Gjatë disa vjetëve të fundit, ekonomia e Azisë Lindore është rritur shumë shpejt. Vëllimi i tregtisë midis Kinës, Japonisë, Koresë së Jugut dhe vendeve të tjera të Azisë Lindore është shtuar pandërprerë. Sot, problemi i energjisë është bërë një problem shumë serioz, duke penguar zhvillimin ekonomik të botës. Prandaj, bashkëpunimi midis vendeve të Azisë Lindore në fushën e energjisë është forcuar nga dita në ditë.

Bashkëpunimi në fushën ekonomiko-tregtare midis vendeve të Azisë Lindore është bërë një pjesë përbërëse me vitalitetin më të madh në bashkëpunimin rajonal të Azisë, duke nxitur zhvillimin ekonomik e shoqëror të Azisë. Krahas rritjes së shpejtë ekonomike, problemi i energjisë bëhet gjithnjë e më shumë i dukshëm.

Si një vend i madh i rajonit të Azisë Lindore, ekonomia kineze ka ruajtur një rritje të vazhdueshme dhe të shpejtë, gjë që ka shkaktuar nj tension të madh për furnizimin e energjisë. Para një viti, qeveria kineze kërkoi që të krijojë një shoqëri të tipit të kursimit dhe të mjedisit të mirë, të përpiqet të ndryshojë mënyrën e rritjes ekonomike. Qeveria kineze jo vetëm theksoi kursimin e energjisë brenda vendit dhe ka marrë pjesë aktivisht në bashkëpunimin ndërkombëtar në këtë fushë.

Në fakt, problëemi i energhjisë është një problem i përbashkët i vendeve të ndryshme të botës. Zv/shefi i grupit drejtues të energjisë të Kinës, z. Sy Dingmin është i mendimit se shfrytëzimi i energjisë së ripërdoruar është rruga e domosdoshme për zgjidhjen e problemit të energjisë.

"Me zhvillimin ekonomik të botës, problemi i energjisë dhe i mjedisit bëhet nga dita në ditë i dukshëm. Në qoftë se ky problem nuk mund të zgjidhet me efektivitet, jo vetëm objektivi për zhvillimin e vazhdueshëm të shoqërisë njerëzore do të realizohet me vështirësi, por edhe mjedisi i ekzistencës njerëzore dhe cilësia e jetesës do të ndikohen rëndë. Forcimi i shfrytëzimit të energjisë së ripordorur jo vetëm është rruga e domosdoshme për të përballuar problemin e rëndë të energjisë dhe të mjedisit, por edhe rruga e domosdoshme për realizimin e zhvillimit të vazhdueshëm të shoqërisë njerëzore".

Qeveria kineze njeh plotësisht rëndësinë dhe urgjencën e problemit të energjisë. Më 1 janar 2006, Kina filloi të zbatojë zyrtarisht "Ligjin e energjisë së ripërdorur" dhe hartoi 12 politika komplekse. Përveç këtyre, Drejtoria e Përgjithshme Shtetërore për mbrojtjen e mjedisit e Kinës miratoi një sërë punësh për parandalimin e ndotjeve dhe u kërkoi ndërmarrjeve të zhvillojnë me të gjitha forcat teknologjinë e kursimit të energjisë.

Për të shpejtuar më tej kursimin e energjisë, në muajin e kaluar, komiteti i përhershëm i Asamblesë Kombëtare Popullore të Kinës parashtroi disa propozime për nxitjen e kursimit të energjisë. Nënkryetari i komitetit të përhershëm të saj, z. Li Tieying tha se qëllimi ynë është frenim i rritjes së shpejtë të industrive me konsumin e lartë të energjisë.

"Ne duhet të hartojmë sa më parë politikën financiare për përdorimin e produkteve të kursimit të energjisë dhe duhet ta konsiderojmë kursimin e energjisë si në detyrë të detyrueshme, për të shmangur rritjen e shpejtë të industrive me konsumin e lartë të energjisë. Njëkohësisht, ne duhet të zhvillojmë me të gjitha forcat energjinë e re dhe energjinë e ripërdorur dhe duhet të shtjellojmë qartë politikën ekonomike dhe masat konkrete të vendit për kursimin e energjisë, në mënyrë që të krijohet sistemi i kursimit të energjisë dhe të pranohen shpenzimet për kursimin e energjisë në buxhetet financiare të qeverisë, për të dhënë fondet e sigurta për realizimin e objektivit të kursimit të energjisë".

Pak kohë më parë, Kina hartoi "Planifikimin e zhvillimit afatmesëm dhe afatgjatë të energjisë së ripërdorur". Një përmbajtje e rëndësishme është marrje e përvojës ndërkombëtare të zhvillimit të energjisë së ripërdorur, për të forcuar bashkëpunimin ndërkombëtar në fushën e energjisë. Zoti Sy Dingmin është i mendimit se në fushën e nergjisë, bashkëpunimi është më i rëndësishëm se konkurrencë."Për të garantuar sigurinë e energjive të mbarë botës, ne duhet të krijojmë konceptin e sigurisë për zbatimin e bashkëpunimit me leverdi reciproke dhe për garantimin e energjisë së re. Ne kemi zhvilluar gjithmonë bashkëpunimin në fushën e energjisë me vendet e Azisë Lindore dhe Veri-Lindore. Gjatë disa vjetëve të fundit, ne kemi zhvilluar shumë shkëmbime me Japoninë dhe Korenë e Jugut në këtë fushë. Ne mirëpresim miqtë e vendeve të Azisë Veri-Lindore të zhvillojnë së bashku me ne energjinë e ripërdorur për të garantuar sigurinë e energjive të Azisë Lindore".

Për arsye se Kina ndodhet në një periudhë fillore në fushën e kursimit të energjisë dhe të mbrojtjes së mjedisit, qeveria kineze inkurajon ndërmarrjet e huaja të bëjnë investime në radhë të parë në këtë fushë. Bashkëpunëtori i lartë veteran i Institutit studimor të energjisë dhe të ekonomisë të Japonisë Akihiro Kuroki tha se perspektiva e tregut kine për kursimin e energjisë do të jetë e gjerë. Bashkëpunimi midis Kinës dhe Japonisë në fushën e kursimit të energjisë ka mundësi shumë të madhe. "Tani, të dyja palët kino-japoneze kanë filluar një objekt, i cili është ngritje e përqindjes së përdorimit të energjisë. Kin ka luajtur një rol të rëndësishëm në ngritjen e efektivitetit të energjive të Azisë Lindore. Pak kohë më parë, funksionarët ekonomikë të të dy vendeve bënë në Tokio një mbledhje, ku vendosën që të zhvillojnë bashkëpunimin në shfrytëzimin e nergjisë dhe në fusha të tjera. (Sihai)