Para disa kohësh, gjatë qëndrimit për pushime në Pekin, këngëtarja e njohur shqiptare Elsa Lila u ftua si mysafire për vizitë në RJK dhe për intervistë në emisionet e gjuhës shqip. Si këngëtare e suksesshme e emigruar në Itali, ajo zhvilloi një intervistë në gjuhën italiane për emisionin e gjuhës italiane e në gjuhën angleze në "Inetradio", ku u xhirua edhe videoja për uebsajtin e kësaj radioje si dhe në emisionet e lajmeve botërore të RJK-së.

Gjatë qëndrimit në Pekin, zonjusha Elsa Lila u ftua si një nga shikuesit e rinj shqiptarë edhe në rubrikën e CCTV-së "Magjia e filmave artistikë" dhe u intervistua nga gazetari i parë i kësaj rubrike Zhao Yigong, për arsye se edhe Elsa ka lindur në një familje artistësh e është rritur në gjirin e artistëve shqiptarë, si dhe ka parë shumë nga këta filma të vjetër. Shumë aktorë dhe regjisorë të filmave të vjetër shqiptarë janë miq të familjes së saj.

Z. Zhao e mirëpriti atë duke thënë se " pjesëmarrja juaj në këtë rubrikë kryesisht me intervistat e kineastëve veteranë do të tërheqë vëmendjen e teleshikuesve kinezë."

Në fillim z. Zhao e pyeti për disa filma me interes për këtë rubrikë, si "Oshëtimë në bregdet", "Njësiti gueril", "Horizonte të hapura ", " I teti në bronz", " Rrugë të bardha ", "Beni ecën vetë", " Mëngjese lufte", " Guximtarët", " Ngadhënjim mbi vdekjen ". Shumicën e këtyre filmave zonjusha Elsa i ka parë, por disa prej tyre nuk i kujtoheshin.

Ajo tregoi përshtypjet e saj për filmat me temë nga lufta dhe filmat për fëmijë që kanë ushtruar një ndikim pozitiv në rritjen e saj.

Pastaj filluan pyetjet dhe përgjigjet:

1 A keni mundësi të na tregoni jetën tuaj të fëmijërisë, për rrethin e mjedisin tuaj familjar si dhe për kontaktet e familjes suaj me kineastë veteranë shqiptarë.

2 Gjatë rritjes tuaj, ndjekja e filmave a ishte një nga mjetet e edukimit të fëmijëve?

Kur ne ishim në kohën e fëmijërisë, filmat e vjetër ishin si edukim tradicional. Edhe tek ju, kur ishit në shkollën fillore, siç thatë, keni parë disa filma të vjetër, a ju kanë lënë ndonjë përshtypje ?

3 Në kohën e fëmijërisë, pasi shihnim filma, ne imitonim shpesh veprimet e heronjve dhe ëndërronim të bëheshim edhe ne heronj. A ju ka ndodhur edhe juve kështu ?

4 Meqë keni parë filmin " I teti në bronz", a mund të na tregoni diçka mbi këtë film. Kur u shfaq ky film në Kinë, shumë spektatorë kinezë nuk e kuptuan atë për arsye të xhirimit në mënyrë retrospektive. Megjithëse nuk e kuptuan mirë, përsëri ky film përsëri u ka lënë përshtypje të thella spektatorëve kinezë.

5. Na thatë se e njihni mirë aktorin Mevlan Shanaj që ka luajtur rolin e heroit Ibrahim në filmin " I teti në bronz". A keni mundësi të na tregoni diçka për Mevlan Shanajn? Besoj se rrëfimet tuaja do ti ndihmojnë shikuesit kinezë ta kuptojnë më tej filmin " I teti në bronz" dhe të njohin luftën antifashiste të popullit shqiptar.

6. Ju e njihni mirë regjisoren e njohur dhe mjeshtren në drejtimin e filmave për fëmijë Xhanfize Keko. A mund të na tregoni diçka për këtë regjisore dhe për filmin e saj " Beni ecën vetë "?

7. Para dhjetëra vjetësh, në Kinë nuk kishte shumë kinema dhe shumë shikues i ndiqnin filmat në sheshe ose në oborret e lagjeve të banimit. Por ju, atëherë si i ndiqnit këta filma të vjetër?

8. Në filmat shqiptarë për fëmijë, kanë dalë një numër aktorësh të vegjel që kanë luajtur shumë shkëlqyer rolin e fëmijëve. Në se do të lindni dhjetë vjet më parë, do të ishit edhe ju një nga aktorët e vëgjel shqiptarë ashtu si Ardan Santo që luajti rolin e Benit në filmin " Beni ecen vetë"?

9. Ndoshta pas viteve '80, në Shqipëri nisën të prodhoheshin më pak filma, përndryshe sipas mendimit tim, ju do të kishit pasur rastin të luanit një rol në ndonjë film për fëmijë?

10. Vitet e fundi, kinematografia kineze ka marrë një zhvillim të madh, shumë filma artistikë kinezë kanë fituar çmime në festivale të ndryshme ndërkombëtare. Megjithatë, në Kinë ka përsëri shumë spektatorë të cilëve u pëlqejnë filmat e vjetër që i kanë ndjekur në kohën e fëmijërisë. Por ju, që keni shkuar në shumë vende të botës, si e shikoni kinematografinë shqiptare? Edhe në Shqipëri kanë ndodhur ndryshime të mëdha, si në fusha të tjera, edhe në fushën kinematografike. A mund të na tregoni mendimet tuaja duke krahasuar filmat e djeshëm me ata të sotëm?

11. Shumë shikues kinezë e njohin botën nëpërmjet filmave. Ata e kanë njohur Shqipërinë me anën e filmave shqiptarë. Në kohën e fëmijërisë tuaj, a keni parë shumë filma të huaj?

12. Filmat artistikë me temën e luftës antifashiste a kanë ushtruar ndikim mbi brezin tuaj të ri ?

13. Në kohën e fëmijërisë suaj, e keni dëgjuar për Kinën ? Në filmin artistik shqiptar " Horizonte të hapura " ne pamë dy anije me mallra të dërguara nga Kina në portin e Durrësit dhe disa marinarë kinezë po bashkëpunonin me punëtorë shqiptarë për shkarkimin e mallrave ? Ky ishte një episod i miqësisë midis popullit kinez dhe popullit shqiptar .  ( Zhai)