dëgjoni

Pekini do të organizojë Lojërat Olimpike në vitin 2008. Për të treguar me të vërtetë imazhin e një vendi të qytetëruar, një aktivitet për ngritjen e cilësisë së qytetarisë të turistëve kinezë po zhvillohet në mbarë vendin. Në rubrikën e sotme "Fusha sportive", do të dëgjoni reportazhin përkatës me titull "Kina ngre cilësinë e qytetarisë të turistëve të vet për të pritur Lojërat Olimpike".

Pallati Dimëror, Muri i Madh, Qyteti i Pekinit dhe burimet e tjera të pasura turistike të Kinës kanë tërhequr shumë turistë të huaj. Organizimi i Lojërave Olimpike nga Pekini, do të bëjë që Pekini të jetë më tërheqës. Por, në këto pika të bukura turistike e piktoreske ndeshin shpesh dukuri të pakënaqshme që bëjnë turistët kinezë, si hedhja e mbeturinave sipas qejfit, pikturimi sipas qejfit në muret e objekteve të çmuara të lashta etj. Pikat turistike e piktoreske janë dritaret e vendit. Veprimet e paqytetëruara të disa turistëve kinezë kanë prishur figurën e Kinës para miqve tanë ndërkombëtarë.

Për ta ndryshuar në mënyrë efektive këtë gjendje para organizimit të Lojërave Olimpike të Pekinit në vitin 2008, kohët e fundit, dikasteret përkatëse kineze kanë nisur në mbarë vendin "Aktivitetet për ngritjen e cilësisë së qytetarisë të shtetasve kinezë gjatë turizmit". Sipas planit, këto aktivitete janë organizuar nga Zyra e Qytetarisë e Këshillit të Shtetit të Kinës, Drejtoria Shtetërore e Turizmit e Kinës dhe sektorët e tjerë si të punëve të jashtme, të sigurimit publik, tregtisë, ndërtimit, hekurudhës, aviacionit civil, komunikacionit etj. Gjatë këtyre aktiviteteve, do të bëhen përpjekje për të ndrequr veprimet e ndryshme të paqytetëruar të shtetasve kinezë gjatë turizmit, në mënyrë që të ngrihet cilësia e qytetarisë të shtetasve kinezë gjatë turizmit.

Zonjusha Son Li që punon në një ndërmarrje me investime të huaja në Pekin, shprehu përshëndetjen për këto aktivitete. Ajo tha :

"Ndoshta unë punoj në një ndërmarrje të huaj dhe dal shpesh me miq të huaj jashtë për turizëm. Unë shoh se shumë turistë kinezë nuk janë të qytetëruar. Veprimet e tyre kanë dëmtuar figurën e Kinës para miqve të huaj. Do të organizohen së shpejti Lojërat Olimpike të Pekinit në vitin 2008. Ne duhet të paraqesim një pamje të mirë shpirtërore para miqve të huaj dhe të tregojmë një Pekin të ri para botës".

Tani, "Aktivitetet për ngritjen e cilësisë së qytetarisë së shtetasve kinezë gjatë turizmit" kanë filluar të zhvillohen gjerësisht në mbarë Kinën. Zyra e Qytetarisë e Këshillit të Shtetit të Kinës dhe Drejtoria Shtetërore e Turizmit e Kinës do të botojnë dy libra "Kunventa e veprimeve të shtetasve kinezë gjatë turizmit brenda vendit" dhe "Udhëzues për veprimet e shtetasve kinezë gjatë turizmit jashtë vendit". Këto 2 libra për ngritjen e cilësisë së qytetarisë së shtetasve kinezë, do të shpërndahen në dorën e turistëve që do të zhvillojnë turizëm gjatë javës së artë me rastin e Ditës Kombëtare të Kinës më 1 tetor.

Zonja Liu Yunhui që punon në Agjencinë e Turizmit Kanhui të Pekinit, tha :

Ne mendojmë se duhet të ngrihet cilësia e qytetarisë të shtetasve kinezë gjatë turizmit brenda e jashtë vendit. Gjatë turizmit, duhet të mendohet për higjenën publike, për respektimit të rendit, për mbrojtjen e mjedisit dhe të objekteve të lashta etj. Pekini do të organizojë Lojërat Olimpike të vitit 2008. Ky do të jetë një rast shumë i mirë dhe shumë i rrallë. Ky do të jetë edhe një rast që të tregohet edukata e mirë e kinezëve para miqve ndërkombëtarë.

Tani, nuk është diçka e re që kinezët dalin jashtë vendit për turizëm. Fjalët dhe veprimet e turistëve kinezë gjatë turizmit jashtë vendit pasqyrojnë gjithashtu figurën e Kinës. Zoti Cen Chon i ardhur nga provinca Guandon, që do të bëjë turizëm jashtë vendit, i tha korrespondentit:

"Gjatë turizmit jashtë vendit, duhet të kujdesemi për fjalët dhe veprimet tona, sepse këto përfaqësojnë figurën e vendit të vet.

Shumë turistë kinezë u shprehën se cilësia e qytetarisë e turistëve ka ndikim në figurën e një vendi në arenën ndërkombëtare. Cdo kinez duhet të jetë i qytetëruar dhe të veprojë nga vet. Të gjitha këto do të ndihmojnë në organizimin me sukses të Lojërave Olimpike të Pekinit të vitit 2008. (Du)