dëgjoni

"Olimpiada e gjelbër" është një nga 3 konceptet kryesore të Lojërave Olimpike 2008. Bashkia e qytetit të Pekinit u ka kushtuar rëndësi të madhe ndërtimit dhe mbrojtjes së mjedisit. Për të arritur këtë objektiv, një nga masat e bazuara është pakësimi i lëshimit të gazit të makinave. Korrespondenti i radios sonë mësoi ditët e fundit nga sektori përkatës se të gjitha automjetet për Lojërat Olimpike të Pekinit 2008 do të jenë makina që mbrojnë mjedisin dhe një pjesë prej tyre do të jenë me energji krejt elektrike, pa gaz të lëshuar dhe pa asnjë ndotje ndaj mjedisit. Prandaj automjetet me energji krejt elektrike, të kërkuara dhe prodhuara nga vetë Kina, do të bëhen "kartëvizitë" për shpjegimin e konceptit "Olimpiada e gjelbër". Në programin e sotëm do t'ju njohim me automjetet me energji krejt elektrike për Lojërat Olimpike.

Gjatë 10 vjetëve të fundit, gazi i lëshuar nga makinat ka qenë burimi i parë i ndotjes ajrore të Pekinit. Deri në fund të qershorit të këtij viti, në qytetin e Pekinit ka gjithsej 2 milionë e 730 mijë automjete dhe parashikohet që deri në fund të këtij viti kjo shifër të kalojë 3 milionë. Sipas statistikave të matjes, në ajrin e Pekinit mbi 70% të hidrokarburit dhe mbi 60% të oksid-azotit vijnë nga gazi i lëshuar nga makinat.

Komisioni Organizativ i Lojërave Olimpike të Pekinit ka premtuar seriozisht se do të kontrollojë rreptësisht vëllimin e përgjithshëm të lëshimit të gazit nga makina, duke garantuar që cilësia e ajrit të Pekinit të arrijë në standardin e Komitetit Olimpik Ndërkombëtar, edhe në kushtet më të këqia meteorologjike. Në këto rrethana, Pekini ka përgjegjësi dhe domosdoshmëri të zhvillojë automje të tipit të ri dhe pa ndotje. Sipas prirjes së tanishtme ndërkombëtare, përdorimi i automjeteve elektrike dhe veçanërisht zhvillimi dhe prodhimi i automjeteve me energji krejt elektrike pa asnjë ndotje është bërë zgjedhja e parë e Pekinit.

Në fakt, automjete me energji krejt elektrike ishin vënë në përdorim edhe në disa Lojërat Olimpike të mëparëshme, si të Atlantikës, të Sidnejit dhe të Athinës. Në këtë drejtim, Pekini nuk dëshiron të mbetet prapa. Në vitin 2003, kur u arrit sukses kërkesë së Pekinit për organizimin e Lojërave Olimpike të Pekinit, Pekini hartoi një plan mbi makinat për Lojërat Olimpike. Sipas këtij plani, në radhë të parë të gjitha makinat për Lojërat Olimpike të Pekinit, me karburant dhe me energji elektrike, duhet të përputhen me standardet e mbrojtjes së mjedisit; dhe së dyti Pekini do të kërkojë dhe të prodhojë në mënyrë të pavarur automjete me energji krejt elektrike dhe do t'i futë në përdorim së shpejti.

Z. Zhen Jichun, anëtari i Komisionit të Shkencës dhe Teknikës të Pekinit, që pergjigjet për kërkimin e automjeteve me energji krejt elektrike, prezantoi planin e përdorimit të makinave për Lojërat Olimpike të Pekinit. Ai tha:

"Parashikohet që gjatë Lojërave Olimpike 2008, numri i makinave për këtë veprimtari të jetë 1500 dhe të gjitha këto duhet të jenë makina të mbrojtjes së mjedisit. Makina e mbrojtjes së mjedisit ka disa lloje, si me karburant, me dinamikën e përzier, me energji krejt elektrike dhe bile trolejbus. Të gjitha këto makina duhet të përputhen me kërkesat e mbrojtjes së mjedisit. Këto vite, bashkia e Pekinit ka përkrahur kërkimin e makinës së madhe të udhëtarëve, me energji krejt elektrike. Nga gjendja e tanishme, deri në vitin 2008 do të jemi në gjendje të futim në përdorim 50 makina të tilla udhëtarësh në zonën qendrore olimpike të Pekinit."

Automjet me energji krejt elektrike, d.m.th. që dinamika e tij mbështetet plotësisht në bateri. Për shkaqe teknike, automjete të tilla ekzistuese në botë përballojnë shumë probleme të vështira, si koha e shkurtër e funksionimit, vështirësia në ngarkim, etj. Mirëpo, me përpjekjet, automjeti me energji krejt elektrike, i kërkuar nga Komisioni i Shkencës dhe i Teknikës të Pekinit, ka pasur përparime në teknika të ndryshme. Z. Zhen Jichun tha:

"Teknika jonë është e përparuar në Kinë dhe arrin në nivelet e para të botës. Automjet me energji elektrike, të përdorura në Lojërat Olimpike të kaluara, ishin pajisuar me bateri Plumbat, ndërsa në automjetin e kërkuar nga ne perdoret bateri Lithium-lon, gjë që është e paparë në vende të tjera."

Mësohet se në krahasim me bateri Plumbat, bateria Lithium-lon ka vëllim më të vogël, jetëgjatësi më të madhe dhe është më e mirë për mbrojtjen e mjedisit. Z. Zheng Jichun tha se tani Komisioni i Shkencës dhe Teknikës i Pekinit ka kryer të gjitha kërkimet e këtij automjeti, duke arritur një sërë rezultatesh teknike me të drejtat e pavarura të pronësisë intelektuale. Pas edhe gjysëm viti, automjetet me energji krejt elektrike do të futen në përdorim. Z. Zhen tha se arritja aq shpejt e rezultatit nuk ndahet nga përkrahja e qeverisë qendrore dhe bashkisë së Pekinit.

"Vendi ynë i ka kushtuar rëndësi studimit të automjeteve me energji elektrike. Rreth kërkimeve dhe prodhimit të kësaj veprimtarie, bashkia e Pekinit ka investuar afro 200 milionë juanë."

Besojmë se gjatë Lojërave Olimpike 2008, 50 automjetet me energji krejt elektrike do të përbëjnë një panoramë të bukur gjatë rrugëve të Pekinit. (Wang Lei)