dëgjoni

Kohët e fundit, u organizua në Pallatin e Arteve Figurative të Kinës Forumi i drejtorëve të Muzeve të Arteve Figurative të Azisë. Ky është takimi i parë i lartë midis drejtorëve të muzeve të arteve figurative të Azisë. Në këtë forum, rreth 50 drejtorë të l5 vendeve diskutuan për gjendjen e tanishme dhe zhvillimin e muzeve të arteve figurative të Azisë.

Më 31 gusht, në ritmet e muzikës së gëzueshme popullore të Azisë juglindore të transmetuar në pallatin e arteve figurative të Kinë, me rastin e muajit të arteve figurative u mblodhën drejtorët e muzeve të 15 vendeve si të Kinës, Japonisë, Koresë së Jugut, të l0 vendeve të ASEAN-it si dhe të Indisë dhe Bangladeshit, të një pjesë të provincave të Kinës dhe të Honkongut, Makaos e Tajvanit si dhe studiuesit e arteve figurative të Azisë juglindore në ceremoninë e hapjes së forumit të Drejtorëve të Muzeve të Arteve Figurative të Azisë.

Në ceremoninë e hapjes së këtij forumi, ministri i Kulturës i Kinës Sun Jiazheng tha se kulturat e vendeve të ndryshme të Azisë janë shumë të pasura. Krahas procesit të integrimit ekonomik global dhe shkrirjes së kulturave të vendeve të ndryshme të Azisë me vendet e rajoneve të tjera të botës, kultura dhe arti figurativ i Azisë po dallohen gjithnjë e më shumë në botë. Ai tha :" Duke filluar nga shekulli i ri, kultura po luan një rol gjithnjë e më të dukshëm në marrëdhëniet midis vendeve. Shkëmbimet kulturore janë bërë forca nxitëse të bashkëpunimeve ndërqeveritare. Muzeu Shtetëror i Arteve Figurative si një shprehje e kulturës së një vendi duhet të marret parasysh edhe për ekzistencën dhe zhvillimin e tij në gjendjen e re. Ne shpresojmë që ky forum të arrijë rezultate të mira dhe të shndërohet në një platformë të re të shkëmbimeve dhe bashkëpunimit midis drejtorëve të muzeve të arteve figurative të Azisë dhe specialistëve të kësaj fushe. "

Në këtë forum, drejtorët e muzeve të arteve figurative e përfaqësuesit pjesëmarrës të vendeve të ndryshme shkëmbyen mendime të rëndësishme.

Drejtori i Muzeut Shtetëror i Vietnamit Truong Guok Binh i tregoi korrespondentit përvojën e tij për mbrojtjen dhe riparimin e objekteve artistike në mjedisat e klimës tropikale dhe shprehu dëshirën për shkëmbime të përvojës me kolegët kinezë. Ai theksoi se ky forum u dha të gjithëve një rast të mirë bashkëpunimi. Ai tha se : "Në sfondin e globalizimit, ne duhet të marrim parasysh edhe mbrojtjen e kulturës dhe arteve tradicionale krahas modernizimit të vendit, në mënyrë që krahas globalizimit të botës, të ruajmë si duhet karakteristikat e çdo vendi "

Drejtori i Pallatit të Arteve Figurative të Kinës z. Fan Dian tha se organizimi i këtij forumi është një simbol i bashkëpunimit midis institucioneve arteve figurative të Azisë. Ai tha gjithashtu: "Vendet e ndryshme të Azisë kanë burime të pasura të arteve figurative. Krahas organizimit të këtij forumi, janë hapur edhe kanalet e shkëmbimeve rajonale, të shkëmbimeve dypalëshe dhe shumëpalëshe dhe popujt e vendeve të ndryshme të Azisë mund të kënaqen me këto burime të arteve figurative." ( Zhai)