Tani, Kina po përgatitet të përmirësojë sistemin e paralajmërimit për dëmtimet e industrive të tanishme për të zhvilluar kontrollin për gjendjen dëmprurëse të import-eksportit të mallrave të shumta.

Krijimi i sistemit të paralajmërimit të dëmtimeve industriale është mbrojtja e sigurisë së industrisë vendëse dhe është një metodë e përgjithshme e vendeve të ndryshme të botës. Në vitin 2001, Kina krijoi sistemin e vet të paralajmërimit të dëmtimeve industriale, duke përfshirë automjetet, çelikun, industrinë kimike, industrinë tekstile, makineritë, industrinë e informacionit elektronik etj në sferën e kontrollit për të zhvilluar kontrollin për gjendjen e import-eksportit të mbi 400 produkteve të këtyre industrive. Njëkohësisht Kina krijoi edhe bankën e të dhënave të sigurisë industriale. Specialistët mund të zhvillojnë analizën për të dhënat përkatëse dhe të vlerësojnë ndikimin e shkaktuar mbi industritë kineze. Një funksionar i Ministrisë së Tregtisë të Kinës tha se sipas rezultateve të këtyre vlerësimeve, tani Kina ka ndërmarrë mbi 30 hetime antidumping për produktet e importuara.

Zv/ministri i Tregtisë i Kinës, z. Gao Hucheng, tha se tani Kina është bërë vendi i 3-të më i madh tregtar në botë. Krahas acarimit të mëtejshëm të konkurrencës ndërkombëtare, mosmarrëveshjet tregtare që ndodhen para Kinës, janë shtuar nga dita në ditë. Për të parashikuar më tej dhe saktë, për të kontrolluar efektivisht humbjet e industrisë kineze dhe për të mbrojtur sigurinë ekonomike kombëtare, qeveria kineze vendosi që të zgjerojë kompetencën e bankës së të dhënave të sigurisë së industrive të tanishme.

"Banka e të dhënave e sigurisë industriale e zgjeruar, do të ketë ndryshime në 3 anë. Së pari, sfera e kontrollit do të zgjerohet; së dyti, analiza e të dhënave do të jetë më e saktë; së treti, sistemi i punës do të përmirësohet më shumë".

Zoti Gao Hucheng tha se pas zgjerimit të kompetencave të bankës së të dhënave të sigurisë industriale, Kina do të përfshirë industrinë petro-kimike, makineritë, materialet e ndërtimit dhe industrinë e lehtë në sferën e kontrollit dhe do të shtojë me përpjesëtime të mëdha treguesit e kontrollit të industrive të ndryshme.

Ministri i Tregtisë i Kinës Bo Xilai vuri në dukje se krijimi i sistemit të përmirësuar të paralajmërimit të dëmtimeve industriale është një vepër e sistemuar. Për këtë, qeveria kineze do të bëjë investime afatgjata në të.

"Sipas përvojës së vendeve të ndryshme, krijimi i sistemit të paralajmërimit të dëmtimeve industriale është një masë e domosdoshme për mbrojtjen e sigurisë së industrisë vendëse. Ne parashikojmë se para vitit 2008, do të arrijmë objektivin e këtij sistemi për kontrollin e 30 mijë ndërmarrjeve të mbarë vendit, në mënyrë që të krijohet një sistem i përsosur statistikor i kontrollit".

Zoti Wang Zheng për punën e tregtisë së jashtme, i tha gazetarit se tani, provinca Jiangsu që ndodhet në Kinën lindore, dhe disa zona të tjera filluan të zgjerojnë sferën e kontrollit për produktet e importuara sipas kërkesës së Ministrisë së Tregtisë të Kinës.

"Duke u nisur nga gjendja e e provincës, ne kemi zhvilluar punën e kontrollit dhe të paralajmërimit të sigurisë së produkteve të industrisë së çelikut dhe të industrisë kimike dhe publikuam në kohë raportin e kontrollit dhe të paralajmërimit të sigurisë së industrive. Në të ardhmen, ne do të zgjerojmë sferën e kontrollit. Njëkohësisht do të përfshijmë produktet e importuara me sasi të madhe dhe me ndikim relativisht të madh mbi ekonominë tonë industriale në sferën e kontrollit". (Sihai)