dëgjoni

Pak kohë më parë, u zhvillua në qytetin Chongzhou të Kinës jugperëndimore, turneu i Kampionatit Botëror të Motoskafit të Formulës Një për vitin 2006 në Kinë. Kinezët filluan të kontaktojnë dhe të njohin këtë sport, të panjohur në të kaluarën. Në programin e sotëm do të dëgjoni hollësira lidhur me këtë lloj sporti, jo shumë të aplikuar në Kinë.

Pushimi një javor në kuadrin e Festës Kombëtare të Kinës, që sapo kaloi, ishte pak a shumë i veçantë për banorët e qytetit Chongzhou të provincës Sichuan të Kinës jugperëndimore, sepse më 5 tetor u zhvillua për herë të parë në këtë qytet turneu i Kampionatit Botëror të Motoskafit të Formulës Një në Kinë. Banorët e këtij qyteti ishin me fat që panë këtë turne, një veprimtari e nivelit më të lartë në botë.

Kampionati Botëror i Motoskafit të Formulës Një, është një garë sportive e nisur nga Bashkimi Ndërkombëtar i Motoskafit në vitin 1981. Kjo është një veprimtari me konkurrim të ashpër për sportistët dhe me stimulim të madh për shikuesit. Sipas z. Nikolo Germano, kryetarit të këtij bashkimi, në mbarë globin 3 milionë njerëz shikojnë garat në terren, ndërsa numri i përgjithshëm i shikuesve televizivë, i kaloi 15 miliardë njerëz (herë). Vitet e fundit disa qytete lindore kineze, si Hangzhou, Wuxi, Xiamen dhe Shangai, zhvilluan me radhë turneun e Kinës së Kampionatit Botëror të Motoskafit të F1. Sivjet, kjo veprimtari hyri për herë të parë në pjesën perëndimore të Kinës. Në garën e zhvilluar më 5 tetor, shikuesit e qytetit Chongzhou mbushën plot vendet e zbuluara në terrenin e garës. Pas garës, shumë shikues në terren u shprehën se megjithëse nuk kuptuan rregullat e garës, shpejtësia dhe pasioni i paraqitur në garën e motoskafit i tërhoqi ata që parapëlqejnë këtë sport.

Më në fund, lojtari amerikan Skot Gillman u shpall kampion i këtij turneu. Sportisti i njohur italian,Guido Kapellini, që quhet "Schumacher mbi ujë", u radhit vetëm në vendin e 6-të, për shkak të gabimeve në kontrollin e motoskafit. Si i vetmi sportist kinez në këtë turne, Peng Linwu u radhit në vendin e 16-të të këtij turneu.

Për këtë turne të zhvilluar në pjesën perëndimore të Kinës, kanë më shumë të drejta të komentimit lojtarët pjesëmarrës, që u kanë kaluar provave në qindra gara. Kampioni i këtij turneu, amerikani Gillman, vlerësoi punët organizative me fjalë të thjeshta:

"Kina është e mrekullueshme në punët përgatitore. Krenohem për të gjitha ato që kam parë në Kinë dhe për rezultatin tim të krijuar në këtë vend."

Megjithse nuk pati rezultatin më të mirë, italiani Kapelini, që u shpall kampion i këtij turneu përkatësisht në Hangzhou dhe Wuxi, shprehu kënaqësinë e tij për pjesëmarrjen në Kinë. Ai vlerësoi gjithashtu pasionin e mediave kineze për këtë veprimtari.

"Gëzohem shumë që jam kthyer në Kinë, sepse kam qenë i fatbardhë këtu. Shpresoj se ky fat i mirë do të më shoqërojë gjithmonë. Nga ana tjetër, kinezët janë shumë mirëpritës. Në Chongzhou ka pista të mirat, që janë madje më të mirat që pashë. Mediat kineze punojnë shumë mirë në përhapje dhe reklamë. Kudo mund të shihen reklamat e motoskafit F1."

Sipas rregullave të këtij kampionati, vetëm lojtarët në 10 vendet e para mund të fitojnë pikët. Megjithse sportisti kinez Peng Linëu nuk u përfshi në 10 vendet e para, ekipi kinez fitoi prapësëprapë pikët e duhura nga lojtari i njohur francez Shiap Filip, që sapo u anëtarësua në ekipin kinez, sepse u radhit në vendin e 7-të të këtij turneu. Duke iu përgjigjur pyetjeve të gazetarëve që pse zgjodhi pjesëmarrjen në ekipin kinez, i cili nuk ka akoma arritje në fushën e motoskafit, Filip tha se pasioni i kinezëve për këtë sport e preku tej mase.

"Ndjeva të njëjtën gjallëri këtu në turneun e Kinës me turnetë e F1 të automobilizimit. Në Chongzhou shihen kudo reklamat për motoskafin dhe gjithashtu ka shumë shikues. Për mua, ky është terren më i mirë. Më habit shumë që vetëm me 9 muaj, Chongzhou ndërtoi pistat. Kam vetëbesim të bëj ekipin kinez kampion botëror brenda dy vjetëve."

Tani në Kinë shumë pak njerëz njohin dhe marrin pjesë në motoskaf dhe kanë njohuri më të rrallë për F1 e motoskafit, veprimtaria e shkallës së parë në botë. Megjithatë, z. Peng Linëu, që titullohet "Personi i parë kinez mbi ujë", beson se me shtimin e potencialit të Kinës, gjithnjë e më shumë njerëz do të marrin pjesë në këtë sport. Njëkohësisht, me përhapjen e motoskafit në Kinë, do të nxitet edhe zhvillimi i degës së jahtit turistik.

"Mendoj se ka rëndësi të madhe. Në radhë të parë kinezët mund të shikojnë këtë sport me shpejtësi të madhe dhe, pastaj me fuqizimin e potencialit të Kinës dhe shtimin e të ardhurave të kinezëve, interesat e shumë njerëzve shndërrohen nga sportet në tokë në ato mbi ujë. Mendoj se kjo do të luajë rol të madh për nxitjen e degës së jahtit turistik në Kinë." (Wang Lei)