dëgjoni

Kohët e fundit, qeveria kineze publikoi treguesin ekonomik që tregon nivelin e cilësisë së produkteve dhe aftësinë e zhvillimit të industrisë së prodhimit të Kinës, për të nxitur sektorët e ndryshëm të Kinës të ngrenë më tej cilësinë e produkteve.

 Treguesi i publikuar kohët e fundit nga Kina quhet "Tregues i potencialit konkurrues të cilësisë së produkteve të industrisë së prodhimit", i cili tregon nivelin e cilësisë së produkteve të Kinës dhe potencialin konkurrues.

Drejtori i Drejtorisë Shtetërore të Statistikave të Kinës, z. Qiu Xiaohua, tha se potenciali konkurrues i cilësisë së produkteve të pajisjeve të telekomunikacionit, të kompjuterave, të pajisjeve të tjera elektronike, pajisjeve elektrike dhe të produkteve të industrive të tjera është relativisht i fortë, ndërsa potenciali konkurrues i cilësisë së produkteve të industrisë së shtypit e të botimeve dhe të industrisë së përpunimit të ushqimeve është relativisht i dobët.

"Mosbaraspesha në zhvillimin e potencialit konkurrues të cilësisë së produkteve të sektorëve të ndryshëm të industrisë së prodhimit të Kinës është e qartë. Epërsia e konkurrencës së cilësisë së produkteve të industrisë moderne me teknologji dhe me kapitale të përqendruara është relativisht e dukshme. Ndërsa potenciali konkurrues i cilësisë së produkteve të industrisë tradicionale është i dobët".

Zoti Qiu Xiaohua tha gjithashtu se nga gjendja e krahinave të ndryshme të Kinës del se potenciali konkurrues i cilësisë së produkteve të industrisë së prodhimit të Kinës lindore është i fortë, i Kinës qendrore është i mesëm, ndërsa i Kinës perëndimore është relativisht i dobët".

Drejtori i Drejtorisë së përgjithshme shtetërore të kontrollit të cilësisë të Kinës, z. Li Changjiang, analizoi treguesin e potencialit konkurrues të cilësisë. Ai tha se para publikimit zyrtar të treguesit të konkurrimit të cilësisë së produkteve të industrisë së prodhimit, Kina bëri një punë studimore shumëvjeçare për nivelin e cilësisë së produkteve kineze. Sipas parashikimit, deri në vitin e kaluar, treguesi i potencialit konkurrues së cilësisë së produkteve të industrisë së prodhimit të Kinës është rritur në mënyrë të qëndrueshme për 7 vjet me radhë. Kjo tregon se gjatë disa vjetëve të fundit, niveli i cilësisë së produkteve kineze është ngritur më tej.

Zoti Li Changjiang vuri në dukje se në potencialin konkurrues të cilësisë së produkteve të industrisë së prodhimit të Kinës ekziston një diferencë relativisht e madhe në krahasim me vendet e zhvilluara. Standardet e disa produkteve të Kinës janë të ulëta. Përqindja e standardit ndërkombëtar është më e ulët se ajo e vendeve të zhvilluara. Cilësia e produkteve të prodhuara nga disa ndërmarrje të vogla nuk është e qëndrueshme. Në këto ndërmarrje të vogla ekziston prodhimi i produkteve false. Zoti Li tha gjithashtu se, për të ngritur më tej nivelin e cilësisë së produkteve të industrisë së prodhimit të Kinës, në të ardhmen Kina do të zbatojë më shumë standarde ndërkombëtare në sektorë të ndryshëm.

"Gjatë disa vjetëve të fundit, ne kemi përvetësuar pandërprerë standardet ndërkombëtare dhe standardet e përparuara të huaja. Në produktet elektro-mekanike dhe në industrinë e prodhimit të anijeve, përqindja e zbatimit të standardeve ndërkombëtare i kaloi 80 %. Cilësia e produkteve tona është ngritur në mënyrë të qëndrueshme".

Drejtori i Drejtorisë Shtetërore të Statistikave të Kinës, z. Qiu Xiaohua, tha se nga vështrimi perspektiv del se që të shtohet potenciali konkurrues i cilësisë së produkteve të Kinës, duhet të shpejtohet krijimi i risive teknologjike.

"Kina është bërë një vend i madh prodhimi. Por nga ana tjetër shihet se Kina është një vend i vogël krijimi, sepse në të gjitha produktet e industrisë së prodhimit, përqindja e produkteve tona me teknologji thelbësore dhe me marka të njohura është shumë e ulët. Prandaj Kina duhet të shndërrohet nga një vend i madh prodhimi në një vend të madh krijimi". (Sihai)