dëgjoni

Korrespondentja e Radios së Jashtme të Kinës njoftoi se më 9 tetor, nënkryetari i Shoqatës së Mbrojtjes dhe të Zhvillimit të Kulturës Tibetiane të Kinës Lhagpa Phuntshogs u shpreh në Pekin se hekurudha Qinghai-Tibet ka nxitur aktivisht mbrojtjen dhe zhvillimin e kulturës tibetiane.

Lhagpa Phuntshogs tha se kultura dhe panoramat e veçanta tibetiane kanë tërhequr shumë turistë brenda e jashtë vendit. Hekurudha Qinghai-Tibet u ka sjellë turistëve lehtësi dhe ka nxitur banorët vendës të mbrojnë kulturën tibetiane. Njëkohësisht informacionet e ndryshme të ardhura në Tibet kanë nxitur zhvillimin e mëtejshëm të kulturës tibetiane.

Shoqata e Mbrojtjes dhe e Zhvillimit të Kulturës Tibetiane e Kinës u krijua në vitin 2004 dhe ka për qëllim që të mbrohet dhe të zhvillohet kultura tibetiane duke nxitur lulëzimin e Tibetit.

Ndërmarrjet botuese kineze forcojnë bashkëpunimin me kompanitë e huaja

Gazeta kineze "Renminribao" njoftoi se në ekspozitën e 58-të ndërkombëtare të librave të Frankfurtit të mbyllur më 8 tetor, delegacioni kinez shiti 1364 të drejta të autorit. Shifër kjo që u shtua dy herë në krahasim me ekspozitën e vitit të kaluar.

Në këtë ekspozitë morën pjesë 12 grupe botuese të Kinës dhe më se 3600 libra. Tani më shumë ndërmarrje botuese kineze kanë filluar të zhvillojnë bashkëpunimin me kompanitë e huaja botuese për të botuar libra tërheqës për lexuesit e huaj.

Zhvillohet ekspozita e fotografive "Përshtypjet për Pallatin e Dimrit"

Gazeta kineze "Xinjingbao" njoftoi se tani po zhvillohet në Pallatin e Dimrit në Pekin ekspozita e fotografive "Përshtypjet për Pallatin e Dimrit".

Në ekspozitë vendosen më se 300 fotografi duke përfshirë fotografi të lashta të Pallatit të Dimrit në vitin 1925, fotografi të disa zonave që nuk hapen ndaj turistëve.

Pallati i Dimrit ishte pallati perandorak i dinastisë Ming dhe i dinastisë Qing të Kinës nga shekulli i 15-të deri në shekullin e 20-të. Në vitin 1987, Pallati i Dimrit u përcaktua nga UNESKO-ja trashëgimia kulturore botërore.

Zhvillohet në Pekin ekspozita e thesareve të Pallatit Kremlin të Rusisë  

Korrespondenti i Radios së Jashtme të Kinës njoftoi se ditët e fundit, u hap në Pallatin e Dimrit në Pekin ekspozita e thesareve të Pallatit Kremlin të Rusisë.

Kjo ekspozitë është një nga aktivitetet e rëndësishme të "Vitit të Rusisë" në Kinë. Në ekspozitë vendosen thesare ruse nga shekulli i 16-të deri në shekullin e 20-të. Ekspozita do të zgjasë deri në janar të vitit 2007. (Fani)