dëgjoni

Panairi i mallrave të eksportit i Kinës emërohet si "ekspozita e parë e Kinës" dhe quhet "Panair i mallrave të eksportit i Guangzhout". Gjatë 50 vjetëve të kaluar, kjo ekspozita tregtare ndërkombëtare me historinë më të gjatë në Kinë ka luajtur rolin e rëndësishëm për nxitjen e zhvillimit të tregtisë së jashtme të Kinës dhe për hapjen me botën e jashtme, duke u bërë një simbol i hapjes me botën e jashtme të Kinës. Me forcimin e vazhdueshëm të potencialit të ekonomisë kineze dhe me ndryshimin e gjendjes së tregtisë së jashtme, panairi i mallrave të eksportit i Kinës ndodhet një reformë të re. Kryetari i këshillit të Qendrës së tregtisë së jashtme të Kinës, z. Zhang Zhigang është i mendimit se organizimi i panairit të parë të mallrave të eksportit të Guangzhout ishte një nga simbolet e hapjes me botën e jashtme të Kinës.

"Mund të thuhet se kjo veprimtari ka hapur portën e parë të hapjes me botën e jashtme të Kinës dhe i solli ekonomisë së vendit tonë valuta shumë të shtrenjta. Kjo ishte një përmbajtje e rëndësishme e diplomacisë më të herët paqësore të Kinës".

Krijimi dhe organizimi i panairit të mallrave të eksportit të Guangzhout ka thyer rrethimin dhe ndalimin e transportit të vendeve perëndimore ndaj Kinës dhe ka krijuar me sukses gjendjen e re të tregtisë midis Kinës dhe rajonit të Azisë Kuglindore, si dhe vendeve ose rajoneve të ndryshme të botës. Gjatë 50 vjetëve të kaluar, panairi i mallrave të eksportit i Guangzhout nuk është ndërprerë asnjë herë dhe është organizuar 100 herë, duke u bërë një takim madhështor tregtar ndërkombëtar kompleks me historinë më të gjatë, me përmasat më të mëdha, me efektivitetet më të mira etj në Kinë. Ai ka luajtur një rol shumë të rëndësishme për zhvillimin e tregtisë së jashtme të Kinës dhe për hapjen me botën e jashtme.

Duke i hedhur një vështrim gjendjes së atëhershme, ish-kryetari i Shoqëtës së tregtisë kineze të Zelandës së Re, z. Viktor Percival që mori pjesë në panairin e parë të mallrave të eksportit të Guangzhout, tha: "Për shkak se në atë kohë pa fluturime direkte ajrore. Unë udhëtova 7 ditë nga Zelanda e Re gjer në Guangzhou. Sot unë udhëtoj vetëm 10 orë nga Zelanda e Re gjer në Guangzhou".

Me thellimin e mëtejshëm të reformës dhe të hapjes, në mënyrën dhe në formën eorganizimit të panairit të mallrave të eksportit të Guangzhout, si dhe në të tjerët ndodhën ndryshime shumë të mëdha.

Sipas të dhënave statistikore, në panairin e 100-të të mallrave të eksportit që u hap kohët e fundit, 14 mijë ndërmarrje dhe 500 mijë njerëz morën pjesë. Panairi i mallrave të eksportit i Guangzhout u ka dhënë ndërmarrjeve të vendit një arenë për të treguar vetën dhe është bërë një platformë për zgjerimin e tregut ndërkombëtar. Shumë ndërmarrje e konsiderojnë panairin e mallrave të eksportit si zgjedhje të parë të daljes së tyre jashtë vendit.

Tani, panairi i mallrave të eksportit i Guangzhout është bërë një dritare e hapjes me botën e jashtme të Kinës. Nëpërmjet tij, bota mund të njohë Kinën dhe Kina mund të njohë botën. Shumë ndërmarrje kineze dhe të huaja kanë ardhur këtu të zhvillojnë biznesin dhe shkëmbime dhe të blejnë mallrat.

Në ceremoninë e hapjes të panairit të 100-të të mallrave të eksportit të Guangzhout, kryeministri i Kinës Wen Jiabao tha se zhvillimi i panairit të mallrave të eksportit ka treguar historinë e hapjes me botën e jashtme të Kinës.

"Panairi i mallrave të eksportit i Guangzhout është një miniaturë e hapjes me botën e jashtme të Kinës. Organizimi i këtij panairi ishte një hap i rëndësishëm i hapjes me botën e jashtme të Kinës. Historia e gjysëm shekulli e panairit ka treguar historinë e hapjes me botën e jashtme të Kinës së re dhe ka shfaqur zhvillimin e ri dhe sukseset e reja të tregtisë së jashtme qysh nga zbatimi i politikës së reformës dhe të hapjes. Kjo tregon se rruga e hapjes me botën e jashtme të Kinës do të jetë gjithnjë e më shumë e gjerë".

Me zhvillimin e tregtisë së jashtme të Kinës dhe me forcimin e potencialit ekonomik, panairi i mallrave të eksportit i Guangzhout ndodhet një reformim të ri. Vitet e fundit, suficiti i tregtisë kineze është zgjeruar shumë. Vitin e kaluar, suficiti i kaloi për herë të parë të 100 miliardë dollarët amerikanë. Zgjerimi i pandërprerë i suficitit të tregtisë është bërë një problem i dukshëm në qarkullimin ekonomik.

Për të ndryshuar këtë gjendje dhe për të nxitur zhvillimin përpjesëtimor të import-eksportit, qeveria kineze vendosi që nga fillimi i legjislaturës së 101-të, panairi i mallrave të eksportit i Kinës të ndryshojë panairin e mallrave të import-eksportit të Kinës. (Sihai)