dëgjoni

Më 1 shtator, filloi të shfaqet në mbarë vendin filmi "Gjykimi në Tokjo" i xhiruar në bazë të një ngjarjeje historike. Ky film përshkruan procesin e gjykimit në vitin 1946 të 28 kriminelëve japonezë të luftës që projektuan luftën agresive në Azi. Gjykata ndërkombëtare ushtarake e Lindjes së Largët ishte e përbërë nga 11 vende. Nën presionin e madh, gjyqtari kinez Mei Ruao dhe prokurorët Xiang Zhejun e Ni Zhengao dënuan me vdekje 7 kriminelët më të rrezikshëm japonezë të luftës. Filmi shfaq plotësisht betejën e ashpër midis drejtësisë dhe poshtërsisë të zhvilluar para 60 vjetëve në gjykatën ndërkombëtare të Lindjes së Largët. Regjisori i filmit Gao Qunshu u shpreh se "Gjykimi në Tokjo" është një film historik që introspekton luftën, ai shpreh shpresën se filmi do të nxitë njerëzit e sotëm të kundërshtojnë luftën dhe të mbrojnë paqen.

Gjatë xhirimit mbi njëvjeçar të filmit, Gao Qunshu dhe kolegët kapërcyen vështirësi të panumërta. Ndër to, mungesa e të dhënave historike ishte vështirësia më e madhe. Gao Qunshu tha:

"Në Kinë mungojnë të dhënat e hollësishme lidhur me gjykimin e Tokjos. Ne gjetëm vetëm pak të dhëna në biblioteka të krahinave të ndryshme. Më në fund ne gjetëm në Japoni disa libra që kanë vlerë të lartë për filmin."

Filmi "Gjykimi në Tokjo" përputhet rreptësisht me faktin historik. 80% e dialogut të filmit "Gjykimi në Tokjo" është gjuha angleze, gjuha kineze zë vetëm 5% të dialogut, prandaj "Gjykimi në Tokjo" quhet film i huaj i xhiruar nga regjisori kinez. Për të luajtur mirë me rolet e filmit, aktorët e ardhur nga pjesa kontinentale e Kinës, Tajvani, Hongkongu, SHBA-ja dhe Japonia bashkëpunuan e ngushtë. Ndër këta aktorë ka edhe disa yje. Duke shprehur përshtypjet për këta aktorë, Gao Qunshu tha:

"Në syrin tim nuk ka yje, të gjithë ata janë aktorë të zakonshëm. Por këta aktorë interpretuan shumë mirë, i falënderoj shumë për kontributin e tyre për këtë film."

Në fakt Gao Qunshu studionte gazetarinë në universitet dhe pas diplomimit, ai u mor me gazetari për shumë vjet. Por kishte interes të madh për dramë dhe film dhe kështu ai u bë regjisor. Para xhirimit të filmit "Gjykimi në Tokjo" ai drejtoi disa drama televizive tërheqëse. Drama e parë televizive e Gao Qunshut "Bizele e artë" u realizua me aktorë amatorë. Pastaj drama e tij televizive me seri "13 çështje penale" krijoi rekordin e ri të tërheqjes së shikuesve në atë kohë. Drama televizive "Fitorja" është vepra tjetër e rëndësishme e Gao Qunshut dhe quhet shembulli i dramave televzive me temën policore. Për shkak të rezultateve të mira në tregun e dramave televezive, biznesmenë dhe shoqëri të ndryshme dëshirojnë të investojnë në veprat e dramave televizive të Gao Qunshut. Por gjatë xhirimit të filmit "Gjykimi në Tokjo", nuk kishte shumë shoqëri që dëshironin t'i jepnin investime. Gao Qunshu u detyrua të marrë 5 milionë juanë kredi nga banka dhe mbaroi xhirimin.

Duke folur për dallimet midis filmit dhe dramës televizive, Gao Qunshu tha:

"Jam i mendimit se xhirimi i dramës televezive është më i vështirë se xhirimi i filmit, sepse kushtet e xhirimit të filmit janë më të mira. Por nuk do të heq dorë nga drama televizive."

Si një regjisor i ri, Gao Qunshut i pëlqen tema e jetës së vërtetë. Gao Qunshu tha se në fakt ai është një regjisor amator dhe vetëm që ndan mendimet dhe ndjanjat e veta me njerëzit nëpërmjet dramës televizive ose filmit. (Fani)