dëgjoni

Ditët e fundit përfundoi me sukses edicioni i 12-të i Konkursit të këngëtarëve të rinj të Televizionit Qendror të Kinës që zgjati 40 ditë. Ky aktivitet, ka ushtruar një ndikim të madh dhe është bërë shumë i pëlqyer nga masat e teleshikuesve, numri i të cilëve në mbarë Kinën arriti në l miliard.

Në nënrubrikën e sotme " Kultura në fokus" do t'ju njohi me këtë konkurs.

Konkursi i këngëtarëve të rinj i organizuar nga Televizioni Qendror i Kinës filloi në vitin l984 dhe organizohet një herë në dy vjet. Sivjet u organizua edicioni i 12-të. Qysh nga fillimi i tij, ky konkurs ka nxjerrë yje të njëpasnjëshme këngës si këngëtaret Mao Aming, Peng Linyuan, Song Zuying etj. Në edicionin e sivjetëm kishte 43 net, duke përfshirë ceremoninë e hapjes, 20 netët e konkurrimit në grupe dhe 20 netët e konkurrimit individual si dhe 2 netët e dhënies së çmimeve. Çdo natë zgjati rreth 150 minuta. Sipas një sondazhi mbi numrin e teleshikuesve? del ndër dhjetëra emisione artistike televilzive, numri i teleshikuesve të Konkursit të Këngëtarëve të Rinj ishte më i madhi.

Në këtë edicion të Konkursit morën pjesë l00 këngëtarë të ardhur nga krahina të ndryshme të vendit, që interpretuan në stilin modern, klasik, popullor burimor dhe në stilin popullor të përpunuar si dhe në grupe. Pjesëmarrësit duhej të kalonin fazën e parë dhe të dytë të konkurrimit dhe vetëm një numër i vogël këngëtarësh fituan të drejtën për të marrë pjesë në finale. Shumica e këngëtarëve pjesëmarrës ishin nga shkollat artistike a konservatorët e vendit, ose nga trupat artistike të krahinave të ndryshme, ndërsa një numër i vogël këngëtarësh erdhën nga zonat e largëta të pakicave kombëtare të Kinës.

Këngëtari Xue Haoyin, që fitoi çmimin e parë në kategorinë e interpretimit në stilin klasik, tha: "Sipas mendimit tim, grumbullimi i përvojës dhe përpjekjet janë shumë të rëndësishme. Edhe gjatë konkurrimit, me një gjendje të mirë shpirtërore mund të arrijmë një paraqitje të shkëlqyer".

Si konkursi më prestigjioz dhe me ndikimin më të madh në Kinë, në edicionet e kaluara, nga ky konkurs kanë dalë më shumë këngëtarë që interpretojnë në stilin popullor dhe atë klasik. Në edicionin e sivjetëm konkurruan 30 këngëtarë popullorë. Këngët e tyre ishin shumë të pasura duke përfaqësuar muzikën e pakicave kombëtare të Kinës. Z. Wang Zujie është caktuar për 3 edicione me radhë si anëtar i jurisë së Konkursit të këngëtarëve të rinj. Duke treguar ndryshimet e këtij edicioni më edicionet e kaluara, ai tha : " Në të kaluarën, për të treguar nivelin e tyre interpretues, këngëtarët zgjidhnin shpesh këngë melankolike. Kurse vitet e fundit, vihet re një ndryshim në zgjedhjen e këngëve. Tani këngët e zgjedhura janë më shumë për admirimin e jetës së bukur, prandaj duhen më të bukura".

Wang Zujie vuri në dukje se qysh nga vitet '50 të shekullit të kaluar e deri tani, në Kinë kanë dalë breza këngëtarësh popullorë, që kanë karakteristikat e veta të theksuara.

Edhe interpretimi i këngëtarëve në stilin burimor që është shtuar për herë të parë në këtë konkurs, u bë fokus i vëmendjes së publikut. Këngëtarët pjesëmarrës ishin kryesisht nga zonat e largëta malore të pakicave kombëtare dhe këngët e interpretuara prej tyre ishin të shoqëruara ose jo me orkestër. Këto këngë janë këngë të trashëguara që nga lashtësia dhe kanë karakteristika të theksuara vendore e nacionale. Përmbajtjet e këtyre këngëve janë shumë të pasura, ato lidhen me jetën, punën, dashurinë e doket e zakonet popullore.

Teoricieni i njohur kinez i muzikës Tian Qin i paraqiti i pari komitetit organizativ të Konkursit propozimin për pjesëmarrjen e këngëtarëve të stilit popullor burimor të papërpunuar në këtë konkurs.

Në një intervistë me gazetarët, ai tha:"Shtimi i kategorisë së këngëtarëve të stilit popullor burimor të papërpunuar është në prirjen e drejtimit të vëmendjes së shoqërisë për trashëgiminë kulturore jo materiale.

Interpretimi i këngëve në stilin popullor burimor të papërpunuar është baza e interpretimit të këngëve popullore. Kina ka 56 kombësi dhe një territor prej 9 milionë e 600 mijë kilometrash katrorë. Në çdo krahinë ka këngë të mirëpritura nga banorët vendorë. "

Gjatë këtij konkursi, edhe forma e interpretimit në grup në duet, trio dhe kuartet u veçua nga interpretimi në stilin zbavitës. Interpretimet e tyre karakteristike dhe me stil të veçantë u dhanë teleshikuesve një risi befasuese. Grupi "Shangrila", i përbërë nga këngëtarë tibetianë dhe të kombësisë Lisu të provincës Yunan, fitoi çmimin e dytë për interpretimin në grup. Ata me interpretimet e tyre të bukura paraqitën përpara teleshikuesve të mbarë Kinës kulturën shumëngjyrëshe, punën e zellshme, guximin, thjeshtësinë dhe frymën e sinqertë të banorëve të provincës Yunan dhe fituan vlerësimin e lartë të jurisë.

Pjesa që po dëgjoni është interpretuar pikërisht nga kuarteti "Shangërila".

Komentatorët thanë se vëmendjen e teleshikuesve e tërhoqën edhe provimi nga ana e përgatitjes komplekse dhe shprehja e mendimeve nga specialistët. Qysh nga edicioni i 8-të i këtij konkursi, pas interpretimit të këngëve, këngëtarët duhet të kalojnë edhe provimin e njohurive kulturore e muzikore. Për arsye se provimi bëhej aty për aty, përgjigjet e këngëtarëve ishin të ndryshme.

Një teleshikues që ka ndjekur më se dhjetë net me radhë këtë konkurs tha:"Mua më pëlqen shumë konkursi i këngëtarëve të rinj i organizuar nga Televizioni Qendror i Kinës. Mua më pëlqen muzika zbavitëse, më tërheq shumë edhe provimi i këngëtarëve, prej të cilëve mund të fitoj shumë njohuri të reja. Duke ndjekur zhvillimin e këtij konkursi, mua më duket se duhet të lexoj më shumë libra për të pasuruar njohuritë e mia".

Në këtë konkurs të këngëtarëve të rinj është shtuar edhe elementi i pjesëmarrjes së teleshikuesve. Teleshikuesit e krahinave të ndryshme mund të marrin pjesë me anën e mesazheve të celularit ose në uebsajtin e konkursit në zgjedhjen e këngëtarëve më të pëlqyer prej tyre. Grupi i vajzave të kombësisë tong nga provinca Guizhou "Kënga e gjinkallave" fitoi çmimin e parë të zgjedhur nga teleshikuesit. Interpretimi i tyre është plot frymë jetësore dhe stili i flokëve, stolisjet si dhe lulet e qëndisura me dorë në supin e veshjeve, përparëset dhe këpucët e qëndisura janë me karakteristika të theksuara nacionale që kanë tërhequr shumë vëmendjen e spektatorëve.( Zhai)