dëgjoni

Gazeta kineze "Rinia e Pekinit" njoftoi se para 1 Tetorit - Festës Kombëtare të Kinës, do të hapet në Pekin ekspozita e qytetërimeve botërore ku do të paraqiten 6 qytetërimet e lashta të njerëzimit.

Kjo ekspozitë do të zgjasë 2 vjet. Shikuesit do të njohin qytetërimin e Egjiptit të lashtë, qytetërimin e Greqisë së lashtë, qytetërimin e Romës së lashtë etj.

Filmi kinez "Njerëz të mirë në Sanxia" ka shitur të drejtën e autorit në 25 vende

Gazeta kineze "Rinia e Pekinit" njoftoi se filmi "Njerëz të mirë në Sanxia" i xhiruar nga regjisori kinez Jia Zhangke ka shitur të drejtën e autorit në 25 vende duke përfshirë tregje të rëndësishme të filmit në Evropë dhe në Amerikë.

Filmi "Njerëz të mirë në Sanxia" përshkruan dy tregime dashurie në një qytezë në zonën Sanxia të lumit Jance të Kinës. Pak kohë më parë, ky film fitoi çmimin më të lartë të Festivalit të 63-të të Filmit të Venecies ? çmimin "Luani i artë".

Në Kinë u shtuan 3 parqe botërore gjeologjike

Gazeta kineze "Beijingyulexinbao" njoftoi se në mitingun e dytë botëror të parkut gjeologjik të zhvilluar pak kohë më parë në OKB, parku gjeologjik Fangshan i Pekinit u zgjodh "park botëror gjeologjik".

Parku gjeologjik Fangshan ndodhet në 50 kilometra në jugperëndim të Pekinit. Pekini është kryeqyteti i parë në botë që ka parkun botëror gjeologjik.

Po në këtë miting, edhe mali Taishan në provincën Shandong dhe liqeni Jingbo në provincën Heilongjiang u zgjodhën parqe botërore gjeologjike. Deri tani në Kinë ka 18 parqe botërore gjeologjike.

U hap në Pekin ekspozita e arteve tajvaneze

Gazeta kineze "Beijingwanbao" njoftoi se ditët e fundit, u hap në Galerinë e Arteve të Kinës ekspozita e arteve tajvaneze. Kjo ekspozitë është një nga aktivitetet e "Javës së Tajpeit" që po zhvillohet në Pekin.

"Java e Tajpeit" është një aktivitet i përgjithshëm i shkëmbimeve kulturore midis dy brigjeve të ngushticës së Tajvanit ku përfshihen forumi i kulturës së qyteteve, shkëmbimet e artit të interpretimit, shkëmbimet e të rinjve të të dy brigjeve, shkëmbimet midis galerive të arteve të të dy brigjeve etj.

Ekspozita e arteve tajvaneze organizohet nga Galeria e Arteve e Tajpeit dhe në të janë ekspozuar 121 vepra artistike të mbi 100 artistëve të famshëm modernë tajvanezë. Nëpërmjet këtyre veprave, shikuesit do të njohin zhvillimin e shoqërisë moderne tajvaneze.

Pas përfundimit të "Javës së Tajpeit", do të zhvillohet në Tajpei "Java e Pekinit". (Fani)