Në programin e sotëm muzikor do t'ju njoh me veglën muzikore frymore të lashtë të Kinës xiao. Së pari ju ftoj të shijoni melodinë " Të përkujtojmë tingujt e xiao-s në Fenghuangtai", e cila shpreh mallin e madh për të afërmit. Nëpërmjet kësaj melodie le të shijojmë butësinë dhe elegancën e xiao-s.

Lidhur me prejardhjen e xiao-s, duhet t'ju shpjegoj në radhë të parë paixiao-në të përbërë me disa tuba,të krijuar para mijërave vjetëve. Kur i binin paixiao-s, njerëzit vunë re se edhe një tub, kur në të cilin u hapën disa vrima në distanca të ndryshme, mund të lëshonte tinguj të ndryshëm, kështu doli xiao-ja që ishte e përhapur qysh në dinastinë Han para më shumë se 2 mijë vjetëve në provincat Sichuan, Gansu etj. Në shekullin e parë para erës sonë kjo vegël muzikore u përhap në rrjedhën e lumit të Verdhë.

Melodia që ndoqët titullohet "Nata e bukur", interpretuar në xiao. Kjo melodi shpreh gëzimin e njerëzve që kalojnë vigjilen e festës së pranverës.

Struktura e xiao-s është shumë e thjeshtë, ajo i ngjan shumë fyellit dhe pak më e gjatë se fyelli, në të cilën ka 10 ose 11 vrima. Ajo bëhet me bambu të ndryshëm. Në fund të programit le të shijojmë melodinë "Ulja e patave të egra në Pingsha", interpretuar solo në xiao. Kjo melodi pëshkruan uljen në tokë të patave të egra, duke fluturuar rrotull në hapësirë ajrore. ( Pina)