dëgjoni

Kohët e fundit u organizua në Pekin edicioni i 3-të i Festivalit Artistik të Pakicave Kombëtare të Kinës, që zgjati 20 ditë, ku më se 4000 artistë të ardhur nga 56 pakica kombëtare të Kinës dhanë 33 programe të larmishme artistike që mishëruan forcën tërheqëse të kulturës dhe artit të pakicave kombëtare të Kinës.

Pjesa që po dëgjoni është incizimi i shfaqjes me këngë e valle të Ansamblit të këngëve dhe valleve të Mongolisë së Brendshme të Kinës "Stepa në parajse". Mongolia e brendshme e Kinës ndodhet në veri të Kinës. Në "Stepën në parajse" janë mbledhur në formën e këngëve e valleve doket e zakonet e kombësive Mongole, Dakar, Eluchun, Evenke dhe Ruse. Nënkryetari i Shoqatës së koreografisë së pakicave kombëtare të Kinës Ma Shengde ka vlerësuar lart këtë program : " Në këtë program janë pasqyruar disa nga llojet me ndikim të këngëve e valleve burimore të papërpunuar në rajonin e Mongolisë së Brëndshme, si toni i gjatë në të kënduar të stilit mongol, interpretimet me instrumentin Maotouqin dhe Humai etj si dhe pasqyrim me valle i akrobatëve. Këto valle me aktobate plot emocione kanë pasqyruar plotësisht burrërinë e njeriut dhe kanë një forcë të madhe tërheqese.

Ma Shengde ka marrë pjesë në të 3 edicionet e Festivalit të Pakicave Kombëtare të Kinës. Ai i ndjeu qartë ndryshimet midis tyre. Edicioni i parë i organizuar në vitin l980 ishte kryesisht demonstrimi i valleve me stile të ndryshme, edicioni i dytë i organizuar në vitin 2001, ishte pasqyrimi i historisë së kombësive të ndryshme në bazë të shfaqjeve me temë të pakicave kombëtare, kurse edicioni i tretë i organizuar këtë vit i la përshtypje më të thellë z. Ma kthimi i artit tradicional .

" Në shumicën e shfaqjeve të këij festivali mishërohet një preokupim për kulturën tradicionale të vet kombësisë së tyre.

Edhe arti i këngëve dhe valleve burimore të papërpunuar ka zënë një pozitë kryesore. Si.p.sh një valle tibetiane me 96 valltarë është kërcyer nga vetë blegtorët e fshatarët tibetianë.

Pjesa që po dëgjoni pikërisht është programi me këngë e valle tibetiane të shoqëruar me vegla muzikore me 6 tele " Pranvera me këngë". Kjo ishte një valle me shumë valltarë të shfaqur në spektaklin artistik " Hada shumëngjyrëshe". Valltaret e kësaj velleje janë blegtorë dhe fshatarë tibetianë që u larguan për herë të parë nga vendlindja dhe kanë ardhur për herë të parë me tren në Pekin. Vallet e këngët e tyre burimore të papërpunuara u dhanë spektatorëve një befasi dhe emocion.

Spektakli "Hada shumëngjyrëshe" fitoi çmimin e parë në këtë festival, sepse edhe shumë programe të tjera të këtij spektakli janë vlerësuar lart nga specialistët.

Edhe spektakli i provincës Yunan "Fluturimi i reve shumëngjyrëshe" është vlerësuar lart nga specialistët, anëtarët e jurisë dhe spektatorët. Provinca Yunan është një provincë me shumë kombësi. Spektakli "Fluturimi i reve shumëngjyrëshe" ka përfshirë këngët e vallet e shumicës së pakicave kombëtare të provincës Yunan. Vallet e këngët karakteristike të kombësive të ndryshme e bënë këtë spektakël më të larmishme dhe më të bukur. " Ky spektakël ka më shumë formë artistike me këngë e valle burimore të papërpunuar, pasi artistët këndonin duke hedhur valle të bukura." Ky spektakël ku janë përmbledhur këngët, vallet, muzikat e të gjitha kombësive të provincës Yunan, si kënga popullore e kombësisë Yi "Toni Haicai" e regjistruar në listën e trashëgimisë kulturore jo materiale të vendit, kënga popullore e kombësisë Lisu "Ora", vallja e kombësisë Taj " Pallonj" etj, ka treguar një forcë tërheqëse të muzikës së pakicave kombëtare të provincës Yunan dhe ka tërhequr shumë spektatorët e Pekinit.

Pjesa që po dëgjoni është incizuar nga muzika e valles "Pallonj". Yan Zhou është koreografi dhe një nga valltarët e kësaj valle, ai fitoi me këtë valle çmimin e artistit të shquar të këtij festivali. Ai ka folur për procesin e krijimit të kësaj valleje, "Unë kam synuar të ruaj si duhet kulturën tonë tradicionale dhe të ruajmë të mirat e kësaj kulture dhe ta zhvillojmë më tej. Prandaj, gjatë krijimit të kësaj valleje, unë e kam shkrirë shprehjen tradicionale me atë moderne, në mënyrë që spektatorët të ndjejnë një dialog midis pallonjve dhe njerëzve."

Gjatë këtij festiavli artistik të pakicave kombëtare, edhe projektimet e kostumeve dhe skenave ishin bërë një fokus i vëmendjes së specialistëve. Nënkryetari i Shoqatës së arteve skenike të Kinës z. Li Zhiliang shprehu mendimin se kostumet dhe skenat e të 33 mbrëmjeve të shfaqur në këtë festival ishin shumë të bukura dhe moderne, duke mishëruar edhe karakteristikat e pakicave kombëtare, krahinore dhe epokare si dhe përfytyrimet dhe shprehjet artistike të artistëve. Ai përmendi posaçërisht edhe mbrëmjen artistike të organizuar nga grupi i Rajonit autonom të Sinkiangut " Parajsja e ndriçuar nga rrezet e diellit". Projektuesi i kostumeve të kësaj mbrëmjeje hanisi është një djaloshi i kombësisë ujgure. "Kjo mbrëmje artististike karakterizohet në radhë të parë nga thjeshtësia, së dyti nga ngjyra e larmishme dhe së treti nga stolitë e kostumeve. Si. p.sh. jakat, mëngët dhe fundet e kostumeve të kombësisë ujgure janë të qindisura me lule e vizatime shumë të bukura, edhe kostumet e valltarëve të valles së kombësisë tagjike janë shumë të bukura. Valltaret kanë edhe stoli shumë të bukura në flokë. "

Të dashur dëgjues, në fund të këtij reportazhi ju ftojmë të dëgjoni muzikën e valles " Daolang". ?Zhai?