dëgjoni

Korrespondentja e Radios së Jashtme të Kinës njoftoi se më 14 shtator, u krijua në Pekin Qendra e mbrojtjes së trashëgimive jomateriale kulturore e Kinës.

Qendra e mbrojtjes së trashëgimive jomateriale kulturore e Kinës do të përgjigjet për punët konkrete të mbrojtjes së trashëgimive jomateriale kulturore, hartimin e planeve të mbrojtjes, studimet teorike për trashëgimitë jomateriale kulturore, zhvillimin e ekspozitave, të aktiviteteve propaganduese etj.

Do të zhvillohet në Pekin Panairi i 9-të ndërkombëtar i artit

Gazeta kineze "Beijingyulexinbao" njoftoi se nga 2 deri më 6 tetor, do të zhvillohet në Pekin Panairi i 9-të ndërkombëtar i artit i Pekinit. Në këtë panair do të marrin pjesë më se 10 mijë vepra artistike dhe më se 300 galeri pikturash nga Kina, SHBA-ja, Franca, Japonia, Republika e Koresë, Rusia etj.

Njëkohësisht për të propaganduar Lojërat Olimpike, në panair do të zhvillohet edhe ekspozita e skulpturave lidhur me Lojërat Olimpike.

Do të hapet më tej sektori i shtypit kinez

Korrespondenti i Radios së Jashtme të Kinës njoftoi se në një konferencë shtypi të organizuar më 14 shtator nga zyra e shtypit e Këshillit të Shtetit të Kinës për "Programin e zhvillimit kulturor gjatë planit të 11-të 5-vjeçar", zvdrejtori i Drejtorisë së Përgjithshme Shtetërore të Shtypit të Kinës Liu Bingjie tha se Kina do të rregullojë më tej tregun për të zgjeruar hapjen e sektorit të shtypit kinez ndaj botës së jashtme.

Liu Bingjie tha se tani Kina ka hapur dy fusha në sektorin e shtypit, shitjen në treg dhe shtypjen.

Kryeministri i Kinës dhe ai i Italisë vizituan së bashku ekspozitën e artit të përgjithshëm italian

Korrespondentja e Radios së Jashtme të Kinës njoftoi se më 18 shtator, kryeministri kinez Wen Jiabao dhe kryeministri italian Romano Prodi që ndodhej për vizitë në Kinë vizituan së bashku ekspozitën e artit të përgjithshëm italian në Galerinë e Arteve të Kinës.

Ekspozita e artit të përgjithshëm italian është pjesë e rëndësishme e "Vitit 2006 të Italisë" në Kinë. Kjo ekspozitë përbëhet nga 5 ekspozita si për shembull "Ekspozita e artit italian në shekullin e 20-të", "Ekspozita e projektimit italian gjatë 50 vjetëve" etj. që shfaqin talentet dhe arritjet artistike të Italisë. (Fani)