Qysh nga vitet 70 të shekullit të kaluar, biznesmenët kinezë që jetojnë në vende të ndryshme të ASEAN-it kanë qenë gjithmonë burim i rëndësishëm i investimeve të drejtpërdrejta në Kinë. Ata kanë dhënë kontributin e madh për zhvillimin ekonomik të Kinës. Vitet e fundit, krahinat jugperëndimore me ekonomi relativisht të prapambetur janë bërë gradualisht pika të reja për investimet e biznesmenëve kinezë që jetojnë në vende të ndryshme të ASEAN-it.

Sipërfaqja e përgjithshme e krahinave jugperëndimore të Kinës është 2 milionë e 500 mijë kilometra katrore. Krahinat jugperëndimore të Kinës kanë një popullsi prej 250 milionë banorësh dhe janë një vend i pasur me burime natyrore në Kinë dhe baza industriale të energjisë. Për shkaqe natyrore dhe hirstorike, ekonomia e krahinave jugperëndimore ishte relativisht e prapambetur. Vitet e fundit, për të shpejtuar zhvillimin ekonomik dhe shoqëror të këtyre krahinave, qeveria kineze ka dhënë përkrahjen financiare me sasi të madhe dhe ka marrë shumë masa për tërheqjen e investimeve të biznesmenëve të huaj, sidomos të biznesmenëve kinezë që jetojnë në vende të ndryshme të ASEAN-it. Duke folur për gjendjen përkatëse, zv/drejtorja e zyrës për çështjet e emigrantëve pranë Këshillit të Shtetit të Kinës, zj. Li Haifeng tha: "Vitet e fundit, për të nxitur zhvillimin dhe hapjen e krahinave jugperëndimore, qeveria kineze ka marrë një sërë politikash të favorshme. Administratat e provincave, të qyteteve dhe të rajoneve autonome të krahinave jugperëndimore kanë shtuar pandërprerë investimet financiare, kanë shpejtuar ndërtimin e infrastrukturës dhe kanë përmirësuar mjedisin e investimeve. Objektet e investimeve të biznesmenëve kinezë që jetojnë në vende të ndryshme të ASEAN-it, janë shtuar nga viti në vit dhe përmasat e investimeve janë zgjeruar në mënyrë të dukshme. Emigrantët kinezë, si dhe kinezët që jetojnë në vende të ndryshme të ASEAN-it, janë bërë një forcë e rëndësishme dhe e pazëvendësuar e zhvillimit të krahinave jugperëndimore të Kinës".

Vitet e fundit, me shpejtimin e ndërtimit të zonës së tregtisë së lirë Kinë-ASEAN, të dyja palët kanë forcuar më tej lidhjet ekonomiko-tregtare. Krahinat jugperëndimore kufizohen me shumë vende të ASEAN-it dhe kanë kushte të mira për zhvillimin e bashkëpunimit ekonomik. Vëllimi i investimeve të biznesmenëve kinezë që jetojnë në vende të ndryshme të ASEAN-it arriti në mbi disa miliardë dollarë amerikanë në krahinat jugperëndimore të Kinës."

Pak kohë më parë, u zhvillua në Kunming Forumi i parë i biznesmenëve kineze që jetojnë në vende të ndryshme të rajonit të Azisë dhe të Paqësorit. Mbi 180 përfaqësues të biznesmenëve kinezë që jetojnë në vende anëtare të ASDEAN-it dhe përfaqësuesit e ndërmarrjeve të krahinave jugperëndimore morën pjesë në këtë takim. Nënkryetari i provincës Yunan, z. Qin Guangrong tha se provinca Yunan ndodhet në zonën kufitare të Kinës jugperëndimore, dhe shpreson se në të ardhmen, Yunani do të bëhet një urë për zhvilllimin e bashkëpunimit ekonomiko-tregtar midis krahinave jugperëndimore të Kinës dhe vendeve të ndryshme të ASEAN-it.

"Organizimi i këtij forumi ka për qëllim që Yunani të luajë epërsinë e tij, të zgjerojë hapjen, si dhe të shpejtojë zhvillimin, për t'u bërë një familje e biznesmenëve kinezë të rajonit të Azisë dhe të Paqësorit".

Në bashkëpunimin ekonomiko-tregtar me grupet ekonomike të rajonit të Azisë Juglindore, biznesmenët kinezë që jetojnë në vende të ndryshme të ASEAN-it kanë luajtur rolin e rëndësishëm. Ata mbajnë ndjenjat e thella për Kinën dhe kanë marrë pjesë aktivisht në ndërtimin ekonomik të Kinës, duke u bërë burim i rëndësishëm për zgjerimin e hapjes me botën e jashtme dhe për zhvillimin ekonomik të Kinës.

Biznesmeni kinez që jeton në Singapor, z. Gao Xinping foli mendimet e tij për investime në krahina jugperëndimore të Kinës.

"Më herët, unaë kam ardhur në pjesën kontinentale për investime. Në të kaluarën, kam bërë investime më shumë në Shangai, Fujian, Jiangsu etj. Këtë herë, kam ardhur në Kinën juglindore. Zhvillimi i krahinave perëndimore ka filluar disa vjet më parë. Ekonomia e atdheut është zhvilluar shumë shpejt. Ne dëshirojmë të marrim pjesë në ndërtimin e atdheut dhe shpresojmë se ekonomia e atdheut do të zhvillohet më shpejt".

Nënkryetari i komitetit kombëtar të Konferencës Konsultative Politike të popullit kinez, z. Luo Haocai vlerësoi lart kontributin e emigrantëve kinezë dhe të kinezëve që jetojnë në vende të ndryshme të ASEAN-it për zhvillimin ekonomik të Kinës.

Ai tha, gjithashtu, se Kina do të shpejtojë procesin e bashkëpunimit me vendet e ASEAN-it dhe do të punojë për ndërtimin e zonës më të madhe të tregtisë së lirë në botë të përbërë nga vendet në zhvillim. (Sihai)