Guan Zhe është një këngëtar i fuqishëm në qarqet muzikore të Kinës. Në moshën 9 vjeçare ai mësoi piano dhe në shkollën mesme, ai kishte interesim shumë të madh për muzikën pop. Më pas ai filloi të mësojë njohurinë teorike muzikore dhe të marrë pjesë në shfaqjet artistike të ndryshme. Në vitin 1998, Guan Zhe u pranua nga Universiteti i Yan Shanit të Qin Huang Dao-s. Gjatë periudhës së universitetit, ai shpesh herë mori pjesë në disa shfaqje të mëdha brenda dhe jashtë universitetit, kështu që u bë i njohur në qytetin Qing Dao.

Pasi u diplomua nga universiteti, Guan Zhe gjithmonë u morr me kompozimin e muzikës. Në vitin 2005, Televizioni Dong Fang i Shangait zhvilloi një konkurs të quajtur "My Show", në të cilën Guan Zhe u bë një nga 10 këngëtarët më të fuqishëm dhe pastaj filloi të zhvillohet në qarqet muzikore.

Kohët e fundit, Guan Zhe nxori dy këngë me tituj "Koha si lule" dhe "Ashtu qoftë", të cilat janë mirëpritur shumë në internet. Do të dëgjoni tani këngën me titull "Koha si lule". Në këtë këngë thuhet "Koha fluturon si ujë të rrjedhur, nuk di kë po dua. E kam harruar bërrylin tënd. Parfumi që më dërgove është zhdukur..."

Rrahjet e daulles dhe kompozimi i muzikës kombëtare në mënyrë të freskët përzien shumë elemente muzikore si R&B, Pop, Rep etj. Zëri i Guan Zhe-it ka fuqi infektuese dhe tërheqëse shumë të madhe. Teknika e të kënduarit të tij është shumë natyrore. Do dëgjoni tani këngën me titull "Ashtu qoftë".

Zhou Yanhong, një veterane e qarqeve muzikore të Kinës, është një këngëtare e stilit krijues. Në vitin 1994 ajo nxori albumin e parë me titull "kam parë përsëri jasemin". Pastaj Zhou Yanhong nxori disa albume si "Është e mirë për të jetuar me të", "Në pranverë lulet hapen", "Ti je drita e qiellit e mi" dhe "Kur dashuria kaloi" etj. Gjithashtu ajo ka krijuar edhe qindra këngë për këngëtarët e tjerë.

Në vitin 2003, Zhou Yanhong nxori albumin e gjashtë të saj me titull "Kur dashuria kaloi", në të cilën Zhou Yanhong ka bërë shumë ndryshime në stilin e muzikës dhe në paraqitje. Në këngën që po dëgjoni thuhet kështu "Kur dashuria kaloi, nuk e kam tërhequr dorën e tij. Ëndrra ime është në një univers tjetër që ngjan si guvë e bukur. Kur dashuria kaloi, nuk di që somnambulova. Nuk di do të shkoj në të majtë apo në të djathtë..."

Në vitet 80' të shekullit të kaluar, zëri ishte standardi kryesor i qarqeve muzikore. Zhang Xing, në atë kohë, u bë e njohur nga disa këngë popullore si "Një rrugë", "Më thuaj" dhe "I vonë" etj. Këngët e Zhang Xingut, si ato të Teresa Tengut dhe të Liu Wenzhengut, kanë ndikuar mbi një brez kinez.

Zëri i Zhang Xingut është kumbues dhe ndjenja e tij është sinqertë. Ai ka përzier ndjenjën personale me melodinë moderne. Kënga që po dëgjoni tani është "I vonë". Në këtë këngë thuhet "Ke ardhur afër meje me buzëqeshje dhe më ke sjellë shqetësimin tim..."

Grupi muzikor "Vajzat Ming Jun" është një grup femëror më i ri dhe më modern në krahinat e brendshme të Kinës. Katër vajza të këtij grupi janë nga zona të ndryshme, ndërsa ato kanë entuziazëm të madh për muzikën dhe shfaqjen. Në vitin 2004, ato shkuan në Korenë e Jugut për trajnim muzikor, fizik dhe të vallëzimit.

Në tetor të vitit 2005, grupi muzikor "Vajzat Ming Jun" nxori albumin e parë me të njëjtën titull të këtij grupi. Këngët e të cilit kanë elementet muzikore më popullore si Hip-Hop, R&B, Xhaz, Disko etj. (U Sen)