të palodhshme, Ushtria e Kuqe arriti më në fund fitoren."

Wang Shuzeng u shpreh se Marshimi i Madh është një ngjarje e rëndësishme historike që duhet të studiohet më tej. Njerëzit modernë duhet të mësojnë nga vullneti i Ushtrisë së Kuqe. Me këtë vullnet, njerëzit mund të kapërcejnë vështirësitë e ndryshme në zhvillimin e çështjeve shoqërore. (Fani)