Kohët e fundit, zv-drejtori i komitetit të hapjes dhe reformës të Kinës Zhang Guobao u shpreh se me vënien në shfrytëzim të agregateve të reja, me masat kontrolluese shtetërore dhe me administrimin e kërkesën për energji elektrike, gjendja e furnizimit të pamjaftueshëm me energji elektrike në Kinë në verën e këtij viti do të përmirësohet. Ai u shpreh gjithashtu se në 5 vjetët e ardhshëm, Kina do të përsosë më tej strukturën e energjisë elektrike. Në vitin 2010, përqindja e energjisë elektrike ujore, e energjisë elektrike bërthamore etj do t'i kalojë 35% në strukturën e përgjithshme të energjisë elektrike.

Nga viti 2002, është shfaqur një gjendje serioze në furnizimin me energji elektrike në Kinë. Sidomos në verë, në disa vende ka kufizim të furnizimit me energji elektrike. Kështu që disa ndërmarrje kanë ndaluar punën për të shmangur kulmin e shfrytëzimit të energjisë elektrike. Për këtë Zhang Guobao tha se me rastin e krijimit të centraleve elektrike të reja, në gjysmën e dytë të këtij viti, furnizimi me energji elektrike do të jetë i baraspeshuar.

Sipas Zhang-ut, gjatë 4 vjetëve nga qershori i vitit 2002 deri tani, prodhimi i energjisë elektrike në Kinë është shtuar mesatarisht me një shpejtësi më shumë se 10%, e cila është më e lartë se ajo e GDP-së. Në vitin 2005, vëllimi i përgjithshëm i prodhimit të energjisë elektrike është rritur me 12.3% në krahasim me vitin 2004. Zhang Guobao u shpreh se në gjysmën e parë të këtij viti, në disa provinca ka pasur kufizim të furnizimit me energji elektrike. Përpara kulmit të shfrytëzimit të energjisë elektrike në verë në Kinë edhe shumë agregate do të fillojnë prodhimin e energjisë elektrike, kështu që në gjysmën e dytë të këtij viti, nuk do të ketë kufizime në furnizimin me energji elektrike.

Për të garantuar plotësimin e kërkesës për energji elektrike në rajonet e zhvilluara në lindje të Kinës, Kina ka bërë shumë përpjekje për t'i ndihmuar këto provinca, si provincën Guang Dong etj.

Vitet e fundit, përveç forcimit të krijimit të infrastrukturës bazë, Kina ka nxitur edhe rregullimin e strukturës së energjisë elektrike. Zhang Guobao u shpreh se vitet e fundit në disa rajone janë ndërtuar shumë termocentrale dhe në disa vende të tjera janë ndërtuar hidrocentrale që përdorin në një masë të madhe burimet energjetike dhe shkaktojnë ndotje seroize.

Me hartimin e masave të kontrollit shtetëror, disa projekte termocentralesh janë ndaluar. Ndërkohë, komiteti shtetëror i hapjes dhe reformës ka publikuar edhe listën e termocentraleve të vogla ndërtimi i të cilave do të ndalohet nga viti 1999 deri në 2010.

Politika e elektrikës e Kinës ka për me qëllim që të pakësojë përqindjen e energjisë elektrike të prodhuar nga qymyrguri dhe të shtojë përqindjen e energjisë elektrike ujore e bërthamore në strukturën e energjisë elektrike. Kohët e fundit, qeveria kineze ka hartuar planet 5 vjeçare të zhvillimit, ku thuhet se deri në vitin 2010, shpenzimet e burimeve energjetike do të ulen me 20% në krahasim me vitin 2005.

Zhang Guobao u shpreh se në atë kohë, furnizimi me energji elektrike në Kinë do të jetë i baraspeshuar dhe elektrifikimi i të gjithë vendit do të nxitet më tej. (U Sen)