Ju flet Radio e Jashtme e Kinës, të dashur lexues, ju përshëndes përsëri në rubrikën "Fakte nga jeta". Në programin e sotëm do t'ju paraqes disa ndërmarrje të Shenzhen-it që njihen nga inovacioni.

Kohët e fundit, në një forum të teknologjisë dhe të shkencës, qyteti Shenzhen fitoi 7 çmime shkencore shtetërore.

Tani në Shenzhen ka më shumë se një mijë ndërmarrje të teknologjisë së lartë, 60% e të cilave janë private. Këtu Zbatohen më shumë se 60% e projekteve të teknologjisë së lartë. Pra ndërmarrjet private janë bërë forca kryesore për inovacionin e Shenzhen-it.

Në fakt në Shenzhen, ndërmarrjet më të njohura dhe më të mëdha janë ato private si për shembull kompania "Huawei" dhe kompania Zhongxing, që po zhvillohen edhe jashtë shtetit.

Përveç këtyre dy kompanive, ka edhe disa ndërmarrje që njihen nga inovacioni, si për shembull, kompania "Kingdee" në fushën e softwareve, kompania "Tencent" në fushën e kompjuterit, kompania "Biyadi" në fushën e materialeve të reja etj.

Në fushën e internetit, ku ka konkurrencë të ashpër, kompania "Tencent" është shumë e fuqishme. Kjo kompani ka 420 milionë përdorues të regjistruar dhe zë 70% të tregut të telekomunikacionit.

Gjithashtu, ajo është ndërmarrja e parë të internetit, që ka hyrë në tregun e aksioneve të Honkongut. Kryeekzekutuesi i kësaj kompanie Ma Huateng i tha korrespondentit se nëse nuk ka inovacion teknologjike dhe inovacion të modelit të tregut, atëherë nuk ka as kompani "Tencent".

Sipas të dhënave statistikore, tani në Shenzhen ka më shumë se 1700 ndërmarrje që merren me kërkimin dhe prodhimin e produkteve të teknologjisë së lartë, ka 78 mijë kërkues shkencorë dhe janë prodhuar 2352 lloje produktesh të teknologjisë së lartë.

Në vitin 2004, Shenzheni ka shpenzuar afro 12,5 miliardë yuanë për kërkimin, që zënë 3,67% të sasisë së përgjithshme të GDP-së. Kjo përqindje është 3 herë më e madhe se mesatarja e Kinës. Për shembull, kompania "Huawei" shfrytëzon 4,5 miliardë yuanë në vit për kërkimin. Deri tani ajo ka regjistruar në Kinë më shumë se 1000 produkte me patentë, ndërsa në Evropë dhe SHBA ka regjistruar më shumë se 400 produkte të tilla.

Në qytetin Shenzhen ndërmarrjet e tipit të inovacionit janë kryesisht ato private ose ato aksionare. Ato varet nga nevojat e tregut, ndërsa zhvillimi i tyre nga konkurrenca në treg.

Shumë sipërmarrës të Shenzhen-it thanë se atmosfera e inovacionit në Shenzhen nxit entuziazmin e ndërmarrjeve për përtëritjen e teknologjisë. Në vitin 2004, ndërmarrjet e Shenzhen-it regjistruan 8210 produkte me patentë, 76% e të cilave janë regjistruar nga ndërmarrjet private.

Nga janari deri nëntor të vitit 2005, vlera e eksportit të produkteve të teknologjisë së lartë arriti në 40,1 miliardë dollarë amerikanë. Ndër to, disa produkte me të drejtat intelektuale janë futur në tregun e Evropës dhe të SHBA-së.

Kryetari i bashkisë së qytetit Shenzhen Xu Zongheng është i mendimit se gjatë zhvillimit 10 vjeçar të industrisë së teknologjisë së lartë, mësim kryesor që ka nxjerrë bashkia e Shenzhen-it është: duhet të respektohen zgjedhjet e tregut dhe duhet të shfrytëzohet efektiviteti i ndërmarrjeve. Gjithashtu qeveria duhet të krijojë një mjedis të mirë për inovacionin. (U Sen)