dëgjoni

Gazeta kineze "Renminribao" njoftoi se më 5 shtator, u hap në Pallatin e Asamblesë Kombëtare Popullore të Kinës në Pekin Festivali i 3-të i arteve të pakicave kombëtare të Kinës. Udhëheqës kinezë si Hu Jintao etj. ndoqën shfaqjen në ceremoninë e hapjes.

Ky festival do të zgjasë 20 ditë. Më se 4500 artistë të pakicave kombëtare të Kinës do të japin në Pekin 33 shfaqje të shkëlqyeshme.

Do të hapet në Tajpei Panairi i dytë i librave midis dy brigjeve

Gazeta kineze "Xinjingbao" njoftoi se më 19 shtator, do të hapet në Tajpei të Kinës Panairi i dytë i librave midis dy brigjeve të ngushticës së Tajvanit. Ky është një nga aktivitetet e shkëmbimeve kulturore i organizuar nga qarqet e shtypit të dy brigjeve. Panairi do të zgjasë 10 ditë.

Siç bëhet e ditur, më se 300 persona të qarqeve të shtypit të pjesës kontinentale të Kinës do të marrin pjesë në këtë panair. Ata do t'u sjellin lexuesve tajvanezë 350 mijë libra nga më karakteristikët. Në këtë panair do të zhvillohet edhe forumi i të drejtave të autorit etj.

Në korrik të vitit të kaluar, u zhvillua në qytetin Xiamen të pjesës kontinentale panairi i parë i librave midis dy brigjeve.

Kina mori pjesë në Ekspozitën Artistike të Venisit

Agjencia kineze e lajmeve Hsinhua njoftoi se ditët e fundit, vepra artistike e ndërtimit e Kinës "Vatra" mori pjesë në ekspozitën ndërkombëtare të ndërtimit të Ekspozitës Artistike të Venisit.

Ekspozita Artistike e Venisit ka një histori prej 110 vjetësh dhe është ekspozita më e famshme artistike në botë. Ekspozita ndërkombëtare e ndërtimit është një degë e Ekspozitës Artistike të Venisit dhe u krijua në vitet '70 të shekullit të kaluar. Në këtë ekspozitë të ndërtimit morën pjesë më se 60 vende, tema kryesore është "qyteti".

U hap në Muzeumin Shtetëror të Kinës ekspozita e kostumeve kombëtare të Çekisë

Korrespondentja e Radios së Jashtme të Kinës njoftoi se më 13 shtator, u hap në Muzeumin Shtetëror të Kinës në Pekin ekspozita e kostumeve kombëtare të Çekisë. Kjo ekspozitë organizohet bashkërisht nga Muzeumi Shtetëror i Kinës dhe Muzeumi Shtetëror i Çekisë.

Në ekspozitë u vendosën 103 kostume kombëtare çeke dhe 40 fotografi që pasqyrojnë historinë dhe kulturën e lashtë të Çekisë.

Republika e Çekisë ndodhet në qendër të Evropës. Kostumet kombëtare janë pjesë e rëndësishme përbërëse e kulturës tradicionale të saj. (Fani)