dëgjoni

Kohët e fundit u organizua nga Drejtoria e Përgjithshme e Radio-Film-Televizionit e Kinës një kurs ndërkombëtar i kualifikimit të redaktorëve dhe gazetarëve të radio-televizioneve të vendeve të ndryshme të botës, ku morën pjesë më se 20 punonjës të radio-televizioneve të l7 vendeve të botës, ndër të cilët ishte edhe shefi i departamentit të montazhit të Radio-Televizionit Shqipëtar Andon Beqari. Përveç orëve mësimore, pjesëmarrësit bënë vizita edhe në Murin e Madh kinez, në Pallatin Dimëror perandorak të Kinës, si dhe në Radion e Jashtme të Kinës, në Radion Qendrore të Kinës, në Televizionin Qendror të Kinës etj.

Gjatë vizitës në Radion e Jashtme të Kinës, shefi i zyrës së jashtme të Radios Xin Liancai i njohu mysafirët me gjendjen e përgjithshme të Radios së Jashtme të Kinës, me emisionet në 38 gjuhë të huaja, emisionet për brenda vendit, Kinës si dhe me faqet e internetit të Radios së Jashtme të Kinës. Pastaj mysafirët nga vende të ndryshme të shoqëruar përkatësisht nga anëtarët e redaksive të gjuhëve përkatëse, u takuan me përzemërsi me kolegët e tyre të Radios dhe u dhanë intervista për emisione të gjuhëve të ndryshme.

Shefi i departamentit të montazhit të Radio-Televizionit Shqiptar Andon Beqari i shoqëruar nga anëtarja veterane e Redaksisë së gjuhës shqipe bëri vizita në ekspozitën mbi historinë e zhvillimit të Radios së Jashtme të Kinës dhe doli fotografi përpara vitrinës me dhurata të dërguara nga dëgjuesit shqiptarë. Pastaj ai u prit nxehtësisht nga anëtarët e redaksisë së gjuhës shqipe të Radios së Jashtme të Kinës, pati një bisedë të përzemërt me ta dhe lexoi faqet e internetit të gjuhës shqipe dhe gazetën "Dritare" në gjuhën shqipe të kësaj redaksie dhe dha një intervistë për emisionet në gjuhën shqipe.

Në intervistë ai foli për përfitimet e nxjerra gjatë këtij kursi, për përshtypjet e tij nga vizitat në Pekin dhe nga redaksia e gjuhës shqipe. Ai shprehu edhe dëshirën e tij për të marrë informata nga këto emisione të gjuhës shqipe si dhe për përmbajtjet që i interesojnë më shumë.

Dhe tani, të dashur dëgjues, ju ftojmë të dëgjoni intervistën e shefit të Departamentit të montazhit të Televizionit Shqiptar Andon Beqari me korrespondenten e Radios sonë Huailu. (Zhai)