dëgjoni

23 shtatori i vitit 2006 ishte 65-vjetori i krijimit të Universitetit të Gjuhëve të Huaja të Pekinit. Me këtë rast u zhvillua një ceremoni solemne kremtuese ku morën pjesë ish-kryeministri kinez Qian Qichen, zv-ministri i jashtëm i Kinës Zhang Yesui etj.

Universiteti i Gjuhëve të Huaja i Pekinit u krijua në vitin 1941 në Yanan të Kinës perëndimore. Nëpërmjet zhvillimit 65-vjeçar, Universiteti i Gjuhëve të Huaja i Pekinit është bërë një universitet i përgjithshëm që studion kryesisht gjuhë të huaja dhe kultura ndërkombëtare. Universiteti ka përgatitur dhjetra mijë talente të gjuhëve të huaja duke përfshirë mbi 350 ambasadorë, 600 këshilltarë dhe dhjetra ministra e zv-ministra, prandaj Universiteti i Gjuhëve të Huaja i Pekinit quhet "Djepi i diplomatëve". Tani ky universitet ka kurse të 42 gjuhëve të huaja dhe në të punojnë 122 specialistë e profesorë të ardhur nga 24 vende e rajone. Universiteti ka krijuar marrëdhëniet e bashkëpunimit dhe të shkëmbimeve akademike me 172 universitete e institucione arsimore të 50 vendeve e rajoneve të botës.

Për të kremtuar ditëlindjen e universitetit, më 23 shtator, shumë diplomantë të Universitetit të Gjuhëve të Huaja të Pekinit u kthyen në universitet dhe u takuan me pedagogë dhe bashkëstudentë. Autori i kësaj korrespondence është diplomanti i specialitetit të gjuhës shqipe të fakultetit të gjuhëve të Evropës lindore. Në ceremoninë e kremtimit, autori u takua me pedagogë dhe studentë të specialitetit të gjuhës shqipe. Duke folur për zhvillimin në këta vjet të Universitetit të Gjuhëve të Huaja të Pekinit, shefja e trupit mësimor të gjuhës shqipe Ke Jing tha: 

"Vitet e fundit, Universiteti i Gjuhëve të Huaja të Pekinit është zhvilluar shumë shpejt. Janë krijuar shumë kurse të reja të gjuhëve të huaja dhe kanë ardhur shumë pedagogë të rinj. Universiteti i kushton shumë rëndësi zhvillimit të gjuhëve të vogla. Për shembull, studentët e specialitetit të gjuhës shqipe kanë raste të shumta të shkojnë në Shqipëri për studime."

Zhvillimi i Universitetit të Gjuhëve të Huaja të Pekinit pasqyroi zhvillimin e Kinës. Me ngritjen e pandërprerë të prestigjit të Kinës në arenën ndërkombëtare, roli i gjuhëve të huaja është bërë më i rëndësishëm. Shteti i kushton shumë rëndësi përgatitjes së talenteve të gjuhëve të huaja. Pedagogja e specialitetit të gjuhës shqipe Chen Fenghua tha:

"Hyra në vitin 1999 në Universitetin e Gjuhëve të Huaja të Pekinit për studime. Deri tani, universiteti ka pasur progres të madh. Sasia e gjuhëve të huaja u shtua në 42 nga 31 të mëparshëm. Fakulteti i gjuhëve të Evropës lindore u shndërrua në fakultetin e gjuhëve evropiane. Njëkohësiht pajisjet e universitetit janë përmirësuar shumë. Studentët mund të mësojnë gjuhë nëpërmjet pajisjeve të përparuara elektronike."

Profesoresha Xiao e specialitetit të gjuhës shqipe do të dalë në pension në vitin e ardhshëm. Gjatë dhjetra vjetëve, ajo ka përgatitur shumë kuadro të gjuhës shqipe. Profesoresha Xiao tha i emocionuar:

"Jam shumë i gëzuar që çështjet e universitetit zhvillohen shumë mirë dhe diplomantët e specialitetit të gjuhës shqipe po luajnë rolin e rëndësishëm në pozitën e punës."

Tani në fakultetin e gjuhëve evropiane të Universitetit të Gjuhëve të Huaja të Pekinit ka 22 studentë që po mësojnë gjuhën shqipe. Ndër të cilët ka 12 djem dhe 10 vajza. Ata mësojnë shumë me zell. Në vitin 2004, 6 studentë shkuan në Universitetin e Tiranës për studime për dy vjet. Në fillim të tetorit të këtij viti, 6 studentë të tjerë shkuan në Shqipëri për studime. Studentja Hëna tha: 

"Jam shumë e gëzuar që kemi raste të shkojmë në Shqipëri për studime. Këtu duhet t'i falënderoj pedagogët për ndihmat që na kanë dhënë neve." (Fani)