dëgjoni

Në vitin 2008, 12 ditët pas mbylljes së Lojërave Olimpike të Pekinit, do të zhvillohen gjithashtu në Pekin Lojërat e 13-ta Paralimpike. Tani punët e ndryshme përgatitore për këto lojëra paralimpike janë zhvilluar normalisht sipas planit. Komiteti Organizativ i Lojërave Olimpike të Pekinit premtoi se të dyja lojërat filluan në të njejtën kohë punët përgatitore dhe do të zhvillohen në mënyrë të mrekullueshme në të njejtin nivel. Në programin e sotëm do t'ju njohim me hollësi të punëve përgatitore të Lojërave Paralimpike të Pekinit.

Lojërat Paralimpike të Pekinit do të hapen më 6 shtator 2008 dhe do të mbyllen më 17 shtator. Në këto lojëra do të marrin pjesë mbi 4000 sportistë nga 150 vende e rajone të botës, mbi 2500 trajnerë e funksionarë dhe mbi 4000 gazetarë. Këto lojëra paralimpike përfshijnë 20 disiplina kryesore sportive me 471 medalje të arta. Numri i përgjithshëm i medaljeve të arta është më shumë se ai i Lojërave Olimpike. Nga numri i medaljeve të arta del gjithashtu se përmasa e këtyre lojërave do te jenë e madhe dhe se punët organizative të lojërave ndodhen përpara sfidave të mëdha. Mirëpo, nënkryetarja e Federatës së Invalidëve të Kinës dhe nënkryetarja ekzekutive e Komitetit Organizativ të Lojërave Olimpike të Pekinit, zj. Tang Xiaoquan tha ditët e fundit në Pekin se punët përgatitore për organizimin e Lojërave Paralimpike janë zhvilluar në mënyrë sistematike. Lidhur me arsyen e numrit të shumtë të medaljeve të arta të Lojërave Paralimpike në krahasim me atë të Lojërave Olimpike, zj. Tang shpjegoi se sipas rregullave të Lojërave Paralimpike, për të siguruar barazinë dhe drejtësinë e garave, para Lojërave Paralimpike, të gjitha disiplinat do të ndahen në shkallë të ndryshme sipas kategorisë dhe shkallës së të metave fizike. Sportistët, me të njejtën të metë fizike ose në shkallë të përafërtë, do të mblidhen në një grup.

"P.sh. vrapimi 100 metra për meshkuj, në Lojërat Olimpike ka vetëm një medalje ari, ndërsa në Lojërat Paralimpike, për arsye se ndahet në grupe dhe shkallë të ndryshme sipas kategorisë dhe shkallës së të metave fizike, vrapimi 100 metra për meshkuj do të ketë 11 medalje ari."

Zj. Tang Xiaoquan, nënkryetarja ekzekutive e Komitetit Organizativ të Lojërave Olimpike të Pekinit tha se për arsye të karakteristikës së veçantë të Lojërave Paralimpike, brenda 12 ditëve pas mbylljes së Lojërave Olimpike, duhet të kryhen të gjitha punët e ndryshimit për Lojërat Paralimpike me pajisje të përkohshme, logjistikë, teknikë, media, funksionim dhe hallka të tjera. Aktualisht, sektorët e ndryshëm pranë komitetit organizativ të Lojërave Olimpike të Pekinit po hartojnë planifikimin e saktë për këto punë të ndryshimit brenda 12 ditëve.

Tjetër punë e rëndësishme gjatë përgatitjes për Lojërat Paralimpike është ndërtimi i pajisjeve pa pengesë në pallate e stadiume sportive dhe në komunikacion urbanistik. Gjatë Lojërave Paralimpike, 18 pallate e stadiume sportive ndodhen në Pekin dhe 16 prej tyre janë gjithashtu për Lojërat Olimpike. Zj. Tang Xiaoquan tha se në ndërtimin e këtyre 16 pallateve e stadiumeve sportive të Lojërave Olimpike, merret parasysh projektimi i pajisjeve pa pengesë. Zj. Tang tha se deri në vitin 2008, të gjitha pajisjet pa pengesë në këto pallate e stadiume sportive do të plotësojnë kërkesat e Lojërave Paralimpike.

Në anën e komunikacionit urbanistik të Pekinit, të gjitha hyrjet e stacioneve të reja të metrosë projektohen pa pengesë, kurse për ato të vjetra do të bëhet edhe transformimi. Zj. Tang Xiaoquan bëri të ditur se afro 46 hyrje të stacioneve të metrosë do të transformohen për pajisje pa pengesë. Njëkohësisht, po hartohet edhe plani i mjeteve automobilistike pa pengesë.

"Lojërat Paralimpike kanë shumë kërkesa për komunikacionin. Gjatë këtyre lojërave, sportistëve invalidë do t'u jepen mjaft makina udhëtarësh me pajisje të posaçme për hyrjen e daljen e karrocave të invalidit. Krahas kësaj, Bashkia e qytetit të Pekinit po fillon transformimin e sistemit të komunikacionit publik me pajisje pa pengesë. Pavarësisht nga persona të tjeshtë apo invalidë, komunikacioni publik i Pekinit do ti çojë normalisht në pallate e stadiume sportive ku do të shkojë."

Lojërat Paralimpike të Pekinit kanë të njejtin parullë me Lojërat Olimpike të Pekinit, d.m.th. "Një botë, një ëndërr". Komiteti Organizativ i Lojërave Olimpike të Pekinit u shpreh se kjo pasqyron edhe dëshirën e tij dhe të gjithë popullit kinez, që të organizojë të dy lojrat me të njejtën mrekulli.(Wang Lei)