dëgjoni

Kohët e fundit u hap në Pallatin e Arteve Figurative të Kinës Ekspozita e objekteve artistike italiane. Kjo ekspozitë, kui janë ndërthurur pikturat, projektimet, veshjet dhe demonstrimet që do të qëndrojë një muaj e hapur do t'u tregojë vizitorëve kinezë objekte të çmuara artistike italiane, duke pasuruar përfztzrimet e vizitorëve kinezë për Italinë.

Pjesa që po dëgjoni është incizuar gjatë sfilatës së modës së veshjeve të stilistit të njohur italian me famë botërore Valentino. Në oborrin e Pallatit të Arteve Figurative të Kinës është ndërtuar një pasarelë mode që kombinon me arkitekturën tradicionale kineze. Dhjetëra modele me veshje të kuqe klasike të mbrëmjes "Valentino" janë pritur shumë mirë nga spektatorët.

Krahas zhvillimit të demonstrimit të veshjeve të modës, u hap edhe ekspozita " Arti italian dhe kultura italiane". Në "Ekspozitën e artit italian të shekullit të 20-të", janë ekspozuar pikturat e piktorëve të njohur në historinë e artit figurativ italian. Kurse sallat e "Ekspozitës së ideimeve 50 vjeçare italiane për rregullimin e shtëpisë" janë si shtëpi të dekoruara bukur me dhoma të pajisura me mobilje moderne, si për kuzhinën, ashtu edhe për sallën e pritjes dhe për dhomën e fjetjes etj.

Edhe arti i stolive prej ari " Arezo" me famë në Itali mori pjesë në këtë ekspozitë, qysh nga sendet prej ari për stolisje në flokë të prodhuara para 2600 vjetësh deri në sendet prej ari të projektuara në mënyrë magjike nga piktorë, skulptorë, arkitektë e projektues të veshjeve etj.

Korrespondenti pa se shumë vizitorë dolën fotografi përpara veshjeve të kuqe të mbrëmjes "Valentino".

Zonjusha Sun Yujie i tha korrespondentit: "Për arsye se Valentino është një markë shumë e njohur në botë, veshjet e ekspozuara në këtë ekspozitë janë veprat më të mira të prodhuara gjatë 20 a 30 vjetëve të fundit. Prandaj duhet të ruaj këtë moment të mirë."

Vizitorja Chao Yuxuan tha:"Këto eksponante janë shumë moderne dhe të pararojës. Në të kaluarën, mua më dukej se kultura italiane është shumë tradicionale, kurse nga kjo ekspozitë e artit modern është e befasishme për mua".

Një nga objektivat e organizimit të kësaj ekspozite është t'u japë vizitorëve kinezë një befasi, për të pasuruar më tej përfytyrimet e vizitorëve kinezë për Italinë, në mënyrë që kinezët të njohin më tej Italinë.

Siç tha ambasadori i Italisë në Kinë Gabriele Menegati " Organizimi i Vitit italian në Kinë ka dy objektiva. Njëri është njohja e mëtejshme e kinezëve me kulturën e lashtë italiane, ndërsa objektivi i dytë është njohja e kinezëve të thjeshtë me artin modern italian. Në fakt, kemi tre objektiva, objektivi i tretë është krijimi i marrëdhënieve të përhershme dhe zhvillimi i shkëmbimeve afatgjata midis qarqeve kulturore të Italisë dhe të Kinës." ( Zhai)