dëgjoni

Gazeta kineze "Beijingyulexinbao" njoftoi se me rastin e 70-vjetorit të fitores së Marshimit të Madh të Ushtrisë së Kuqe të Kinës, më 16 tetor, u hap në Muzeumin Revolucionar dhe Ushtarak të Popullit Kinez në Pekin ekspozita madhështore e Marshimit të Madh. Kjo është ekspozita më e madhe e Marshimit të Madh pas krijimit të Kinës së re. Ekspozita do të zgjasë 40 ditë.

Në ekspozitë janë vendosur më se 400 relikte dhe qindra fotografi, libra, piktura etj.

Para 70 vjetëve, Ushtria e Kuqe e Kinës zhvilloi Marshimin e Madh me një gjatësi prej mbi 10 mijë kilometrash.

U zhvilluan në Pekin Forumi i Kulturës Tibetiane të Kinës

Korrespondentja e Radios së Jashtme të Kinës njoftoi se më 10 e 11 tetor, u zhvillua në Pekin Forumi i Kulturës Tibetiane të Kinës. Më se 120 specialistë dhe dijetarë të ardhur nga Kina, SHBA-ja, India etj. zhvilluan diskutime për mbrojtjen dhe zhvillimin e kulturës tibetiane.

Forumi përbëhej nga mbledhje, ekspozita etj. Pas përfundimit të forumit, disa pjesëmarrës shkuan në Tibet për vizitë.

Ky forum organizohej nga Shoqata e Mbrojtjes dhe e Zhvillimit të Kulturës Tibetiane të Kinës. Qëllimi i kësaj shoqate është nxitja e lulëzimit dhe e progresit të Tibetit.

U botua revista "Muze ndërkombëtare" në versionin e gjuhës kineze

Gazeta kineze "Renminribao" njoftoi se ditët e fundit, UNESKO-ja zhvilloi në Paris ceremoninë e botimit të revistës "Muzetë ndërkombëtare" në versionin e gjuhës kineze.

"Muzetë ndërkombëtare" është revista autoritare ndërkombëtare në fushën e mbrojtjes së trashëgimive kulturore globale. Revista u krijua në vitin 1948 dhe deri tani ka botuar versione në gjuhën angleze, franceze, arabe, në gjuhën spanjolle etj.

Krahas artikujve të përkthyer, në revistën "Muzetë ndërkombëtare" në versionin e gjuhës kineze do të botohen edhe artikuj të specialistëve kinezë.

Filloi të zhvillohet në Tajpei "Java e Pekinit"

Gazeta kineze "Rinia e Pekinit" njoftoi se më 16 tetor, filloi të zhvillohet në Tajpei "Java e Pekinit e Festivalit Artistik midis Qyteteve të të dy Brigjeve". Kjo është hera e parë që pjesa kontinentale e Kinës zhvillon veprimtarinë e shkëmbimeve kulturore në Tajvan.

Gjatë "Javës së Pekinit" do të zhvillohen forumi i kulturës së qytetit, shfaqja e shumë trupave artistike të Pekinit etj.

"Java e Pekinit" është vazhdimi i veprimtarisë së "Javës së Tajpeit" të zhvilluar në shtator në Pekin dhe ka për qëllim që të ngushtojë shkëmbimet kulturore midis të dy brigjeve dhe të shtojë njohjen midis të dy popujve. (Fani)