dëgjoni

Siç mësohet, 101 vende të Evropës, Afrikës dhe të Lindjes së Mesme kanë në plan që, para vitit 2015, t'i japin fund dhënies së programeve televizive me sinjale analoge dhe të realizojnë shifrimin e sinjaleve të programeve televizive. Ashtu si vendet e sipërpërmendura, edhe Kina planifikon që të popullarizohen programet televizive me sinjale të shifruara. Në fakt, sot në Kinë, ka mbi 4 milionë konsumatorë që gëzojnë shërbimet televizive të cilësisë së lartë me sinjale të shifruara dhe, me ndihmën e këtyre sinjaleve, zgjedhin programet sipas nevojave të veta, blejnë mallra, regjistrohen për mjekim në ambulancë ose investojnë me anë të blerjes së aksioneve.

Kur përmendim shifrimin e sinjaleve televizive, kemi parasysh në radhë të parë zbatimin e teknologjive të shifrimit në procesin e xhirimit, redaktimit, përpunimit dhe transmetimit të programeve televizive. Në krahasim me sinjalet analoge, që ende përdoren gjerësisht, programet televizive me sinjale të shifruara karakterizohen nga pastërtia e lartë e figurën, nga efekti i bukur i zërit, nga vëllimi i madh i programeve, nga aftësia e fortë kundër ndërhyrjes së zhurmave etj. Me daljen e sinjaleve të shifruara televizive, do të ndryshojë gjendjs së marrjes së programeve nga telespektatorët në mënyrë pasive. Këtej e tutje, ata mund të zgjedhin vetë programet që u pëlqejnë. Gjëja, që veçanërisht na tërheq vëmendjen, është se sinjalet e shifruara televizive kanë edhe disa funksione të kompjuterit dhe krijojnë një platformë të shërbimeve lehtësuese familjare.

Gjyshi Vang Qinpu 77 vjeçar, që jeton në qytetin Hangzhou të Kinës Lindore, e çmon shumë televizorin e tij, sepse televizori është bërë partner i ngushtë për të dhe për bashkëshorten e tij dhe ata i kalojnë ditët duke u shoqëruar nga televizori. Vitin e kaluar, programet televizive me sinjale të shifruara hynë në jetën e këtij çifti të moshuar. Gjyshi Vang tha se, me ndihmën e televizorit të tyre, ai dhe e hoqja mund të marrin programe televizive më të larmishme në krahasim me të kaluarën. Ata gëzohen veçanërisht sepse, nëpërmjet sinjaleve të shifruara, mund të blejnë edhe librat që u pëlqejnë.

"Në programet televizive me sinjale të shifruara, unë gjej grafikun e gjendjes së shitjes së librave gjatë një jave dhe, në qoftë se ka libra që më pëlqejnë, unë i blej lehtë nëpërmjet sinjaleve të shifruara televizive."

Me përpjekjet e pandërprera që kanë bërë vitet e fundit punonjësit kinezë për zhvillimin e çështjes së radio-televizionit, është realizuar përgjithësisht në Kinë shifrimi i sinjaleve televizive në hallkat e redaktimit, përpunimit, dhënies dhe transmetimit të programeve televizive dhe vetëm televizorët e banorëve, që i përkasin hallkës së marrjes së sinjaleve, kanë mbetur për marrjen e sinjaleve analoge. Tani, po bëhet punë në shumë qytete të Kinës për shifrimin e televizorëve. Zv-drejtori i Kompanisë Aksionare të prodhimit të televizorëve të shifruar të qytetit Hangzhou, zoti Zheng Xiaolin, tha se ata po bëjnë përpjekje për marrjen e sinjaleve të shifruara televizive edhe me televizorët ekzistues, duke instaluar sipër tyre një kuti të marrjes së sinjaleve të shifruara. Ai tha:

"Në krahasim me televizionin me sinjale analoge, televizioni me sinjale të shifruara ka kanale më të gjera, me të cilat mund të transmetohen njëkohësisht qindra programe të cilësisë edhe më të lartë. Kështu, një televizor mund të përdoret si kompjuter dhe përdorimi është i lehtë."

Sipas planit të sipërpërmendur të qeverisë kineze, deri në vitin 2015, edhe Kina do t'i japë fund dhënies së programeve televizive me sinjale analoge dhe do të realizojë në mbarë vendin shifrimin e sinjaleve të programeve radio-televizive. Zv-drejtori i teknikës pranë Drejtorisë së përgjithshme të radio- film-televizionit- zoti Vang Lian, tha:

"Ne kemi hartuar një plan të zhvillimit perspektiv për realizimin e shifrimit të sinjaleve televizive përkatësisht në krahinat lindore, qendrore dhe perëndimore të vendit tonë, duke e ndarë në 4 faza. Do të përpiqemi që, deri në vitin 2015, të kryejmë plotësisht kalimin nga televizioni me sinjale analoge në atë me sinjale të shifruara."

Televizorët janë bërë sot mjetet më të popullarizuara të informacioneve në Kinë. Popullarizimi i televizorëve me ngjyra në familjet e fshatit kinez ka arritur në 75%, kurse kjo shifër në qytet e ka kaluar shifrën 130%. Sipas të dhënave të drejtorisë së përgjithshme të radio-film-televizionit të Kinës, puna për popullarizimin e programeve televizive me sinjale të shifruara po shtrihet gradualisht në zonat qendrore dhe perëndimore të Kinës, sidomos në zonat e pazhvilluara; gjithnjë e më shumë banorë kinezë do të marrin programet e bukura televizive që sjellin sinjalet e shifruara, dhe do t'i kenë ato si ndihmësin e tyre në jetën e përditshme. (Zheng)