Sot do t'ju paraqes këngëtarin nga Singapori Huang Yida dhe këngët e tij. Huang Yida është një burrë i butë dhe ka paraqitje të bukur, ndërsa fjalët dhe aktivitetet e tij janë plot me karakter mashkullor. Kështu që ai është pëlqyer nga të rinjtë.

Po dëgjoni tani këngën me titull "Metro". Në fund të vitit 2003 regjisori i famshëm hongkongas Wang Jiawei drejtoi filmin me titull "Metro". Huang Yida këndoi këngën kryesore të këtij filmi "Metro(Demo)". Zëri i tij shfaqet në pjesët e rëndësishme të këtij filmi, duke na lënë mbresa të thella. Kështu që Huang Yida u bë i njohur nga shikuesit aziatikë.  dëgjoni

Në shkollën e mesme, Huang Yida nuk mësonte mirë. Në Singapor, një vend që i kushton rëndësi arsimit, shumë njerëz ishin të mendimit se ai nuk do të kishte perspektivë. Një ditë, e motra i dërgoi Huang Yida-s një kitarë dhe në atë kohë, Huang Yida mendoi që të lidhet me muzika, duke gjetur kështu drejtimin e zhvillimit të tij.

Për të mësuar muzikë, në moshën 15 vjeçare, Huang Yida u largua nga shkollat tradicionale dhe u pranua në shkollën e muzikës të muzikantëve Li Sisong dhe Li Weisong. Atje ai filloi të mësojë me zell muzikë dhe t'i bjerë kitarës dhe pianos. Në vitin 2004 Huang Yida u regjistrua nga kompania "Sony", pastaj ai nxori albumin e parë "Nuk mund të përkufizohet". Në këtë album nuk ka elemente muzikore pop, si ato elektronike, Hi-Ha dhe R&B. Në këtë album Huang Yida ka përzier stilin rok me stilin klasik. Shumë këngë të këtij albumi janë pëlqyer nga dashamirësit, si këngët "Dashuria në mikroskop", "Qielli blu" dhe "Feshnjë e paemër".  dëgjoni

Po dëgjoni tani këngën me titull "Dashuria në mikroskop". Në këtë këngë thuhet "Di Da Di, po dëgjoj britmën e qiellit. Disa ëndrra janë zhdukur dhe janë varrosur në këtë qytet. Një letër dhe një triko e vjetër, çfarë është kujtimi im?..."

Në albumin e Huang Yida-s "Nuk mund të përkufizohet" ka një këngë që tregon dashurinë e parë me titull "Të pëlqej". Zëri i butë dhe i ngrohtë i Huang Yida-s na tregon rrahjen e fortë të zemrës të një djali nga dashuria. Do të dëgjoni tani këngën me titull "Të pëlqej".  dëgjoni

Në vitin 2005, Huang Yida nxori albumin e dytë me titull "Kodi i përshtatshëm". Në këtë album Huang Yida u ka propozuar Li Sisongut dhe Li Weisongut shumë ide të tij. Këtë herë ai krijoi tekstet e 2 këngëve dhe meloditë e 5 këngëve, dhe ishte gjithashtu operator zëri i disa këngëve, si "Dëshmitar", "Ngushëllim i një sekonde", "Ajo vajzë më tha" etj.

Po dëgjoni tani këngën me titull "Kodi i përshtatshëm". Në këtë këngë thuhet "Çdo minutë dhe çdo sekondë, muzika është fillimi i të gjitha gjërave. Kur jam i lodhur, do të këndoj. Besimi është pikëçuditëse, do të buzëqesh. Di që ta gjej ëndrrën time."  dëgjoni

Në albumin "Kodi i përshtatshëm" ka një këngë të kënduar nga Huang Yida dhe këngëtarja e hongkongase Karen Mok me titull "Set Me Free". Le ta dëgjojmë këtë këngë. dëgjoni(Wu Sen)