dëgjoni

Kohët e fundit u organizua në Pekin Panairi i 13-të ndërkombëtar i librave të Pekinit. Më se 1700 biznesmenë dhe institucione përkatëse të ardhur nga 50 vende e rajone të botës hapën në panair pavionet e tyre në Qendrën Ndërkombëtare të Ekspozitave të Pekinit për t'u prezantuar vizitorëve librat e tyre shumë të bukura. Numri i biznesmenëve pjesëmarrës të këtij panairi është dyfishuar në krahasim me atë të panairit të kaluar. Panairi ndërkombëtar i librave të Pekinit po bëhet gjithnjë e më i njohur në botë.

Ky panair filloi të organizohej në vitin l986 dhe duke filluar nga viti 2002, organizohet çdo vit. Organizatorët e këtij panairi janë Drejtoria e Përgjithshme e Shtypit dhe e Botimeve dhe Zyra e Shtypit e Këshillit të Shtetit të Kinës. Objektivi i këtij panairi është "importimi i librave të shquara të botës në Kinë dhe dalja e librave kineze në botë". Gjatë më se 20 vjetëve, Panairi i Librave i Pekinit është zhvilluar në një panair të shkëmbimeve ndërkombëtare të qarqeve të botimeve ku zhvillohen tregtimi i të drejtave të autorëve, prezamtimet e librave, shkëmbimet e informacioneve etj.

Një shënje e rëndësishme e zhvillimit të këtij panairi është rritja e vëllimit të shitjes së të drejtave të autorit. Në fillim të këtij panairi, sasia e shitjes së të drejtave të autorit ishte vetëm disa qindra, kurse vitin e kaluar, u nënshkruan më se 9 mijë kontrata mbi shitjen e të drejtave të autorit.

Përfaqësuesi i shtëpisë së njohur botuese ndërkombëtare Sage Publications LTD z.Huë Aleksandër mori pjesë sivjet për herë të parë në panairin ndërkombëtar të librave të Pekinit. Në intervistën me korrespondentin e radios sonë, ai tha : ..1. " Unë kam marrë pjesë në panairët e librave të Londrës dhe Frankfurtit. Më duket se panairi i Pekinit është organizuar shumë mirë. Këtu ne gjetëm shumë klientë dhe do të marrim pjesë edhe vitin e ardhshëm. Ne i kemi shitur biznesmenëve kinezë të botimeve të drejtat e autorit të shumë librave, Kina është tregu më i madh në botë. Ne shpresojmë të vendosim kontakte dhe bashkëpunim me të ngushtë me kolegët tanë kinezë."

Tani në Kinë ka më se 300 milionë pionierë e fëmijë dhe numri i studentëve që studiojnë në shkolla të larta arriti në më se 20 milionë. Krahas rritjes së vazhdueshme ekonomike dhe ngritjes së nivelit të jetesës së banorëve, konsumimi i librave po shtohet në mënyrë të dukshme. Shitja e të drejtave të autorit të librave arsimore është më e dukëshme në fushën e shitjes së të drejtave të autorit midis Kinës dhe vendeve të tjera. Zonja Regina Schiner që përgjigjet për çështjet e të drejtave të autorit të kompanisë Herkour të Anglisë i tha korrespondentit: " Kjo është hera e dytë që mora pjesë në këtë panair. Kësaj here, ne morën me vete 500 a 600 llojë librash për fëmijë dhe për studentë. Ky panair është organizuar shumë mirë dhe në duket se është një panair më i rëndësishëm në Azi. Ne po synojmë një bashkëpunim në fushën e librave arsimore. "

Sivjet është "Viti shtetëror Kinë-Rusi" i organizuar përkatësisht në Kinë dhe në Rusi. Në këtë panair të librave morën pjesë më se 100 shtëpi botuese ruse. Gjatë hapjes së panairit, u organizuan edhe disa simpoziume të qarqeve të botimeve të Kinës dhe të Rusisë. Në panair morën pjesë edhe 5 shkrimtarë të njohur rusë që u takuan me vizitorët kinezë duke bërë me ta kontakte të drejtpërdrejta.

Drejtorja e përgjithshme e Shtëpisë Botuese të gjuhës ruse së Rusisë zonja Svetllana Ju Remizova që mori pjesë për herë të parë në këtë panair ishte shumë e kënaqur dhe tha:..2.. "Ne kemi marrë me vete shumë libra për të mësuar gjuhën ruse. Ky panair na ka dhënë një shans të shkëmbimeve me kolegët tanë."

Në këtë panair u organizua edhe një forum i botimeve ndërkombëtare, ku specialistët zhvilluan diskutime rreth " teknologjisë së re dhe së ardhmes së botimeve " dhe problemeve mbi mbrojtjen e të drejtave të autorit.(Zhai)