dëgjoni

Në panairin e 9-të ndërkombëtar të Pekinit të produkteve tekniko-shkencore, që u mbyll pak kohë më parë, morën pjesë rreth 2000 ndërmarrje të mbi 20 vendeve të botës, si ato të SHBA-së, Gjermanisë, Austrisë, Hollandës, Rusisë etj. Një sërë produktesh të reja tekniko-shkencore të ndërmarrjeve kineze, që u ekspozuan në këtë panair, tërhoqën vëmendjen e shumë vizitorëve dhe të investuesve. Shefi i seksionit të shitjes pranë Korporatës Tiandi Huilian, zoti Yang Geng tha:

"Në vitin 2008, kur do të organizohen lojërat olimpike të Pekinit, do të shihni një sistem monitor të video-frenkuencës, të bazuar në teknologjinë IP. Ne do të instalojmë këtë pajisje në disa terrene, si stadiume, pallate e sportit dhe në udhëkryqet kryesore të qytetit. Kjo pajisje do të lehtësojë lojtarët dhe sportdashësit, sepse ata mund të shohin lëvizjen në rrugë dhe gjendjen e terreneve sportive nëpërmjet internetit."

Krahas këtij sistemi të trafikut, edhe celulari televiziv dhe celulari muzikor kanë qenë nga sendet tërheqëse në këtë panair. Kompania Aksionare Daçeng e Pekinit ekspozoi në njërin pavion të panairit një lloj celular që mund të rezervojë automatikisht programet televizive. Drejtoresha e seksionit të lidhjes me konsumatorët pranë kësaj kompanie, zonjusha Xing Yue tha se çmimi i këtij lloj celulari është vetëm 3000 juanë, edhe pse ai është me funksione kaq të shumta.

"Kompania jonë e projektoi këtë lloj celular duke u nisur nga parimi që ai të përdoret më kollaj dhe të shitet me çmim të pranueshëm për banorët e thjeshtë. Me këtë lloj celular, konsumatorët mund të marrin falas programet televizive. Në vitin 2008, do të kapni me celular programet televizive kudo që të shkoni dhe do të merrni çfarëdo programesh televizive që t'ju pëlqejnë."

Ky lloj celulari tërhoqi vëmendjen e vizitorëve sepse ai ka funksione krejtësisht të reja dhe është shumë praktik në përdorim. Punonjësja e një kompanie të reklamave të Pekinit, zonjusha Gjang Ling tha:

"Një lloj celular të tillë nuk e kam parë asnjëherë dhe ai më duket interesant. Përsa i përket çmimit, ai nuk është shumë i shtrenjtë. Unë do të blej një nga ato, kur të shiten rregullisht në treg."

Ndoshta shumë spektatorë e mbajnë mend heroin e një filmi amerikan të Holliudit, i cili hap dhe mbyll lirisht kompjuterin e tij pa i dhënë asnjë parullë sekrete dhe ky kompjuter dallon pronarin e kompjuterit vetem sipas fytyrës së tij. Sot, një teknikë e tillë nuk është më iluzion. Korporata kineze Lenovo, që është një ndërmarrje e famshme e prodhimit të kompjuterave, ekspozoi në këtë panair një lloj laptop (kompjuter dore), që e njeh pronarin e tij sipas fytyrës. Tekniku i Korporatës Lenovo, zoti Vang Hu tha se ky lloj laptop mund ta njohë pronarin e tij duke parë organet e shqisave në fytyrë dhe duke e verifikuar atë në vend të dhënis së parullës sekrete.

"Kjo teknologji e re jo vetëm luan rol të sigurisë së mëtejshme, por edhe mund të rezervojë disa parulla, që përdorim ditë për ditë, dhe të zëvendësojë funksionet e disa parullave. Me këtë teknologji të re, do të na krijohet një mjedis i përdorimit të qëndrueshëm dhe të sigurt të kompjuterave."

Në rrethanat e shtrenjtimit të herë-pas-hershëm të karburantit, të gjitha vendet e botës eksperimentojnë për prodhimin e automjeteve të pastra që nuk përdorin karburantin, me qëllim që të ulet konsumi i karburantit dhe të pakësohet ndotja e mjedisit. Në panairin e 9-të ndërkombëtar të Pekinit të produkteve tekniko-shkencore, Kompania Aksionare Lishi Guangming e Pekinit, që është një ndërmarrje e projektimit të automjeteve, ekspozoi një lloj automjeti elektrik, që tërhoqi vëmendjen e shumë vizitorëve. Ky lloj veture elektrike dy-vendësh mund të ecë 260 kilometra sa herë që bateritë e tij ngarkohen për 5 orë dhe konsumon në çdo 100 kilometra vetëm 5.5 kilovatë orë energji elektrike. Ky lloj automjeti tashmë ka filluar të prodhohet në seri, do të hidhet së shpejti në treg dhe do të marrë pjesë në panairin ndërkombëtar të Parisit të automjeteve, që do të organizohet në tetor të këtij viti. 

Për të vënë në jetë angazhimin tonë për organizimin e lojërave të gjelbëra olimpike të Pekinit, ndërmarrjet kineze sollën në këtë panair produktet e tyre tekniko-shkencore që janë të favorshme për pastrimin e ajrit, për pakësimin e ndotjes dhe për mbrojtjen e mjedisit ekologjik.

Jemi të bindur se, me vënien në përdorim të këtyre produkteve tekniko-shkencore, që u ekspozuan në panairin e 9-të ndërkombëtar të Pekinit, jetesa e popullit do të jetë edhe më e lehetësuar, më e rehatshme dhe më me shije shkencore. Me fjalë të tjera, me këto produkte, cilësia e jetesës së popullit me siguri do të ngrihet akoma më tej.(Zheng)