dëgjoni

Vitet e fundit kinezët i kanë kushtuar gjithmonë e më shumë rëndësi shëndetit dhe si rrjedhim është përhapur nëpër qytete ushtrimi i gjimnastikës masive. Tani edhe në disa zona të fshtrave kineze, ushtrimi i gjimnastikës masive është zhvilluar me plot vitalitet dhe madje, është bërë një pjesë përbërëse e pandarshme e jetesës së përditshme të banorëve vendorë, gjë që ka dhënë dhe kontribut të madh për zhvillimin ekonomik dhe turizmit në këto zona. Ditët e fundit, korrespondenti i radios sonë shkoi për një reportazh në distriktin Youyu të provincës Shanxi të Kinës veriperëndimore, duke ndjerë edhe nga afër atmosferën e theksuar të gjimnastikës masive në fshatin kinez.

Distrikti i vogël Youyu ka një popullsi të më pak se 110 mijë banorë dhe sipërfaqja e tij nuk i kalon të 2000 kilometrat katërore, por vitet e fundit, ai ka organizuar pandërprerë gara të mëdha sportive kombëtare, dhe duke u mbështetur te forcat e veçanta tërheqëse të sportit, ka krijuar stilin e vet turistik dhe ka nxitur zhvillimin e industrisë turistike.

Gjatë një interviste për korrespondentin e radios sonë, zv/drejtori i distriktit Youyu, z. Lan Cheng tha se zhvillimi i ushtrimit të gjimnastikës masive në këtë distrikt ka ndjekur parimin "të pasurohet jeta e masave popullore me anë të sportit dhe të nxitet zhvillimi i turizmit po me sport ". Ai tha:

"Këto vite distrikti Youyu ka nxitur zhvillimin e turizmit nëpërmjet sportit. Vitet e fundit administrata e distriktit ka investuar fonde në ndërtimin e infrastrukturës së gjimnastikës masive, si sheshit të dëfrimit, sheshit sportiv, etj. dhe këtë vit do të ndërtojë edhe një stadium të madh sportiv. Kemi dy qëllime kryesore, së pari të gjallërohet ushtrimi i gjimnastikës masive në mbarë distriktin, duke pasuruar jetën shpirtërore të masave popullore; së dyti, të vihet sporti si pika mbështetëse për zhvillimin e turizmit, p.sh. po projektojmë të organizojmë disa sporte të jashtme, si gjuajtje, rrëshqitje me ski, etj. "

Lëvizja e monoçikletës është "tabela reklamë" e zhvillimit të ushtrimit të gjimnastikës masive të distriktit Youyu. Në sajë të bazës së fortë të masave popullore, vitin e kaluar në Kampionatin Kombëtar të Monoçikletës të Kinës, ekipi i distriktit Youyu, që u formua vetëm një muaj përpara kampionatit, fitoi 12 medalje. Tani çdo ditë herët në mëngjes, në sheshin e dëfrimit përpara godinës së administrimit të distriktit, mund të shihen tufa të nxënësve të shkollave fillore dhe të mesme, që ngasin monoçikleta.

Funksionarja e Drejtorisë Kombëtare të Fizkulturës dhe të Sportit të Kinës, zj. Wen Wen tha se zhvillimi i ushtrimit të gjimnastikës masive ka rëndësi të madhe për shëndetin e të gjithë popullit dhe veçanërisht për fshatarët.

"Forcimi i cilësisë fizike të të gjithë kombit është synimi bazë i punonjësve sportiv. Sivjet Drejtoria kombëtare ka marrë një sërë masash, që duke përfituar nga rasti i Lojërave Olimpike 2008, të zhvillohet ushtrimi i gjimnastikës masive paralelisht me punët përgatitore të Lojërave Olimpike. Detyra jonë kyçe është ngritja e ndërgjegjshmërisë së të gjithë popullit për gjimnastikë, zotërimi i metodave shkencore dhe pasurimi i jetës shpirtërore të masave popullore."

Edhe këshilltari i turizmit të distriktit Youyu, z. Xing Chensheng është i mendimit se përhapja e ushtrimit të gjimnastikës masive do të jetë në favor të madh të nxitjes së zhvillimit ekonomik. Veçanërisht në fshat, synimi i ndërtimit të fshatit të "civilizuar, pasuruar dhe progresit" është i njejtë në thelb me moton e Olimpiadës "Më lart, më shpejt më fuqishëm". Ai tha:

"Vetëm shëndeti mund të përballojë çdo gjë tjetër. Vetëm me shëndet të mirë të njerëzve Kina do të ketë mundësi të futet në ndërtim ekonomik. Pavarësisht nga inkurajimi i fitimit të medaljeve olimpike, apo zhvillimi i sporteve atletike në mënyrë më të lartë, më të shpejtë dhe më të fortë, në fund të fundit Kina e ka nisur tashmë frymën e gjimnastikës masive."

Mësohet se Drejtoria Kombëtare e Fiskulturës dhe e Sportit e Kinës e përcaktoi distriktin Youyu si "baza e turizmit të veçantë" dhe në bashkëpunim me këtë distrikt, do të krijohen baza kombëtare e stërvitjes së makinave në pistë të shkurtër, baza e fushimit të makinave dhe baza e fushimit të fëmijëve dhe të rinjve. (Wang Lei)